ເທສະການອາຫານຝຣັ່ງ ຈະຈັດຂື້ນໄວໆນີ້

 ເທສະການອາຫານຝຣັ່ງຢູ່ ສປປ ລາວ ຄັ້ງທີ 5 ຈະຈັດຂຶ້ນ ວັນທີ 15 ມີນາ 2019 ຢູ່ເຮືອນພັກທ່ານເອກອັກຄະລັດຊະທູດຝຣັ່ງ ນະຄອນຫຼວງວຽງຈັນ ໂດຍໄດ້ເຕົ້າໂຮມເອົາຮ້ານອາຫານຕ່າງໆ ແລະ ຜູ້ມັກປຸງແຕ່ງອາຫານເຂົ້າຮ່ວມເພື່ອສະເຫຼີມສະຫຼອງວັດທະນະ ທຳການປຸງແຕ່ງອາຫານແບບຝຣັ່ງທີ່ຖືກຮັບຮອງຈາກອົງການອຸຍແນັດໂກວ່າເປັນມໍລະດົກດ້ານວັດທະນະທຳ.

  ທ່ານ ນາງ Florence JEANBLANC-RISLER ເອກອັກຄະລັດຊະທູດຝຣັ່ງ ປະຈຳ ສປປ ລາວ ກ່າວວ່າ: ເທສະການອາ ຫານຝຣັ່ງມີການເຕີບໃຫຍ່ຂະ ຫຍາຍຕົວຂຶ້ນເລື້ອຍໆໃນແຕ່ລະປີ ແລະປີ 2019 ມີປະມານ 150 ປະ ເທດທົ່ວໂລກ ໄດ້ເຂົ້າຮ່ວມເທສະ ການອາຫານຝຣັ່ງຫຼາຍກວ່າ 5.000 ຮ້ານ. ສຳລັບ ສປປ ລາວ ປີນີ້ມີຮ້ານອາຫານເຂົ້າຮ່ວມ 9 ຮ້ານ ທີ່ຈະເຂົ້າຮ່ວມກິດຈະກຳຕະຫຼອດເດືອນມີນາ 2019, ສ່ວນລາຍການອາຫານໄດ້ກຳນົດເອົາ 2 ຫົວຂໍ້ຄື: ຂົງເຂດໂພຼວັອງ (Provence) ແລະການພັດທະ ນາແບບຍືນຍົງ ໂດຍວັນທີ 15 ມີນາ ຈະເປັນຄ່ຳຄືນທຳອິດທີ່ຫຼາຍຮ້ານອາຫານຈາກນະຄອນຫຼວງວຽງຈັນ ມາຮ່ວມແຮງຮ່ວມໃຈສ້າງລາຍການອາຫານອັນພິເສດທີ່ມີລົດຊາດເອກະລັກຂອງຂົງເຂດ Provence ແລະ ຈະມີວົງດົນຕີ ແຈສ ມາສ້າງບັນຍາກາດໃນການ ຮັບປະທານອາຫານຊຶ່ງບັນດາທ່ານຈະໄດ້ຊີມອາຫານທີ່ເປັນເອກະລັກເຊັ່ນ: ດອກໝາກບວບຍັດ ໄສ້ຣາຕາຕຸຍ ບຸຍຢາແບສ ອາຫານຫວານຕັກ ໂທເປຊຽນ ລ່າເວັນເດີ ສຣໍແບຣີ ແລະ ອື່ນໆ. ນອກນີ້ ວັນທີ 20 ມີນາ-1 ເມສາ ຍັງສາມາດໄປ ຊີມອາຫານທີ່ເປັນເອກະລັກນີ້ຢູ່ບັນດາທີ່ເຂົ້າຮ່ວມເທສະການອາຫານຝຣັ່ງດັ່ງກ່າວ.

   ພິທີຖະແຫຼງຂ່າວເທສະການອາຫານຝຣັ່ງ ຢູ່ ສປປ ລາວຄັ້ງ ທີ 5 ຈັດຂຶ້ນໃນອາທິດຜ່ານມາຢູ່ເຮືອນທ່ານເອກອັກຄະລັດຊະທູດຝຣັ່ງໂດຍມີທ່ານນາງ Flor ence JEANBLANC-RISLER, ທ່ານ ສົມສະໜຸກ ມີໄຊ ຮອງປະທານສະມາຄົມນັກຂ່າວ ພ້ອມດ້ວຍແຂກທີ່ຖືກເຊີນ ແລະ ສື່ມວນຊົນເຂົ້າຮ່ວມ.

ຂ່າວ: ນໍ້າເໝີຍ 

 

แชร์