ທະວິດເຕີປະກາດເປີດໂຕ Twitter Blue ແພລນສຽງເງິນເພື່ອຟີເຈີສຸດເອກຊ໌ຄລູຊີຟ

  ວັນນີ້ທະວິດເຕີ (Twitter) ໄດ້ປະກາດເປີດໂຕບໍລິການສະໝັກສະມາຊິກສຽງເງິນ Twitter Blue ສຳລັບຜູ້ຕ້ອງການໃຊ້ຟີເຈີສຸດເອກຊ໌ຄລູຊີຟທີ່ໃຊ້ໄດ້ສະເພາະສະມາຊິກເທົ່ານັ້ນເຊັ່ນຢ້ອນກັບ ຫຼື ບຸກມາກທະວິດໂໝດອ່ານຕົວເລືອກທີມສີຂອງຕົວແອັບ ແລະອື່ນໆອີກຫຼາກຫຼາຍ.

  ສຳລັບສະມາຊິກ Twitter Blue ຈະໄດ້ຮັບສິດການເຂົ້າເຖິງຟີເຈີຕ່າງໆ ແລະສິດປະໂຫຍດອື່ນໆທີ່ຈະເຮັດໃຫ້ປະສົບການໆຫຼິ້ນທະວິດເຕີຂອງສະມາຊິກທີ່ດີຍິ່ງຂຶ້ນ ໂດຍໃນຂະນະນີ້ ຟີເຈີທີ່ຈະໃຫ້ສະມາຊິກໃຊ້ງານມີຄື:

-ໂຟນເດີບຸກມາກ: ຈັດການ ແລະຈັດລຽງທະວິດທີ່ບັນທຶກໄວ້ເປັນໝວດໝູ່.

-ຢ້ອນກັບທະວິດ (Undo Tweet): ເບິ່ງຕົວຢ່າງແລະກວດສອບທະວິດກ່ອນທີ່ຈະເຜີຍແຜ່ໄດ້ ໂດຍສາມາດກົດຢ້ອນກັບເພື່ອແກ້ໄຂທະວິດໄດ້ສູງສຸດເຖິງ 30 ວິນາທີ.

-ໂໝດອ່ານ: ປ່ຽນເທຣັກຍາວໆເປັນຮູບແບບທີ່ງ່າຍຕໍ່ການອ່ານ.

-ປ່ຽນທີມແອັບ: ປ່ຽນຮູບແບບໄອຄອນແອັບບົນໜ້າຈໍໂຮມ ແລະປ່ຽນທີມສີພາຍໃນແອັບ.

-ຝ່າຍບໍລິການລູກຄ້າ: ເຂົ້າເຖິງການຊ່ວຍເຫຼືອໄດ້ຢ່າງງ່າຍດາຍຈາກເຈົ້າໜ້າທີ່ໆດູແລສະມາຊິກ ໂດຍສະເພາະ.

  ນອກຈາກນີ້ ທາງທະວິດເຕີໄດ້ລະບຸວ່າຍັງມີການຮັບຄວາມເຫັນກ່ຽວກັບຟີເຈີ ເພື່ອສ້າງເສີມປະສົບການຂອງສະມາຊິກ Twitter Blue ໃຫ້ດີຍິ່ງຂຶ້ນໄປເລື້ອຍໆເຖິງຢ່າງໃດກໍ່ຕາມໃນຕອນເປີດໂຕນີ້ Twitter Blue ຍັງສາມາດໃຊ້ງານໄດ້ສະເພາະໃນປະເທດການາດາ ແລະປະເທດອົດສະຕຣາລີເທົ່ານັ້ນໃນລາ ຄາ 3,49 ໂດລາການາດາ ແລະ 4,49 ໂດລາອົດສະຕຣາລີຕາມລຳດັບອ້າງອີງຈາກຂໍ້ມູນໃນແອັບ ສໂຕຣ໌.

----

ໜັງສືພິມ ເສດຖະກິດ-ສັງຄົມ

แชร์