ເລັ່ງປະເມີນຜົນແກ້ໄຂທຸກຍາກຢູ່ 2 ບ້ານເມືອງຈຳພອນ ຄາດກາງເດືອນນີ້ມອບ-ຮັບ

    ປະຊາຊົນບ້ານຄຳປາແໜ ແລະບ້ານປ່າກ້ວຍ ເມືອງຈຳພອນ ໃນເມື່ອກ່ອນແມ່ນມີຄວາມທຸກຍາກທີ່ສຸດຫາກິນເລື່ອນລອຍກາຍເປັນຄົນຂໍທານໝົດບ້ານ ແຕ່ພາຍຫຼັງທີ່ເຈົ້າຂອງໂຮງງານຜະລິດນໍ້າດື່ມ ແລະນ້ຳກ້ອນໂລມາຄຳເຂົ້າຊ່ວຍເຫຼືອສ້າງພື້ນຖານການຜະລິດເຮັດໃຫ້ຊີວິດຂອງເຂົາເຈົ້າເຫຼົ່ານັ້ນໄດ້ຫຼຸດພົ້ນອອ ກຈາກຄວາມທຸກຍາກເທື່ອລະກ້າວ ແລະປະຈຸບັນໜ່ວຍງານພາກລັດກຳລັງເລັ່ງປະເມີນໂຄງການ ແລະຄາດວ່າຈະມີການມອບ-ຮັບໃນກາງເດືອນມີນານີ້.

  ທ່ານ ເກຍ ອູ໊ສິດທິເດດ ເຈົ້າຂອງໂຮງງານຜະລິດນໍ້າດື່ມ ແລະນ້ຳກ້ອນໂລມາຄຳກ່າວວ່າ: ບ້ານຄຳປ່າແໜ-ປ່າກ້ວຍ ມີ 261 ຄອບຄົວ, ມີພົນລະເມືອງທັງ ໝົດ 1.528 ຄົນຊົນເຜົ່າບຣູ,ຢູ່ໃນເຂດຊົນນະບົດ,ພື້ນທີ່ເປັນດິນປ່າໂຄກ, ດິນຊາຍແກມຫີນແຮ່, ຫີນຕັບເຕົ່າ, ເປັນດິນບໍ່ຮາບພຽງ, ຂາດແຫຼ່ງນໍ້າ; ຜ່ານມາປະຊາຊົນສ່ວນຫຼາຍມີອາຊີບ ເຮັດນາແຕ່ບໍ່ກຸ້ມກິນປະຊາຊົນຈຳນວນໜຶ່ງໃນ 2 ບ້ານຫາກິນແບບເລື່ອນລອຍ, ຫາເຊົ້າກິນຄໍ່າ, ຂາດພື້ນຖານການຜະລິດກາຍເປັນຄົນຂໍທານທີ່ສືບທອດກັນມາຈາກລຸ້ນສູ່ລຸ້ນ.

  ນັບຕັ້ງແຕ່ປີ 2016-2018 ໂຄງການໄດ້ຊົມໃຊ້ທຶນທັງໝົດ 21 ຕື້ກີບ ໃນນີ້ 15 ຕື້ກວ່າກີບແມ່ນທຶນສ່ວນຕົວໃຫ້ການຊ່ວຍເຫຼືອບຸກເບີກເນື້ອທີ່ນາໃໝ່ໄດ້ 204 ເຮັກຕາໃຫ້ໃນ ແລະນອກເປົ້າໝາຍ 112 ຄອບຄົວ,ໄດ້ປັບນາເກົ່າຄືນ 24 ເຮັກຕາ,ຈົກໜອງສະໃຫຍ່ໄດ້ 110 ໜອງໃນເນື້ອທີ່ 21 ກວ່າເຮັກ ຕາ, ໃນນັ້ນ 107 ໜອງປະກອບໃຫ້ 85 ຄອບຄົວ 4 ໜອງເປັນໜອງລວມຂອງບ້ານຢາຍຢູ່ຫຼາຍບ່ອນເກັບຂັງນໍ້າໄວ້ໃຫ້ສັດກິນ, ລ້ຽງປາ ແລະ ຫົດຜົນ ລະປູກເຮັດໜອງສະນ້ອຍ 94 ໜອງໃຫ້ 47 ຄອບຄົວລ້ຽງປາດຸກ, ຈັດສັນເນື້ອທີ່ດິນປຸກສ້າງຈຳນວນ 40 ຕອນ ຕອນລະ1-2 ພັນ ຕາແມັດ ໃຫ້ປະຊາຊົນສ້າງເຮືອນຢູ່, ມີສວນປູກ, ມີນໍ້າບາດານ, ມີສ້ວມຖ່າຍ, ມີຄອກສັດ.

  ພ້ອມດຽວກັນນັ້ນກໍປຸກເຮືອນເຄິ່ງ ຖາວອນໃຫ້ປະຊາຊົນໄດ້ຈຳນວນ 36 ຄອບຄົວເຂົ້າມາໂຮມຢູ່ບ້ານໃຫຍ່, ສ້ອມ ແປງຕໍ່ເຕີມເຮືອນ 82 ຫຼັງ, ກໍ່ສ້າງຫ້ອງ ການສະໂມສອນ ພ້ອມປະກອບເຄື່ອງ ຂະຫຍາຍສຽງໃຫ້ບ້ານ, ເຈາະນໍ້າບາ ດານ 141ບໍ່ ໃຫ້ແຕ່ລະຄອບຄົວ, ເຮັດ ສວນປູກໄດ້ 118 ສວນ,ໃຫ້ແນວພັນ ພືດຜັກ, ແນວພັນເຂົ້າ, ແນວພັນປາ, ສັດລ້ຽງຫຼາຍຊະນິດ, ຫົວອາຫານປາ, ຫົວອາຫານສັດ, ຝຸ່ນຊີວະພາບ, ປຸ໋ຍເຄ ມີ, ດິນດຳ ແລະສ່ວນປະສົມສຳຫຼັບເຮັດ ຝຸ່ນຊີວະພາບໃຊ້ເອງ, ອຸປະກອນຮັບໃຊ້ ໃນການຜະລິດເປັນຕົ້ນ: ລົດໄຖນາ, ຈັກ ຟາດເຂົ້າ, ຜ້າແຍ່ງ, ຜ້າຢາງ ແລະ ອື່ນໆ ຊຶ່ງຜົນຜະລິດທີ່ປະຊາຊົນເຮັດໄດ້, ຫາມາໄດ້ນັ້ນ ສ່ວນທີ່ຍັງຂາຍບໍ່ໝົດໂຄງ ການພວກເຮົາຮັບຊື້ໃຫ້ທັງໝົດ.

  ທ່ານ ເກຍ ອູ໊ສິດທິເດດ ກ່າວຕື່ມວ່າ: ມາຮອດມື້ນີ້ຊີວິດການເປັນຢູ່ຂອງປະຊາຊົນໃນ 2 ບ້ານດັ່ງກ່າວແມ່ນມີການປ່ຽນແປງດີຂຶ້ນ ແລະຫຼຸດພົ້ນອອກຈາກຄວາມທຸກຍາກພ້ອມສາມາດລົບລ້າງຄົນຂໍທານໄດ້ຢ່າງສິ້ນເຊີງມີຫຼາຍໆປະຖົມປັດໄຈໃໝ່ທີ່ເປັນພື້ນຖານການຜະລິດໃຫ້ປະຊາຊົນໄດ້ມີວຽກເຮັດເປັນປະຈຳ, ຮູ້ການປູກ-ການລ້ຽງທີ່ຖືກວິທີ, ເຮັດໃຫ້ມີຜົນປະໂຫຍດ, ຕິດພັນກັບການອອກແຮງງານ, ເຮັດການຜະລິດແບບຄອບຄົວຢູ່ກັບທີ່ເພື່ອໃຫ້ກຸ້ມຢູ່ກຸ້ມກິນ ແລະຍືນຍົງ.

  ແນວໃດກໍດີປະຈຸບັນນີ້ໜ່ວຍງານກ່ຽວຂ້ອງເບື້ອງລັດກຳລັງເລັ່ງປະເມີນຜົນການຈັດຕັ້ງປະຕິບັດໂດຍຄາດວ່າ ຈະມີການມອບ-ຮັບໂຄງການໃນກາງເດືອນມີນາ 2019 ນີ້ ຈາກໝາກ ຜົນການເສຍສະລະຈິ່ງເຮັດໃຫ້ທ່ານ ໄດ້ຮັບການຍ້ອງຍໍໃນຂັ້ນຕ່າງໆຈຳນວນ ເກືອບ 300 ໃບ ທັງໝົດນັ້ນແມ່ນຈາກນ້ຳໃຈທີ່ເສຍສະລະໄດ້ຄວາມສຸກທີ່ຫຼາຍ ຄົນເຮັດບໍ່ໄດ້ຄືທ່ານເກຍ ທັງນີ້ໃນອະ ນາຄົດຫາກມີໜ່ວຍງານໃດທີ່ມີຄວາມສົນ ໃຈໃນການແລກປ່ຽນບົດຮຽນກໍຍິນດີທີ່ຈະແລກປ່ຽນນຳ, ທ່ານ ເກຍ ກ່າວ.

ຂ່າວ: ນສພ ເສດຖະກິດ-ສັງຄົມ

แชร์