ນາຊາເປີດຮັບອາສາສະໝັກໄປຢູ່ດາວອັງຄານຈຳລອງດົນ 1 ປີ

    ນາຊາ ເປີດຮັບອາສາສະໝັກ 4 ຄົນໄປຢູ່ ດາວອັງຄານ ຈຳລອງ ດົນ 1 ປີ ທຸກຢ່າງເໝືອນຈິງ ໄດ້ໃຊ້ຊີວິດເໝືອນນັກບິນອະວາກາດທີ່ໄປເຮັດພາລະກິດເທິງດາວອັງຄານ. ຕາມຂ່າວຕ່າງປະເທດລາຍງານວ່າອົງການບໍລິຫານການບິນ ແລະ ອະວະກາດແຫ່ງຊາດອາເມລິກາ (ນາຊາ) ເປີດໂອກາດໃຫ້ຄົນໄດ້ສຳພັດປະສົບການນັ້ນ ໂດຍເປີດຮັບອາສາສະໝັກ 4 ຄົນ ເພື່ອໄປໃຊ້ຊີວິດຢູ່ເທິງດາວອັງຄານຄືເລື່ອງທີ່ຕັ້ງຢູ່ເທິງເນື້ອທີ່ຫຼາຍກວ່າ 157 ຕາແມັດ ທີ່ສ້າງຂຶ້ນໂດຍເຄື່ອງພີມ 3 ມິຕິ ພາຍໃນອາຄານຈອນສັນສະເປຊເຊັນເຕີ ເມືອງຮີວສະຕັນ ອາເມລິກາດົນເຖິງ 1 ປີ, ໂດຍພາຍໃນອາຄານຈຳລອງແຫ່ງນີ້ຈະປະກອບໄປດ້ວຍຫ້ອງສ່ວນຕົວ ແລະພື້ນທີ່ສ່ວນກາງເຊັ່ນ: ຫ້ອງນໍ້າ 2 ຫ້ອງ, ເຮືອນຄົວ, ພື້ນທີ່ທາງການແພດ, ພື້ນທີ່ໃນການອອກກຳລັງກາຍ, ພື້ນທີ່ເພື່ອການພັກຜ່ອນ ແລະ ພື້ນທີ່ສຳລັບການເຮັດວຽກລວມທັງສະຖານທີ່ສຳລັບການທົດລອງປູກຜືດ ແລະເຖິງແມ່ນວ່າໂຄງການດັ່ງກ່າວຈະບໍ່ແມ່ນດາວອັງຄານຈິງແຕ່ສະພາບພື້ນດິນທັງໝົດຈະມີຄວາມໃກ້ຄຽງທີ່ເປັນຈິງຫຼາຍ ແລະອາສາສະໝັກຈະໄດ້ຈຳລອງການໃຊ້ຊີວິດຈິງເທິງດາວອັງຄານພ້ອມທັງຈະໄດ້ປະເຊີນພາລະກິດທີ່ທ້າທາຍຕ່າງໆທີ່ອາດພົບໄດ້ເທິງດາວອັງຄານພ້ອມທັງປະເຊີນພາລະກິດທີ່ທ້າທາຍຕ່າງໆທີ່ອາດພົບໄດ້ເທິງດາວອັງຄານ ລວມໄປເຖິງຂໍ້ຈຳກັດດ້ານຊັບພະຍາກອນ, ຄວາມລ້າຊ້າໃນການສື່ສານ ແລະຄວາມຄຽດຈາກສິ່ງແວດລ້ອມອື່ນໆ.
     ໂດຍຄຸນສົມບັດເບື້ອງຕົ້ນຂອງອາສາສະໝັກນັ້ນກໍ່ຄືເປັນພົນລະເມືອງອາເມລິກາ ຫຼືຜູ້ທີ່ຢູ່ອາໄສຖາວອນທີ່ມີສຸຂະພາບດີ,ບໍ່ສູບຢາ, ບໍ່ມີບັນຫາເລື່ອງອາຫານສາມາດສື່ສານພາສາອັງກິດໄດ້ດີ ແລພມີອາຍຸລະຫວ່າງ 30-55 ປີ ແລະຈະຕ້ອງຈົບປະລິຍາໂທໃນສາຂາວິທະຍາສາດ, ວິສາວະກຳສາດ, ຄະນິດສາດ ຫຼືອແພດສາດມີຊົ່ວໂມງບິນຫຼາຍກວ່າ 1.000 ຊົ່ວໂມງ ໂດຍໂຄງການດັ່ງກ່າວຈະເລີ່ມຕົ້ນໃນລະດູໃບໄມ້ຫຼົ່ນປີໜ້າ.

แชร์