ພຣະພຸດທະຮູບເກົ່າແກ່ວັດບ້ານພະນອນໄຕ້ ເສຍຫາຍຍ້ອນອາຣາມເພ

   ໃນຄໍ່າຄືນຂອງວັນທີ 24 ກໍລະກົດ 2021 ອາຣາມເກົ່າ (ສິມເກົ່າ) ຢູ່ທີ່ວັດບ້ານພະນອນໄຕ້ເມືອງຈຳປາສັກ, ແຂວງຈຳປາສັກ ໄດ້ຊຸດລົງ ແລະເພພັງລົງເຮັດໃຫ້ພຣະພຸດທະຮູບທີ່ເກົ່າແກ່ ແລະເຄື່ອງໃຊ້ຂອງສອຍອື່ນໆໄດ້ຮັບຄວາມເສຍຫາຍ.

  ອີງຕາມການໃຫ້ຂໍ້ມູນຂອງພຣະອາຈາຮ ທຸງໄຊ ວົງວິໄລ ເຈົ້າອະທິການວັດພະນອນໄຕ້ ແລະທ່ານ ໄພມະນີ ບັນດິດ ຮອງນາຍບ້ານໆພະນອນໄຕ້ໄດ້ໃຫ້ຮູ້ວ່າ: ໃນຄໍ່າຄືນວັນທີ 24 ກໍລະກົດ 2021 ກົງກັບມື້ບຸນເຂົ້າພັນສາຂອງຊາດພຸດທະສາດສະໜາ, ຊຶ່ງໃນເວລາ 20:30 ໂມງ ອາຣາມເກົ່າ (ສິມເກົ່າ) ທີ່ເກົ່າແກ່ມາໄດ້ຫຼາຍເຊັ່ນຄົນແລ້ວໄດ້ເພພັງລົງ ແລະທັບຖົມພຣະພຸດທະຮູບ ແລະອື່ນໆທີ່ຢູ່ໃນອາຣາມເກົ່ານັ້ນເຮັດໃຫ້ເສຍຫາຍຫຼາຍຢ່າງເປັນຕົ້ນແມ່ນພຣະພຸດທະຮູບທີ່ເກົ່າແກ່ 2 ອົງ ໄດ້ຮັບຄວາມເສຍຫາຍຫຼາຍສົມຄວນທັງນີ້ກ່ໍຍ້ອນເກີດຈາກຝົນຕົກຕິດຕໍ່ຫຼາຍວັນ ແລະມີເກີດລົມພັດແຮງເຮັດໃຫ້ອາຣາມເກົ່າວັດບ້ານພະນອນໄຕ້ໄດ້ເພພັງລົງທັບຖົມພຣະພຸດທະຮູບ ແລະສິ່ງຂອງທີ່ຢູ່ພາຍໃນອາຣາມເກົ່າດັ່ງກ່າວ.

     ສໍາລັບພຣະພຸດທະຮູບ 2 ອົງ ທີ່ໄດ້ຮັບຄວາມເສຍຫາຍແມ່ນເປັນພຣະພຸດທະຮູບທີ່ເກົ່າແກ່ເປັນບ່ອນສັກກາລະບູຊາຂອງຊາດພຸດທະສາສະໜາທີ່ໄປມາ ແລະພໍ່ແມ່ປະຊາຊົນພາຍໃນບ້ານມາກາບໄຫວ້ຢູ່ທີ່ສະຖານທີ່ແຫ່ງນີ້, ແລະຍັງເປັນບ່ອນເຂດປົກປັກຮັກສາຂອງພື້ນທີ່ມໍລະດົກໂລກມໍລະດົກລາວນໍາອີກ.

 

แชร์