ທຄຕລ ສາຂາເຊກອງ ລະດົມເງິນຝາກໄດ້ 150 ຕື້ກວ່າກີບ

  ໜ່ວຍພັກທະນາຄານການຄ້າຕ່າງປະເທດລາວມະຫາຊົນສາຂາເຊກອງ ໄດ້ດໍາເນີນການຊີ້ນໍາໃນການຈັດຕັ້ງປະຕິບັດວຽກງານວິຊາສະເພາະຢ່າງຕັ້ງໜ້າ ແລະເຮັດໜ້າທີ່ຮັບໃຊ້ບໍລິການດ້ານທະນາຄານຢູ່ພາຍໃນແຂວງດ້ວຍຫຼາຍຮູບແບບ, ທັງຮັບປະກັນຄວາມຖືກຕ້ອງ, ໂປ່ງໃສ, ວ່ອງໄວທັນໃຈ ແລະທັນສະໄໝຊຶ່ງໄດ້ສ້າງຄວາມໄວ້ເນື້ອເຊື່ອໃຈຕໍ່ລູກຄ້າໃນລະດັບດີພໍສົມຄວນໂດຍໃນປີຜ່ານມາສາມາດລະດົມເງິນຝາກໄດ້ 150 ຕື້ກວ່າກີບ ແລະ ໃຫ້ສິນເຊື່ອ 180 ຕື້ກີບ, ຂະ ນະດຽວກັນກໍເຊື່ອປີນີ້ຕົວເລກເງິນຝາກ ແລະເງິນກູ້ຈະບັນລຸຕາມແຜນທີ່ວາງໄວ້.

  ວັນທີ 7 ມີນາຜ່ານມາ, ທຄຕລ ສາຂາເຊກອງໄດ້ຈັດພິທີມອບ-ຮັບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນຄັ້ງທີ I ປະຈໍາປີ 2018 ຂຶ້ນທີ່ ຫ້ອງປະຊຸມຂອງຕົນໂດຍການເຂົ້າຮ່ວມເປັນປະທານຂອງສະຫາຍ ນາງ ຈັນ ຫອມ ມະຫາໄຊຄະນະປະຈໍາພັກແຂວງ, ປະທານກວດກາພັດແຂວງ, ພ້ອມນີ້ກໍ ມີຄະນະພັກຮາກຖານ, ຄະນະໜ່ວຍພັກ, ຮອງຫົວໜ້າພະແນກ ແລະສະມາຊິກພັກສົມບູນ-ສຳຮອງເຂົ້າຮ່ວມ.

  ສະຫາຍ ຕຸລາ ວົງໜໍ່ແກ້ວ ຮອງເລຂາໜ່ວຍພັກ, ຮອງຫົວໜ້າ ທຄຕລ ສາຂາເຊກອງໄດ້ນໍາສະເໜີບົດສະຫຼຸບການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນປະຈໍາປີ 2018 ໂດຍພາຍໃຕ້ການຊີ້ນໍາໆພາໂດຍກົງຂອງຄະນະປະຈໍາພັກແຂວງເຊກອງ, ໜ່ວຍພັກໄດ້ເອົາໃຈໃສ່ສຶກສາອົບຮົມການເມືອງນຳພາ ແນວຄິດໃຫ້ສະມາຊິກພັກພະນັກງານຢ່າງເປັນປົກກະຕິໂດຍຖືເອົາການດໍາເນີນຊີວິດການເມືອງຂອງໜ່ວຍພັກ, ຂະແໜງການພາຍໃນ ແລະອົງການຈັດຕັ້ງມະຫາຊົນ ທຄຕລ ເປັນບ່ອນຕໍານິກໍ່ສ້າງ, ຈັດຕັ້ງການຄົ້ນຄວ້າເຊື່ອມຊຶມ ແລະກໍາແໜ້ນມະຕິຄໍາສັ່ງຂອງພັກ, ລະບຽບກົດໝາຍ ແລະແຜນພັດທະນາເສດ ຖະກິດ-ສັງຄົມຂອງລັດອັນໄດ້ເຮັດໃຫ້ສະມາຊິກພັກ-ພະນັກງານມີຄວາມຮັບຮູ້ເຂົ້າໃຈແຈ້ງຕໍ່ແນວທາງຂອງພັກ-ລັດ, ຫັນເປັນແຜນງານ, ເປັນໂຄງການລະ ອຽດສາມາດຈັດຕັ້ງປະຕິບັດໃຫ້ປາ ກົດຜົນເປັນຈິງ.

  ພ້ອມດຽວກັນນັ້ນໜ່ວຍພັກ ທຄຕລ ໄດ້ດໍາເນີນການຊີ້ນໍາໃນການຈັດຕັ້ງປະຕິບັດວຽກງານວິຊາສະເພາະຢ່າງຕັ້ງໜ້າໂດຍສະເພາະແມ່ນແຜນການລະດົມ ເງິນຝາກ ແລະການລົງທຶນສິນເຊື່ອດ້ວຍ ຫຼາຍຮູບແບບ, ທັງຮັບປະກັນຄວາມ ຖືກຕ້ອງ, ໂປ່ງໃສ, ວ່ອງໄວທັນໃຈ ແລະ ທັນສະໄໝ ຊຶ່ງຜ່ານການເຄື່ອນໄຫວສາ ມາດລະດົມເງິນຝາກທຸກປະເພໄດ້ທັງ ໝົດ 151 ຕື້ກີບ ທຽບໃສ່ແຜນເທົ່າກັບ 100% ແລະປ່ອຍສິນເຊື່ອ 180 ຕື້ກີບ ທຽບໃສ່ແຜນເທົ່າກັບ 86%. ຂະນະດຽວກັນສະຫາຍ ຄໍາພາ ໄຊຍະແສງ ຮອງຫົວໜ້າຄະນະຈັດຕັ້ງແຂວງກໍໄດ້ຂຶ້ນຜ່ານມະຕິຕົກລົງຂອງຄະນະປະຈໍາພັກແຂວງວ່າດ້ວຍຮັບຮອງເອົາໜ່ວຍພັກຮາກຖານທະນາຄານການຄ້າຕ່າງປະເທດລາວມະຫາຊົນສາຂາແຂວງເຊກອງເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ ຄັ້ງທີ I ປະຈໍາປີ 2018 ໃຫ້ກຽດຂຶ້ນມອບໃບຢັ້ງຢືນໂດຍສະຫາຍ ນາງ ຈັນຫອມ ມະຫາໄຊ ແລະສະຫາຍ ຕຸລາ ວົງໜໍ່ແກ້ວ ເປັນຜູ້ຂຶ້ນຮັບ.

ຂ່າວ: ສັນຍາ   

แชร์