200 ກວ່າຮ້ານ ຮ່ວມວາງສະແດງສິນຄ້າທັອບໄທແບຣນ

  ກົມສົ່ງເສີມການຄ້າກະຊວງອຸດສາຫະກໍາ ແລະການຄ້າ ຮ່ວມກັບກົມສົ່ງເສີມການຄ້າລະຫວ່າງປະເທດ ກະຊວງການຄ້າແຫ່ງຣາຊະອານາໄທ, ຈັດງານວາງສະແດງສິນຄ້າ Top Thai Brands 2019 ຂຶ້ນໃນວັນທີ 6 ມີນາທີ່ສູນການຄ້າລາວ-ໄອເຕັກ ນະຄອນຫຼວງ ວຽງຈັນ ເຂົ້າຮ່ວມເປັນປະທານມີ ທ່ານ ພັນ ທອງ ພິດທຸມມາ ຮອງລັດຖະມົນຕີກະຊວງອຸດສາຫະກຳ ແລະການຄ້າ, ທ່ານ ໄຊສົມເພັດ ນໍຣະສິງ ຫົວໜ້າກົມສົ່ງເສີມການຄ້າ ແລະ ທ່ານ ຊັດສະວັນ ສາຄອນສີອັກຄະເອກຄະຣາດຊະທູດແຫ່ງຣາດຊະອານາຈັກໄທປະຈໍາລາວ, ມີຫົວໜ້າກົມ, ຮອງກົມ, ນັກທຸລະກິດທັງພາຍໃນ ແລະ ຕ່າງປະເທດ.

   ທ່ານ ນາງ ຍານີ ສີມີໄຊ ອັດຄະ ລາດຊະທູດທີ່ປຶກສາຝ່າຍການຄ້າໄທ ປະຈໍາລາວ ກ່າວວ່າ: ງານຄັ້ງນີ້ຈັດ ຂຶ້ນເປັນປີທີ 4 ໂດຍມີຈຸດປະສົງ ເພື່ອສ້າງຄວາມສຳພັນອັນດີດ້ານ ການຄ້າ ແລະການລົງທຶນລະຫວ່າງ ຜູ້ປະກອບການ ແລະນັກລົງທຶນ ລາວ-ໄທ, ເປັນການເພີ່ມມູນຄ່າການ ຄ້າລະຫວ່າງປະເທດ, ເສີມສ້າງ ພາບລັກສິນຄ້າທີ່ມີຄຸນນະພາບ ແລະ ມາດຕະຖານຂອງທັງສອງປະເທດ ໃຫ້ເປັນທີ່ນິຍົມ ແລະຍອມຮັບທັງ ໃນ ແລະຕ່າງປະເທດ. ນອກຈາກນີ້ ຍັງສາມາດກະຕຸ້ນ ແລະເສີມສ້າງ ໂອກາດໃຫ້ນັກທຸລະກິດທັງສອງ ປະເທດເກີດຄວາມຮ່ວມມືກັນ ເພື່ອກ້າວສູ່ຕະ ຫຼາດສາກົນໄປພ້ອມໆກັນ.

  ພາຍໃນງານມີການສຳມະນາໃນດ້ານຂອງ ທຸລະກິດທີ່ສ້າງແຮງບັນດານໃຈ ໂດຍມີນັກ ທຸລະກິດທີ່ປະສົບຜົນສຳເລັດມາແລ້ວ ທັງຈາກ ປະເທດລາວ ແລະໄທ ບໍ່ວ່າຈະເປັນ ທ່ານ ກ້ອງ ອາຍຸນ້ອຍຮ້ອຍ ລ້ານ, ທ່ານ ວູດດີ້, ທ່ານ ໂຈໂຈ້ ມິຣາ ໂຄລ ແລະນອກຈາກນີ້ ຍັງມີນັກຮ້ອງ ທີ່ມີຊື່ສຽງຈາກລາວ ແລະໄທເປັນຕົ້ນ ແມ່ນ ແພັດ ເພັດດາວອນ, ເກັ່ງ ທະຊະຢະ, ໄມ ພິລົມພອນ, ໃບເຕີຍ ອາສະຫຍາມ ແລະເພັດຕ້າຊິອອມ ມາໃຫ້ຄວາມມ່ວນ ຊື່ນນຳອີກ.

  ສໍາລັບກິດຈະກຳການວາງສະແດງສິນຄ້າຄັ້ງນີ້ມີສິນຄ້າຈາກລາວ ແລະ ໄທຫຼາຍກວ່າ 200 ຮ້ານ ເປັນຕົ້ນແມ່ນການວາງສະແດງສິນຄ້າຈາກສາມະຄົມເຄືອ ຂ່າຍ Food Truck, ການວາງສະແດງຂອງບໍລິສັດການບິນໄທ ຈໍາກັດ, ນອກຈາກນີ້ຍັງມີສິນຄ້າແມ່ ແລະເດັກ, ສິນຄ້າຄວາມງາມ, ສິນຄ້າອຸປະໂພກ ແລະ ບໍລິໂພກ, ໂດຍງານດັ່ງກ່າວຈະດໍາເນີນຮອດວັນທີ 10 ມີນາຈິ່ງສໍາເລັດ.

ຂ່າວ: ກິ່ງລັດຕະນະ

• 11/03/2019