LaoVietBank ສືບຕໍ່ມອບຕັ່ງຫີນໃຫ້ 3 ພາກສ່ວນໃນນະຄອນຫຼວງວຽງຈັນ.

ຂ່າວ-ພາບ: LaoVietBank   

    ໃນລະຫວ່າງວັນທີ 02-06 ສິງຫາ 2021 ຜ່ານມາ, ທະນາຄານ ຮ່ວມທຸລະກິດ ລາວ-ຫວຽດ ຈໍາກັດ (LaoVietBank) ໄດ້ສືບຕໍ່ສະໜັບສະໜູນຕັ່ງຫີນໃຫ້ກັບບັນດາສະຖານທີ່ສໍາຄັນຕ່າງໆໃນນະຄອນຫຼວງວຽງຈັນ, ເຊິ່ງໃນອາທິດຜ່ານມານີ້ແມ່ນມອບຢູ່ 3 ຈຸດ ເປັນຕົ້ນແມ່ນ: ສວນເຈົ້າອະນຸວົງ (ແຄມຂອງ), ຫໍວັດທະນະທໍາແຫ່ງຊາດ ແລະສະຖາບັນການທະນາຄານລວມທັງໝົດ 50 ໜ່ວຍ.

     ຕາງໜ້າທະນາຄານຮ່ວມທຸລະກິດ ລາວ-ຫວຽດ ຈໍາກັດ ໃຫ້ກຽດມອບໂດຍ ທ່ານ ນາງ ແສງມະນີ ພິລາວົງ, ຫົວໜ້າໜ່ວຍງານພັດທະນາເຄື່ອງໝາຍການຄ້າ ແລະສື່ສານມວນຊົນ ແລະ ຕາງໜ້າຄະນະຜູ້ຮັບຜິດຊອບສວນເຈົ້າອະນຸວົງ (ແຄມຂອງ) ກ່າວຮັບໂດຍທ່ານ ນາງ ທັນວາ. ສ່ວນຫໍວັດທະນະທຳແຫ່ງຊາດຮັບໂດຍທ່ານ ພູນສີ ລາດຊະຈັກ, ຜູ້ອໍານວຍການພ້ອມດ້ວຍຄະນະ. ສໍາລັບສະຖາບັນທະນາຄານຕາງໜ້າຮັບໂດຍ ອາຈານ ອຳພາ ທຸມມາລາ, ຮອງຫົວຫນ້າພະແນກຫ້ອງການສະຖາບັນການທະນາຄານພ້ອມດ້ວຍຄະນະ.

   ໂອກາດນີ້, ທ່ານ ນາງ ແສງມະນີ ພິລາວົງ, ຫົວໜ້າໜ່ວຍງານພັດທະນາເຄື່ອງໝາຍການຄ້າ ແລະສື່ສານມວນຊົນທະນາຄານຮ່ວມທຸລະກິດ ລາວ-ຫວຽດ ຈໍາກັດ ກ່າວວ່າ: ໃນອາທິດຜ່ານມາ, ພວກເຮົາໄດ້ສືບຕໍ່ມອບຕັ່ງຫີນ LVB DIGIBANK ໃຫ້ກັບ 03 ພາກສ່ວນເຊິ່ງເປັນການສືບຕໍ່ສະໜັບສະໜູນຕາມທິດທາງແຜນການທີ່ເຮົາໄດ້ຂຶ້ນແຜນໄວ້. ສໍາລັບອາທິດຕໍ່ໜ້າເຮົາຈະສືບຕໍ່ຈະມອບຕັ່ງຫີນໃຫ້ກັບບັນດາສະຖານທີ່ສາທາລະນະອື່ນອີກໃນນະຄອນຫຼວງວຽງຈັນແລ້ວຈະແຈ້ງໃຫ້ຊາບພາຍຫຼັງ.

------

แชร์