ເອຊີລີດາລາວ ບໍລິການຜ່ານລະບົບດີຈີຕອລ ເພື່ອຮັກສາໄລຍະຫ່າງໂຄວິດ-19

   ໃນຍຸກສະໄໝເຕັກໂນໂລຊີ ແລະການແຜ່ລະບາດຂອງພະຍາດ COVID19 ຜະລິດຕະພັນດີຈີຕອລ ແລະອີເລັກໂທຣນິກແມ່ນມີບົດບາດສຳຄັນຫຼາຍຜະລິດຕະພັນດີຈີຕອລຊ່ວຍໃຫ້ບັນດາຫົວໜ່ວຍທຸລະກິດສາມາດເຮັດທຸລະກຳການໂອນເງິນ ແລະທຸລະກຳອື່ນໆໃນບັນຊີຂອງຕົນເອງໄດ້ຢ່າງສະດວກສະບາຍທຸລະກຳການໂອນເງິນບາງອັນສາມາດດຳເນີນການໄດ້ແບບອັດຕະໂນມັດ.

    ທະນາຄານ ເອຊີລີດາ ລາວ ຈຳກັດ, “ປະຊາທະນາຄານທີ່ທ່ານໄວ້ວາງໃຈ” ແລະມີວິໄສທັດໃນການເປັນຜູ້ນຳໃນດ້ານທະນາຄານເພື່ອ SME ໃນ ສປປ ລາວ ໄດ້ແຈ້ງເປັນປະຈຳກ່ຽວກັບຜະລິດຕະພັນ-ການບໍລິການອີເລັກໂທຣນິກ ແລະດີຈີຕອລຜ່ານທາງ Facebook, ເວັບໄຊ໌ ຂອງທະນາຄານເຊັ່ນ: ບໍລິການຖອນເງິນຜ່ານຕູ້ເອທີເອັມ 57 ໜ່ວຍ ໃນ 15 ແຂວງ-ຕົວເມືອງ, ການເຊື່ອມຕໍ່ລະບົບເອທີເອັມກັບທະນາຄານອື່ນ (LAPS), ການຖອນເງິນຜ່ານຕູ້ເອທີເອັມ ໂດຍບໍ່ໃຊ້ບັດ ແລະເອຊີລີດາໂມບາຍ,ການບໍລິການດີຈີຕອລຂອງທະນາຄານ ເອຊີລີດາ ຈະເປັນເຄື່ອງມືທີ່ສຳຄັນທີ່ສຸດສຳລັບລູກຄ້າໃນການຮັກສາໄລຍະຫ່າງທາງສັງຄົມ ແລະຫຼຸດຜ່ອນຄວາມແອອັດໃນຊ່ວງໄລຍະການລະບາດຂອງພະຍາດ COVID-19.

  ລູກຄ້າສາມາດເຮັດທຸລະກຳ ແລະຖອນເງິນສົດດ້ວຍການນຳໃຊ້ບັດ ຫຼືບໍ່ນຳໃຊ້ບັດຜ່ານຕູ້ເອທີເອັມໄດ້ຢ່າງວ່ອງໄວ ແລະມີປະສິດທິພາບ, ສຳລັບລູກຄ້າທີ່ນຳໃຊ້ບັດທະນາຄານອື່ນທີ່ເປັນສະມາຊິກ LAPS ກໍ່ສາມາດຖອນເງິນສົດ ແລະກວດຍອດເງິນໃນບັນຊີຜ່ານຕູ້ເອທີເອັມຂອງທະນາຄານ ເອຊີລີດາ ໄດ້ເຊັ່ນດຽວກັນ.

   ປະຈຸບັນ, ມີລູກຄ້າຫຼາຍກວ່າ 80.000 ຄົນນຳໃຊ້ເອຊີລດາໂມບາຍເພື່ອເຮັດທຸລະກຳຊຳລະຜ່ານ QR Code, ລົງທະບຽນສິນເຊື່ອ, ໂອນເງິນ, ຊຳລະຄ່າສາທາລະນຸປະໂພກ (ນໍ້າປະປາ, ໂທລະຄົມ, ຊຳລະງວດສິນເຊື່ອ, ຊຳລະເບ້ຍປະກັນ ແລະອື່ນໆ), ຕື່ມມູນຄ່າໂທລະສັບ (ລາວໂທລະຄົມ, ອີທີແອວ ແລະຢູນີເທວ), ກວດການເຄື່ນໄຫວບັນຊີ, ອັດຕາແລກປ່ຽນ ແລະຂໍ້ມູນທີ່ກ່ຽວຂ້ອງອື່ນໆ. 

    ທ່ານ ນາງ ໄກສອນ ລິນທອງ, ຫົວໜ້າພະແນກການຕະຫຼາດຂອງທະນາຄານ ເອຊີລີດາ ລາວ ຈຳກັດ ກ່າວວ່າ: ທະນາຄານ ເອຊີລີດາ ໄດ້ເຊັນສັນຍາການໃຫ້ບໍລິການຊຳລະບິນຄ່າໄຟຟ້າຜ່ານເອຊີລີດາໂມບາຍກັບລັດວິສາຫະກິດໄຟຟ້າລາວເປັນທີ່ຮຽບຮ້ອຍແລ້ວ, ໃນຂະນະນີ້ແມ່ນກຳລັງພັດທະນາລະບົບ ແລະພ້ອມທີ່ຈະໃຫ້ບໍລິການໃນໄວໆນີ້. ທ່ານຍັງກ່າວຕື່ມອີກວ່າ: ການນຳໃຊ້ບໍລິການດີຈີຕອນມີບົດບາດສຳຄັນຫຼາຍໃນໄລຍະການລະບາດຂອງ COVID19, ລູກຄ້າທີ່ນຳໃຊ້ເອຊີລີດາໂມບາຍ ສາມາດນຳໃຊ້ ແລະເຂົ້າເຖິງການບໍລິ ການທະນາຄານໄດ້ທຸກເວລາ ໂດຍບໍ່ ຕ້ອງເຂົ້າມາ ຫ້ອງການຂອງທະນາຄານ. ສະນັ້ນ, ເພື່ອອຳນວຍຄວາມສະດວກໃຫ້ແກ່ລູກຄ້າຂອງພວກເຮົາ,ທະນາຄານໄດ້ມີແຜນພັດທະນາ Function ໃຫ້ຫຼາຍຂຶ້ນ,ນອກຈາກນີ້ລູກຄ້າຍັງສາມາດຂໍລົງທະບຽນສິນເຊື່ອໄດ້ຫຼາຍຊ່ອງທາງເຊັ່ນ: ລົງທະ ບຽນຜ່ານເອຊີລີດາໂມບາຍ, ສູນປະຊາສຳພັນໄດ້ທີ່ເບີ “1800 ”, Faccebook page “ACLEDA Bank Lao Ltd” ໄດ້.

   ທະນາຄານ ເອຊີລີດາ ລາວ ຈຳກັດ ເປັນທະນາຄານທຸລະກິດຕ່າງປະເທດທີ່ດຳນີນທຸລະກິດໃນ ສປປ ລາວ ມາຫຼາຍກວ່າ 13 ປີ, ໃນລະດັບພູມີພາກ, ກຸ່ມເອຊີລີດາ ປະກອບມີ: ທະນາຄານເອຊີ ລີດາມະຫາຊົນຊຶ່ງເປັນບໍລິສັດແມ່ ແລະມີບໍລິສັດລູກ 4 ແຫ່ງ ທີ່ດໍາເນີນທຸລະກິດ ຢູ່ປະເທດກຳປູເຈຍ, ລາວ ແລະມຽນມາ, ມີຊັບສິນລວມທັງໝົດຫຼາຍກວ່າ 6,6 ຕື້ໂດລາສະຫະລັດ ແລະໃຫ້ບໍລິການລູກຄ້າຫຼາຍລ້ານຄົນພ້ອມທັງບໍລິການໂອນເງິນທົ່ວໂລກ.

แชร์