ຈີນ ກວດພົບຜູ້ຕິດເຊື້ອໂຄວິດໃໝ່ ສູງເຖິງ 143 ຄົນ

   ສປ ຈີນ ກວດພົບຜູ້ຕິດເຊື້ອໂຄວິດ-19 ລາຍໃໝ່ 143 ຄົນ ມີຜູ້ຕິດເຊື້ອໃນປະເທດ 108 ຄົນ ສູງສຸດໃນຮອບ 7 ເດືອນ.

  ຕາມຂ່າວຕ່າງປະເທດລາຍງານວ່າ ເຈົ້າໜ້າທີ່ກະຊວງສາທາລະນະສຸກຈີນ ກວດພົບຜູ້ຕິດເຊື້ອໂຄວິດ-19 ລາຍໃໝ່ 143 ຄົນ ມີຜູ້ຕິດເຊື້ອໃນປະເທດ 108 ຄົນ ແລະມີຜູ້ຕິດເຊື້ອຫຼາຍສິບຄົນທີ່ຕິດເຊື້ອມາຈາກຈຸດບໍລິການກວດຫາເຊື້ອໂຄວິດ-19 ໃນເມືອງຫາງໂຈວ ທາງຕາເວັນອອກຂອງຈີນ ເປັນສະຖິຕິສູງສຸດໃນຮອບ 7 ເດືອນຜ່ານມາ, ສຳລັບການແຜ່ລະບາດຄັ້ງນີ້ຖືວ່າຢູ່ໃນລະດັບຮຸນແຮງທີ່ສຸດນັບຕັ້ງແຕ່ພົບການລະບາດຂອງເຊື້ອພະຍາດໂຄວິດ-19 ໃນເມືອງອູ່ຮັ່ນທາງພາກກາງຂອງຈີນ ແລະເຮັດໃຫ້ທາງການທ້ອງຖິ່ນຕ້ອງປະກາດໃຊ້ມາດຕະການຄວບຄຸມໂຄວິດ-19 ຢ່າງເຂັ້ມງວດຮອບໃໝ່ໃນຫຼາຍພື້ນທີ່ພ້ອມທັງເລັ່ງກວດຫາເຊື້ອໂຄວິດ-19 ໃຫ້ປະຊາຊົນຈຳນວນຫຼາຍ ແລະໃຊ້ມາດຕະການຈຳກັດການເດີນທາງ.

  ກ່ອນໜ້ານີ້ ຈີນ ສາມາດຄວບຄຸມໂຄວິດ-19 ໄດ້ແລ້ວຈົນບໍ່ມີຜູ້ຕິດ ເຊື້ອລາຍໃໝ່ ແລະເຮັດໃຫ້ກິດຈະການທາງເສດຖະກິດກັບມາຟື້ນຕົວໄດ້ປະຈຸບັນ ຈີນ ມີຍອດຜູ້ຕິດເຊື້ອສະສົມກວ່າ 93.000ຄົນ ແລະເສຍຊີວິດ ກວ່າ 4.600 ຄົນ.

 

 

แชร์