ວິທະຍາໄລ ການເງິນມີໄຊ ກຽມເປີດສົກຮຽນຄືນໃໝ່

ຂ່າວ: ບຸນນິກ 

  ວິທະຍາໄລການເງິນມີໄຊໜຶ່ງສະຖາບັນທີ່ທຸ່ມເທເອົາໃຈໃສ່ທຸກດ້ານເລື່ອງການສຶກສາເພື່ອໃຫ້ຮັບປະກັນເລື່ອງຄຸນນະພາບເພິ່ນສອນແມ່ນເປັນລະບົບຊັ້ນສູງມີ 2 ສາຂາຮຽນ: ພາສາອັງກິດທຸລະກິດ ແລະການເງິນການບັນຊີ ແລະສູນສອນພາສາອັງກິດທົ່ວໄປຊຶ່ງຮັບນັກຮຽນຕັ້ງແຕ່ອາຍຸ 5 ປີ ຂຶ້ນໄປ ແລະພ້ອມດຽວກັນນັ້ນກໍ່ຍັງເປີດສອນພາສາຍີ່ປຸ່ນປະຈຸບັນແມ່ນໄດ້ກຽມຄວາມພ້ອມສໍາເລັດແລ້ວ 100% ເປີດສົກຮຽນຄືນໃໝ່ພ້ອມປະຕິດບັດເຂັ້ມງວດລະບາດເຊື້ອພະຍາດໂຄວິດ-19.

   ທ່ານ ນາງ ແອ່ນນ່າ ສີດາລາ ຜູ້ບໍລິຫານສູນພາສາອັງກິດມີໄຊໄດ້ໃຫ້ສຳພາດວ່າ: ສໍາລັບວິທະຍາໄລການເງິນມີໄຊແມ່ນຈະໄດ້ເປີດການຮຽນ-ການ ສອນຄືນໃໝ່ໃນຕົ້ນເດືອນກັນຍາ, ສ່ວນວ່າສູນພາສາອັງກິດມີໄຊແມ່ນຈະເປີດໃນຕົ້ນເດືອນສິງຫານີ້ເພື່ອກຽມຄວາມພ້ອມໃນການເປີດການຮຽນ-ການສອນ ຄືນໃໝ່ ແລະເພື່ອຄວາມປອດໄພຂອງນັກຮຽນ-ນັກສຶກສາ ແລະຄູ-ອາຈານ ທຸກຄົນ, ໜ່ວຍກູ້ໄພ 1624 ໄດ້ລົງສີດຢາຂ້າເຊື້ອພະຍາດໂຄວິດ-19 ຢູ່ວິທະຍາໄລການເງິນມີໄຊພາຍຫຼັງລັດຖະ ບານ ໄດ້ມີມາດຕະການຜ່ອນຜັນອະນຸຍາດໃຫ້ເປີດການຮຽນການສອນ ແລະເປັນການກຽມຄວາມພ້ອມຮອບດ້ານໃນການເປີດການຮຽນ-ການສອນໃນຮອບໃໝ່ໃຫ້ປອດໄພຈາກເຊື້ອພະຍາດໂຄວິດ-19.

   ທ່ານຍັງໃຫ້ຮູ້ອີກວ່າ: ສໍາລັບສູນພາສາ ແລະວິທະຍາໄລຂອງພວກຮົາແມ່ນໄດ້ກຽມຄວາມພ້ອມສໍາເລັດແລ້ວ 100% ແລະສໍາລັບວິທະຍາໄລແມ່ນເປັນລະບົບຊັ້ນສູງມີ 2 ສາຂາຮຽນ: ພາສາອັງກິດທຸລະກິດ ແລະການເງິນການບັນຊີ ແລະ ສູນສອນພາສາອັງກິດທົ່ວໄປຊຶ່ງຮັບນັກຮຽນຕັ້ງແຕ່ອາຍຸ5ປີຂຶ້ນໄປ ແລະພ້ອມດຽວກັນນັ້ນກໍ່ຍັງເປີດສອນພາສາຍີ່ປຸ່ນນໍາອີກດ້ວຍສະນັ້ນຝາກເຖິງນ້ອງນັກຮຽນ, ນັກສຶກສາ ຫຼື ຜູ້ປົກຄອງນັກຮຽນໃຫ້ທຸກຄົນຈົ່ງກຽມຄວາມພ້ອມນໍາລູກຫຼານຂອງຕົນເອງກັບ

   ສູ່ການຮຽນໂດຍສະເພາະແມ່ນແນະນຳລູກຂອງຕົນເອງໃສຜ້າອັດປາກອັດດັງ ແລະປະຕິບັດມາດຕະການປ້ອງກັນໂຄວິດທີ່ວາງອອກຢ່າງເຂັ້ມງວດ, ການເຂົ້າ-ອອກໂຮງຮຽນກໍ່ຕ້ອງລ້າງມືດ້ວຍເຈວລ້າງມື ແລະວັດແທກ ອຸນຫະພູມທຸກໆຄັ້ງນີ້ກໍ່ເພື່ອບໍ່ໃຫ້ມີການ ແຜ່ລະບາດຂອງເຊື້ອພະຍາດຕໍ່ນັກຮຽນນັກສຶກສາທຸກຄົນທີ່ເຂົ້າມາໃນວິທະຍາໄລ ແລະສູນພາສາອັງກິດມີໄຊດັ່ງກ່າວ ແລະຖ້ານ້ອງນັກຮຽນນັກສຶກສາຄົນໃດທີ່ສົນໃຈຢາກສຶກສາຢູ່ບ່ອນນີ້ກໍ່ສາມາດຕິດຕໍ່ພົວພັນນໍາຫ້ອງການວິທະຍາໄລການເງິນມີໄຊໄດ້.

แชร์