ເກີດເຫດແຜ່ນດິນໄຫວຢູ່ໄຮຕິເສຍຊີວິດເກືອບ 1.300 ຄົນ

   ວັນທີ 15 ສິງຫາຜ່ານມາທາງການ ໄຮຕີ ເປີດເຜີຍວ່າ: ເກີດແຜ່ນດິນໄຫວຢ່າງຮຸນແຮງຂະໜາດ 7,2 ລິກເຕີ ທາງພາກໃຕ້ຂອງປະເທດໂດຍມີສູນກາງເລິກ 10 ກິໂລແມັດ ເຮັດໃຫ້ມີຜູ້ເສຍຊີວິດຢ່າງໜ້ອຍ 1.297 ຄົນ ແລະບາດເຈັບປະມານ 5.700 ຄົນ, ຍັງມີຜູ້ສູນຫາຍຈຳນວນຫຼາຍ ແລະມີດິນເຈື່ອນເຮັດໃຫ້ປິດກັ້ນ ເສັ້ນທາງຫລວງລະດັບຊາດ.


 ໜ່ວຍງານຄຸ້ມຄອງພົນລະເຮືອນໄຮຕີ ລະບຸວ່າ: ເສັ້ນທາງຫລວງດັ່ງກ່າວເຊື່ອມຕໍ່ເມືອງເລສຄາເຢສ ແລະ ເມືອງເຈເຣມີ ທາງພາກໃຕ້ຂອງປະເທດປະຈຸບັນເຈົ້າໜ້າທີ່ ພວມເລັ່ງຟື້ນຟູເສັ້ນທາງດັ່ງກ່າວ. ໃນເຂດເລສກາເຢສ ໃກ້ຈຸດສູນກາງແຜ່ນດິນໄຫວມີບ້ານເຮືອນ 1.500 ຫຼັງເປ່ເພ ແລະ 3.000 ຫຼັງເສຍຫາຍບາງສ່ວນທີ່ເຂດນິບເປມີບ້ານເຮືອນ 899 ຫຼັງເປ່ເພເສຍຫາຍ.


 ນອກຈາກນັ້ນ, ທ່ານ ເອເຣຍ ເຮນຣີນາຍົກລັດ ຖະມົນຕີ ໄຮຕີ ເດີນທາງໄປຍັງພື້ນທີ່ເພື່ອປະເມີນຄວາມເສຍຫາຍພ້ອມທັງລະດົມເຈົ້າໜ້າທີ່ກູ້ເພື່ອຊ່ວຍເຫລືອຜູ້ປະສົບເຄາະຮ້າຍດັ່ງກ່າວ.

แชร์