ສຳເລັດແຫ່ງທຳອິດສະຖານີໂພນໂຮງທາງລົດໄຟລາວ-ຈີນ

ຂ່າວ: ສີສຸວັນ 

   ແຫຼ່ງຂ່າວຂໍ້ມູນຈາກກຸ່ມບໍລິສັດກໍ່ສ້າງທາງລົດໄຟ ສປ ຈີນ ຊ່ວງທີ 3 ໃຫ້ຮູ້ວ່າ: ມາຮອດວັນທີ 23 ກໍລະກົດ 2021 ສະຖານີໂພນໂຮງໜຶ່ງໃນໂຄງການທາງລົດໄຟລາວ-ຈີນໄດ້ສໍາເລັດເປັນທີ່ຮຽບຮ້ອຍແລ້ວຊຶ່ງຮັບເໝົາກໍ່ສ້າງໂດຍກຸ່ມບໍລິສັດກໍ່ສ້າງທາງລົດໄຟ ສປ ຈີນ, ໄດ້ເປັນຜູ້ນຳໜ້າໃນການສຳເລັດເປັນແຫ່ງທຳອິດທັງພາຍໃນແລະພາຍນອກຂອງອາຄານສະຖານີໂດຍສານທັງໝົດ 10 ແຫ່ງເສັ້ນທາງລົດໄຟນັບເປັນເປັນຂີດໝາຍສະແດງໃຫ້ເຫັນເຖິງການກໍ່ສ້າງສະຖານີລົດໄຟລາວ-ຈີນ ໄດ້ກ້າວເຂົ້າສູ່ຂັ້ນຕອນສຸດທ້າຍຂອງການແລ່ນລົດໄຟແລ້ວ.

  ສະຖານີໂພນໂຮງແມ່ນຕັ້ງຢູ່ເມືອງໂພນໂຮງ ແຂວງວຽງຈັນ,ອອກແບບໃຫ້ມີບ່ອນຂຶ້ນລົງລົດໄຟ 2 ບ່ອນ ແລະມີເສັ້ນທາງລົດໄຟ 3 ສາຍ (ລວມທັງສາຍຫຼັກ),ອາຄານສະຖານີຕັ້ງຢູ່ເບື້ອງຊ້າຍຂອງສາຍຫຼັກ, ການອອກແບບສະຖານີແມ່ນສາມາດບັນຈຸຜູ້ໂດຍສານສູງສຸດ 300 ຄົນ ແລະເນື້ອທີ່ກໍ່ສ້າງແມ່ນ 1.498,7 ຕາແມັດ, ນັບວ່າເປັນອາຄານສະຖານີຂະໜາດນ້ອຍ.

   ສໍາລັບສະຖານີໂພນໂຮງແມ່ນຕັ້ງຢູ່ພື້ນທີ່ໂປ່ງໃສສາມາດເບິ່ງເຫັນບ່ອນຈອດລົດພາຍນອກໄດ້, ການໃຊ້ສີເຫຼືອງຂອງຫຼັງຄາສື່ເຖິງທາງພຸດທະສາສະໜາຂອງລາວແລະໂຄງຈວຍລັກສະນະຊາຍຫຼັງຄາແບບຈີນທີ່ໄດ້ປະສົມປະສານເຂົ້າກັນເປັນຢ່າງດີ, ຫ້ອງການລໍຖ້າແມ່ນມີຄວາມສວຍງາມ, ສີໄມ້ສົດຊື່ນມີຄວາມເປັນທຳມະຊາດ, ສີຂຽວອ່ອນທີ່ເປັນສີພື້ນຖານ, ການຕົກແຕ່ງຈອມເສົາພາຍໃນອາຄານດ້ວຍຮູບຊົງຂອງດອກຈຳປາດອກໄມ້ແຫ່ງຊາດຂອງລາວໄດ້ສະແດງໃຫ້ເຫັນເຖິງແນວຄວາມຄິດໃນການອອກແບບທີ່ວ່າ”ລັກສະນະພິເສດຂອງສອງປະເທດລາວ-ຈີນ ເພີ່ມພູມສະເໜ່ໃຫ້ເມືອງໂພນໂຮງ”.

 ນັບຕັ້ງແຕ່ເລີ່ມຕົ້ນການກໍ່ສ້າງກຸ່ມບໍລິສັດກໍ່ສ້າງທາງລົດໄຟ ສປ ຈີນ ຊ່ວງທີ່ 3 ໄດ້ຍຶດໝັ້ນໃນເປົ້າໝາຍ “ສ້າງໂຄງການດີເດັ່ນຈຸດປະສົງກໍເພື່ອຮັບໃຊ້ການຄົມມະນາຄົມຄ່ອງແຄ້ວ, ອົບອຸ່ນ ແລະເປັນມິດກັບສີ່ງແວດລ້ອມ, ຊຸກຍູ້ທາງດ້ານເສດຖະກິດ, ທັນສະໄໝ, ວ່ອງໄວສະດວກສະບາຍ, ໄດ້ພະຍາຍາມທຸກວິທີທາງເພື່ອເອົາຊະນະຕໍ່ຄວາມຫຍຸ້ງຍາກລຳບາກໃນການເຂົ້າສູ່ສະຖານທີ່ກໍ່ສ້າງໃນຊ່ວງທີ່ພະຍາດລະບາດ, ໃນຊ່ວງລະດູຝົນທີ່ຝົນຕົກແຮງ ແລະເຕັມໄປດ້ວຍດິນຕົມໃນສະຖານທີ່ກໍ່ສ້າງ,

ສະພາບອາກາດທີ່ມີອຸນຫະພູມສູງໄດ້ສົ່ງຜົນຕໍ່ຈິດວິນຍານຂອງນັກສູ້ຢ່າງເຕັມທີ່ ໂດຍສະເພາະແມ່ນຄວາມທົນຕໍ່ຄວາມຍາກລຳບາກ ແລະຄວາມສາມາດພິເສດໃນການຕໍ່ສູ້ການກໍ່ ສ້າງສະຖານີໂພນໂຮງໄດ້ບັນລຸຄວາມຄືບໜ້າທີ່ປອດໄພ, ມີຄຸນນະພາບສູງ, ມີປະສິດທິພາບດີແລະເປັນສະຖານີທຳອິດຂອງເສັ້ນທາງລົດໄຟທັງໝົດທີ່ສຳເລັດ ການເທຄອນກີດຂອງຫຼັງຄາ, ເປັນອາຄານສະຖານີແຫ່ງທີ່ສອງໃນເສັ້ນທາງລົດໄຟທີ່ໄດ້ສຳເລັດການມຸງຫຼັງຄາລ່ວງໜ້າ 10 ມື້, ປະສົບຜົນສຳເລັດໃນການເປັນເຈົ້າພາບຈັດກອງປະຊຸມແລກປ່ຽນຮຽນຮູ້ປະສົບການ.

   ການກໍ່ສ້າງຫຼັງຄາສະຖານີໂພນໂຮງ” ໄດ້ຮັບນາມວ່າສະຖານີທີ່ກໍ່ສ້າງມາດຕະຖານຂອງທາງລົດໄຟບໍ່ເຕ່ນຫານະຄອນຫຼວງວຽງຈັນໃນປີ 2020 ດ້ວຍອັນດັບທີ່ໜຶ່ງ ແລະໄດ້ຮັບລາງວັນກຽດຕິຍົດຫຼາຍຕຳແໜ່ງລວມທັງໜ່ວຍງານດີເດັ່ນປີ 2020 ຕື່ມອີກ.

แชร์