ເປີດໂຮງແຮມ-ຮ້ານອາຫານຕາມສັ່ງ ແສງມະນີ ເມືອງກາສີ

ຂ່າວ: ບຸນນິກ 

    ໂຮງແຮມ ແລະຮ້ານອາຫານຕາມສັ່ງ ແສງມະນີ ເມືອງກາສີ ແຂວງວຽງຈັນ ຖືເປັນອີກໂຮງແຮມທີ່ບໍລິການໄດ້ເນັ້ນມາດຕະຖານເປີດບໍລິການພ້ອມທີ່ຈະຮັບແຂກທຸກພາກສ່ວນຈັດງານກອງປະຊຸມສຳມະນາຕ່າງໆ ທີ່ລູກຄ້າຕ້ອງການທີ່ສຳຄັນທາງພາກສ່ວນເພິ່ນພ້ອມເນັ້ນໃຊ້ທຸກມາດຕະການຂອງໜ່ວຍງານສະເພາະກິດວ່າງອອກ.

    ທ່ານ ນາງ ເພັດມະນີ ໄຊຊະນະ ເຈົ້າຂອງໂຮງແຮມ ແສງມະນີ ໃຫ້ສຳພາດນັກຂ່າວໜັງສືພິມໃຫ້ຮູ້ວ່າ: ໂຮງແຮມສ້າງຂຶ້ນເພື່ອຢາກພັດທະນາບ້ານເມືອງຕົນເອງ ໂດຍສະເພາໃຫ້ແຂກມາພັກໄດ້ມີທີ່ພັກທີ່ຮັບມາດຖານຄຸນນະພາບຊຶ່ງທາງໂຮງແຮມນັບແຕ່ເປີດໃຫ້ບໍລິການມາຖືວ່າໄດ້ຮັບຄວາມສົນໃຈຈາກແຂກພາຍໃນ ແລະ ຕ່າງປະເທດໂດຍສະເພາະການນຳຊຶ່ງຖືວ່າໃນເມືອງກາສີ ທາງໂຮງແຮມເປັນອັນດັບຕົ້ນ ແລະສັງຄົມໃຫ້ຄວາມສົນໃຈຢ່າງດີ ໂດຍສະເລ່ຍໃຫ້ເຫັນແຕ່ລະມື້ແມ່ນມີແຂກເຕັມທຸກມື້ໃນຈຳນວນ 40 ຫ້ອງໄລຍະຜ່ານມາ.

   ປະຈຸບັນແຂກທີ່ມາທ່ຽວເມືອງກາສີກໍ່ສາມາດເຂົ້າມາພັກເຊົ່າໄດ້ຊຶ່ງທາງໂຮງແຮມ ແລະຮ້ານອາຫານກໍ່ໄດ້ປະຕິບັດເຂັ້ມງວດທຸກຂັ້ນຕອນຂອງໜ່ວຍງານສະເພາະກິດເພິ່ນວາງອອກຢ່າງເຂັ້ມງວດຊຶ່ງແຂກມາທ່ຽວກໍ່ສາມາດເຂົ້າມາພັກ ແລະກິນອາຫານໄດ້ຕາມປົກກະຕິພິເສດທ່ານໃດມາຈັດງານທາງໂຮງແຮມ ແລະຮ້ານອາຫານກໍ່ສາມາດຈັດງານລ້ຽງໃຫ້ຕື່ມອີກ.

   ໂຮງແຮມ ແສງມະນີ ເປັນໂຮງແຮມ 2 ຊັ້ນມີຫ້ອງນອນ 40 ຫ້ອງມີສະຖານທີ່ຈອດລົດກວ້າງຂວ້າງສາມາດຮ້ອງຮັບແຂກໄດ້ເຕັມທີ່ສະນັ້ນທ່ານໃດໄດ້ ແລະຕ້ອນຮັບແບບເປັນຄອບຄົວກັນເອງ.

แชร์