ມິດຕະພາບ 206 ມອບອຸປະກອນການແພດຊ່ວຍໂຮງໝໍກອງພົນທີ 5

ໂດຍ: ໂພທິລາດ 

  ວັນທີ 26 ກໍລະກົດຜ່ານມານີ້ທີ່ກອງພົນທີ 5 ໄດ້ມີພິທີມອບເຄື່ອງຊ່ວຍເຫຼືອຈາກທ່ານ ພັນເອກ ຟາມແອັງຕັວນ ຫົວໜ້າບໍລິສັດມິດຕະພາບ 206 ເຂດ 5 ກອງທັບປະຊາຊົນຫວຽດນາມ ໄດ້ນໍາເອົາເຄື່ອງອຸປະກອນການແພດມາມອບໃຫ້ໂຮງໝໍກອງພົນທີ 5 ແລະ ໄດ້ຮັບການຕ້ອບຮັບຂອງ ທ່ານ ພັນເອກ ສີປະເສີດ ເຜີຍຄໍາສິງ ຫົວໜ້າການເມືອງກອງພົນທີ 5 ພ້ອມດ້ວຍຄະນະເຂົ້າຮ່ວມ.

  ບໍລິສັດມິດຕະພາບ 206 ເຂດ 5 ກອງທັບປະຊາຊົນຫວຽດນາມກັບກອງພົນທີ 5 ກອງທັບປະຊາຊົນລາວແມ່ນທັງສອງຝ່າຍໄດ້ພ້ອມກັນຮ່ວມມືອັນພິເສດລະຫວ່າງສອງຊາດລາວ-ຫວຽດນາມ ຫວຽດນາມ-ລາວ, ໂດຍສະເພາະກໍ່ຄືກອງພົນທີ 5 ກອງທັບປະຊາຊົນລາວກັບບໍລິສັດມິດຕະພາບ 206 ເຂດ 5 ກອງທັບປະຊາຊົນ ຫວຽດນາມ.

   ເຄື່ອງອຸປະກອນການແພດທີ່ນໍາມາມອບໃຫ້ໃນຄັ້ງນີ້ລວມມີຊຸດວັກແທກຕັງຊົງ, ຊຸດວັດແທກອຸນນະພູມສໍາລັບຕິດຕາມອາການຄົນເຈັບຈໍານວນ 2 ເຄື່ອງ, ມີມູນຄ່າ 123,3 ລ້ານດົ້ງ (ເປັນສະກຸນເງິນຫວຽດນາມ) ມາມອບໃຫ້ໂຮງໝໍກອງພົນທີ 5 ເພື່ອນໍາໃຊ້ເຂົ້າໃນການປິ່ນປົວຄົນເຈັບໃຫ້ມີຄວາມທັນສະໄໝ ແລະວ່ອງຫຼາຍຂຶ້ນ.

แชร์