ໄຟໄໝ້ປ່າໃນອານເຊຣີ ມີຜູ້ເສຍຊີວິດ 62 ຄົນ

   ເກີດເຫດໄຟໄໝ້ປ່າທີ່ກຳລັງລຸກລາມຢ່າງໜັກໃນເຂດພາກເໜືອຂອງອານເຊຣີ ເຮັດໃຫ້ມີຜູ້ເສຍຊີວິດແລ້ວ 62 ຄົນ.
    ຕາມຂ່າວຕ່າງປະເທດລາຍງານວ່າໄຟໄໝ້ປ່າຫລາຍສິບຈຸດເພີ່ມຄວາມຮຸນແຮງໃນ 16 ແຂວງທາງພາກເໜືອຂອງປະເທດ ອານເຊຣີ ໃນເຂດ ອາຟຣິກາເໜືອ ເຮັດໃຫ້ມີຜູ້ເສຍຊີວິດຢ່າງໜ້ອຍ 62ຄົນ ໃນນີ້ເປັນເຈົ້າໜ້າທີ່ທະຫານ 28 ຄົນ ຖືກສົ່ງໄປຊ່ວຍດັບໄຟປ່າ ແລະເຈົ້າໜ້າທີ່ກ່ຽວຂ້ອງໄດ້ຮັບບາດເຈັບອີກຈຳນວນໜຶ່ງ.ຂະນະນີ້ ທ່ານ ໄອມັນ ເບນັບເດີຣາໝາເນ ນາຍົກລັດຖະມົນຕີ ອານເຊຣີ ຖະແຫລງຜ່ານໂທລະພາບເມື່ອບໍ່ດົນມານີ້ວ່າ: ລັດຖະບານພວມຢູ່ລະຫວ່າງການເຈລະຈາກັບຄູ່ຮ່ວມ ງານຕ່າງປະເທດເພື່ອຈ້າງເຮືອບິນ ແລະຊ່ວຍເລັ່ງຂະບວນການດັບໄຟຢ່າງຮີບດ່ວນພ້ອມທັງສັ່ງຍົກຍ້າຍປະຊາຊົນໃຫ້ໄປຢູ່ໂຮງແຮມ,ຫໍພັກເຍົາວະຊົນ ແລະຫໍພັກມະຫາວິທະຍາໄລເພື່ອຄວາມປອດໄພ.


  ຂະນະທີ່ທຸກພາກສ່ວນທັງເຈົ້າໜ້າທີ່ມອດໄພຂອງລັດ ແລະອາສາສະໝັກເລັ່ງຄວບຄຸມສະຖານະການຕະຫຼອດ 24 ຊົ່ວໂມງ ເພື່ອບໍ່ໃຫ້ແປວໄຟລຸກລາມຂະຫຍາຍເປັນວົງກວ້າງ ແລະເພື່ອປ້ອງກັນການເສຍຊີວິດເພີ່ມ.

แชร์