ທພລ ຊ່ວຍຈຳປາສັກ 100 ລ້ານກີບ ຕ້ານໂຄວິດ

ໂດຍ: ໂພທິລາດ

    ຫຼາຍພາກສ່ວນໃນແຂວງຈໍາປາສັກຍັງສຶບຕໍ່ໃຫ້ການຊ່ວຍເຫຼືອເງິນອຸປະກອນການແພດ ແລະຕຽງນອນໃຫ້ແກ່ແຂວງຈໍາປາສັກເພື່ອຮອງຮັບໃຫ້ແກ່ແຮງງານລາວທີ່ໄດ້ເດີນທາງກັບປະເທດເພື່ອມາກັກຕົວຢູ່ສູນ ແລະຮອງຮັບຈຳນວນຜູ້ທີ່ຕິດເຊື້ອໂຄວິດ-19.

   ວັນທີ 10 ສິງຫາ ຜ່ານມານີ້ທີ່ຫ້ອງວ່າການປົກຄອງແຂວງຈໍາປາສັກ, ໄດ້ມີພິທີມອບເງິນຕ້ານການແຜ່ລະບາດຂອງພະຍາດໂຄວິດ -19,ໂດຍກ່າວມອບຂອງ ທ່ານ ຄຳລຽນ ສົມມະວົງ ຫົວໜ້າທະນາຄານພັດທະນາລາວສາຂາປາກເຊພ້ອມຄະນະ ແລະກ່າວຮັບໂດຍທ່ານ ວິໄລວົງ ບຸດດາຄໍາ ເຈົ້າແຂວງໆຈໍາປາສັກມີຫົວໜ້າຫ້ອງການ ປົກຄອງແຂວງ ແລະຫົວໜ້າກອງເລຂາສະເພາະກິດເຂົ້າຮ່ວມ.

    ສຳລັບການມອບມີເງິນ ຈຳນວນ 100 ລ້ານກີບ ຈາກທະນາຄານພັດທະນາລາວສາຂາປາກເຊແມ່ນເພື່ອປະກອບສ່ວນເຂົ້າໃນການຕ້ານ ແລະ ສະກັດກັ້ນການແຜ່ ລະບາດຂອງເຊື້ອພະຍາດໂຄວິດ-19 ຢູ່ແຂວງຈຳປາສັກ, ຊຶ່ງປະຈຸບັນໄດ້ມີການລະບາດທັງແຮງງານນໍາເຂົ້າ ແລະຈາກຊຸມຊົນຊຶ່ງເປັນສັນຍານເຕືອນທີ່ໜ້າເປັນຫວ່ງສະ ນັ້ນການກະກອບສ່ວນເງີນຊ່ວຍເຫຼືອຈາກທຸກພາກສ່ວນຈຶ່ງມີຄວາມສໍາຄັນຫຼາຍໃນການຕ້ານພະຍາດຮ້າຍໃນຄັ້ງນີ້.

แชร์