LaoVietBank ເເລະ Unitel ຮ່ວມມືໃນການເຊື່ອມຕໍ່ບັນຊີ ເພື່ອການຊໍາລະ QR Code

    ໃນວັນທີ 28 ກໍລະກົດ 2021, ທະນາຄານ ຮ່ວມທຸລະກິດ ລາວ-ຫວຽດ ຈໍາກັດ ໄດ້ມີພິທີເຊັນບົດບັນທຶກຄວາມເຂົ້າໃຈວ່າດ້ວຍການຮ່ວມມືການຊຳລະລະຫວ່າງທະນາຄານຮ່ວມທຸລະກິດ ລາວ-ຫວຽດ ຈໍາກັດ ແລະບໍລິສັດ ສະຕາ ຟີນເທັກ ຈຳກັດຜູ້ດຽວ.
     ການເຊັນສັນຍາຄັ້ງນີ້, ລົງນາມເຊັນໂດຍ ທ່ານ ຟາມ ກ໋ວກ ກົ່ງ, ຮອງຜູ້ອໍານວຍການໃຫຍ່ທະນາຄານຮ່ວມທຸລະກິດລາວ-ຫວຽດ ຈໍາກັດ (LaoVietBank) ເເລະ ທ່ານ ເຈິນ ມິງ ດຶກ, ຮອງຜູ້ອໍານວຍການ ບໍລິສັດ ສະຕາຟິນເທັກ ຈໍາກັດຜູ້ດຽວ.
    ເຂົ້າຮ່ວມເປັນສັກຂີພິຍານໂດຍທ່ານ ສຸລິສັກ ທໍານຸວົງ, ຫົວໜ້າກົມຄຸ້ມຄອງລະບົບຊໍາລະສະສາງທະນາຄານ ເເຫ່ງ ສປປ ລາວ; ທ່ານ ຫວຽນ ດຶກ ວູ, ອໍານວຍການໃຫຍ່ ທະນາຄານ ຮ່ວມທຸລະກິດ ລາວ-ຫວຽດ ຈໍາກັດ; ທ່ານ ລິວ ແມງ ຮ່າ, ຜູ້ອໍານວຍການ ບໍລິສັດ ສະຕາ ຟີນເທັກ ຈຳກັດຜູ້ດຽວ ເເລະ ທັງເປັນຜູ້ອໍານວຍການໃຫຍ່ ບໍລິສັດ ສະຕາຣ ໂທລະຄົມ ຈໍາກັດ ພ້ອມດ້ວຍຄະນະພະແນກຂອງທະນາຄານ ຮ່ວມທຸລະກິດ ລາວ- ຫວຽດ ຈໍາກັດ, ບໍລິສັດ ສະຕາ ຟີນເທັກ ແລະ ບໍລິສັດ ສະຕາ ໂທລະຄົມເຂົ້າຮ່ວມ.
-------
ທະນາຄານ ຮ່ວມທຸລະກິດ ລາວ-ຫວຽດ ຈໍາກັດ
｟ຂົວຕໍ່ແຫ່ງຜົນສໍາເລັດ｠
Hotline: 1440
LaoVietBank

แชร์