ຮີຮານນາ ນັກຮ້ອງດັງກ້າວສູ່ ມະຫາເສດຖີແຕ່ບໍ່ແມ່ນມາຈາກເພງ

  ຮີຮານນາ ນັກຮ້ອງຜີວສີອາຍຸ 33 ປີ ກ້າວສູ່ທຳນຽບມະຫາເສດຖີຮຽບຮ້ອຍດ້ວຍມູນຄ່າຊັບສິນປະມານ 1,7 ຕື້ໂດລາສະຫະລັດ ເຮັດໃຫ້ເປັນນັກຮ້ອງຍິງທີ່ຮັ່ງມີທີ່ສຸດເປັນອັນດັບ 2 ເປັນຮອງພຽງ ໂອປຣາ ວິນຟຣີ ເຈົ້າແມ່ ທອກໂຊ ຄົນອາເມລິກາອາຍຸ 67 ປີ ຊຶ່ງນັ່ງແທ່ນແມ່ຍິງໃນວົງການບັນເທີງທີ່ຮັ່ງມີທີ່ສຸດໃນໂລກ.

  ນັກຮ້ອງຊຸບຕາຜີວສີ ເຈົ້າຂອງເພງຮິດເຊັ່ນ Umbrella , Where Have You Been ,We Found Love ແລະອື່ນໆປະສົບຄວາມສຳເລັດສ້າງເງິນໄດ້ມະຫາສານຈາກທຸລະກິດແຟຊັນ ແລະເຄື່ອງສຳອາງຍີ່ຫໍ້ເຟນຕີ້ບິວຕີ້ທີ່ເປີດໂຕໃນ ປີ 2021 ແລະຕອນນີ້ສ້າງເງິນໃຫ້ລາວປະມານ 1,4 ຕື້ໂດລາ,  ເຟນຕີ້ບິວຕີ້ມີຊື່ສຽງເປັນທີ່່ຮູ້ຈັກໃນຖານະຍີ່ຫໍ້ເຄື່ອງສຳອາງທີ່ຄວບຄຸມທຸກຜີວສີ ໂດຍປີທຳອິດທີ່ເປີດໂຕສາມາດສ້າງລາຍໄດ້ຫຼາຍກວ່າ 550 ລ້ານໂດລາ ໂດຍຕອນນັ້ນ ເຟນຕີ້ບິວຕີ້ ເປັນໜຶ່ງໃນຍີ່ຫໍ້ເຄື່ອງສຳອາງທຳອິດທີ່ໄດ້ຮັບຄວາມນິຍົມຫຼາຍ.

----

ໜັງສືພິມ ເສດຖະກິດ-ສັງຄົມ

แชร์