ທະນາຄານ ເອຊີລີດາ ລາວ ເພີ່ມຈຸດບໍລິການຕູ້ເອທີເອັມ

   ຜະລິດຕະພັນ Fintech ແລະດີຈິຕອລໄດ້ກາຍເປັນທີ່ນິຍົມຫຼາຍຂຶ້ນໃນຂະແໜງການທະນາຄານໃນລາວ, ທະນາຄານ ເອຊີລີດາ ລາວ ຈຳກັດ, ປະຊາທະນາຄານທີ່ທ່ານໄວ້ວາງໃຈ ແລະ ມີວິໄສທັດເປັນຜູ້ນໍາໃນດ້ານທະນາຄານເພື່ອທຸລະກິດຂະໜາດນ້ອຍ ແລະຂະໜາດກາງໃນ ສປປ ລາວ ໄດ້ມອງເຫັນຄວາມສະດວກ ແລະຄວາມສຳຄັນໂດຍການເພີ່ມຈຸດບໍລິການຕູ້ເອທີເອັມທີ່ແຂວງໄຊຍະບູລີ ແລະ ເມືອງໄຊເສດຖາ ນະຄອນຫຼວງວຽງຈັນ ເພື່ອເປັນການອຳນວຍຄວາມສະດວກໃຫ້ກັບລູກຄ້າທຸກທ່ານໃນການຊົມໃຊ້ໄດ້ຢ່າງທົ່ວເຖິງ ເລີ່ມແຕ່ວັນທີ 4 ສິງຫາ 2021 ເປເປັນຕົ້ນໄປ.
    ທ່ານຫົວໜ້າສາຂາໄດ້ກ່າວວ່າພວກເຮົາໄດ້ສຸມໃສ່ການພັດທະນາ ແລະເພີ່ມຈຸດບໍລິການດ້ານເອເລັກໂຕຣນິກໃຫ້ຫຼາຍຂຶ້ນເພື່ອອຳນວຍຄວາມສະດວກໃຫ້ກັບລູກຄ້າໃນເຂດໃກ້ຄຽງໄດ້ຊົມໃຊ້ຢ່າງສະດວກສະບາຍເຊິ່ງຕູ້ເອທີເອັມໃໝ່ນີ້ແມ່ນຕັ້ງຢູ່ເຂດສະໝາມມ້າ ບ້ານໂນນສະຫງ່າ ເມືອງໄຊເສດຖາ ນະຄອນຫຼວງວຽງຈັນ ແລະເຂດຕະຫຼາດລ້ອງປໍ ບ້ານນາຕໍນ້ອຍ ເມືອງໄຊຍະບູລີ ແຂວງໄຊຍະບູລີ. ຂ້າພະເຈົ້າຂໍຖືໂອກາດນີ້ຮຽນເຊີນລູກຄ້າຂອງທະນາຄານ ເອຊີລີດາ ລາວ ຈຳກັດ ເຂົ້າມາຊົມໃຊ້ບໍລິການຕູ້ເອຊີເອັມຂອງພວກເຮົາເຊິ່ງລູກຄ້າມາດເຮັດທຸກຳຖອນເງິນໄດ້ຕະຫຼອດ 24 ຊົ່ວໂມງ.
  ປັດຈຸບັນມີລູກຄ້າຫຼາຍກວ່າ 50.000 ຄົນທີ່ນຳໃຊ້ບໍລິການບັດເອທີເອັມຂອງທະນາຄານ ເອຊີລີດາ ລາວ ຈຳກັດ ແລະທະນາຄານກໍ່ມີຕູ້ເອທີເອັມທັງໝົດ 57 ໜ່ວຍໄວ້ຄອຍບໍລິການລູກຄ້າຕາມສະຖານທີ່ຕ່າງໆໃນ 15 ແຂວງ-ຕົວເມືອງ.ນອກຈາກນີ້ທະນາຄານ ເອຊີລີດາ ລາວ ຈຳກັດ ຍັງເປັນສະມາຊິກ LAPS ເຊິ່ງລູກຄ້າທີ່ນຳໃຊ້ບັດເອທີເອັມຂອງທະນາຄານອື່ນທີ່ເປັນສະມາຊິກສາມາດຖອນເງິນຜ່ານຕູ້ເອທີເອັມຂອງ ທະນາຄານ ເອຊີລີດາ ໄດ້ໃນທຸກຂົງເຂດທົ່ວປະເທດ.
    ທະນາຄານ ເອຊີລີດາ ລາວ ຈຳກັດ ເປັນທະນາຄານທຸລະກິດຕ່າງປະເທດທີ່ດຳນີນທຸລະກິດໃນ ສປປ ລາວ ມາຫຼາຍກວ່າ 13 ປີ. ໃນລະດັບພູມີພາກ, ກຸ່ມເອຊີລີດາປະກອບມີ: ທະນາຄານ ເອຊີລີດາ ມະຫາຊົນ ເຊິ່ງເປັນບໍລິສັດແມ່ ແລະມີບໍລິສັດລູກ 4 ແຫ່ງ ທີ່ດໍາເນີນທຸລະກິດຢູ່ປະເທດກຳປູເຈຍ, ລາວ ແລະມຽນມາ, ມີຊັບສິນລວມທັງໝົດຫຼາຍກວ່າ 6,6 ຕື້ໂດລາສະຫະລັດ ແລະໃຫ້ບໍລິການລູກຄ້າຫຼາຍລ້ານຄົນພ້ອມທັງບໍລິການໂອນເງິນທົ່ວໂລກ.

แชร์