ເຟສບຸກ-ອິນສະຕາແກຣມຈະອະນຸຍາດໃຫ້ຜູ້ໃຊ້ງານເຊື່ອງ “Like” ໃນໄວໆນີ້

  Facebook ແລະ Instagram ກຽມເປີດບໍລິການໃໝ່ໃຫ້ຜູ້ໃຊ້ງານທົ່ວໂລກສາມາດເລືອກທີ່ຈະເຊື່ອງສະຖິຕິຜູ້ເຂົ້າມາກົດ Like ໂພສຂອງຕົນໄດ້ໃນໄວໆນີ້.

  ສຳນັກຂ່າວຣອຍເຕີລາຍງານວ່າແພລດຟອມສື່ສັງຄົມອອນລາຍຍອດນິຍົມທັງສອງເຮັດການທົດສອບບໍລິການເກັບເຊື່ອງດັ່ງກ່າວມາເປັນເວລາຫຼາຍປີກ່ອນທີ່ອິນສະຕາແກຣມຈະອອກມາເປີດເຜີຍຢ່າງເປັນທາງການຜ່ານບລ໊ອກຂອງຕົນໃນວັນພຸດວ່າ ບໍລິການທັງໝົດຈະເລີ່ມໃຊ້ງານໄດ້ໃນບໍ່ທໍ່ໃດອາທິດຂ້າງໜ້ານີ້ແລ້ວອາດຳມອສ ເຊີຣີຜູ້ບໍລິຫານອິນສະຕາແກຣມບອກກັບຜູ້ສື່ຂ່າວວ່າຈຸຸດປະສົງຂອງການເປີດບໍລິການການເກັບເຊື່ອງຈຳນວນຜູ້ມາກົດ “ມັກ” (Like) ນີ້ຄືຊ່ວຍໃຫ້ຜູ້ໃຊ້ງານສາມາດຄວບຄຸມບັນຊີຂອງຕົນໄດ້ສະດວກຂຶ້ນ ແລະວ່າການທົດສອບທີ່ຜ່ານມາສະແດງໃຫ້ເຫັນວ່າການທີ່ຜູ້ໃຊ້ສາມາດເຊື່ອງຂໍ້ມູນນີ້ໄດ້ບໍ່ໄດ້ມີຜົນຕໍ່ຄວາມຮູ້ສຶກຂະນະທີ່ໃຊ້ງານແຕ່ຢ່າງໃດເປັນກິດລັກສະນະ

  ຢ່າງໃດກໍດີອິນສະຕາແກຣມທີ່ຫາກໍເຮັດການທົດສອບຜູ້ໃຊ້ງານທົ່ວໂລກກຸ່ມນ້ອຍໆ ເພື່ອປະເມີນຄວາມຄິດຕໍ່ບໍລິການໃໝ່ນີ້ ແລະເປີດເຜີຍຜົນລັບໃນບລ໊ອກຂອງຕົນວ່າຜູ້ໃຊ້ງານບາງຄົນຄິດວ່າການທີ່ສາມາດເກັບເຊື່ອງຕົວເລກຜູ້ທີ່ກົດ “ມັກ” ໄດ້ນັ້ນມີປະໂຫຍດດີແຕ່ບາງຄົນຮູ້ສຶກບໍ່ພໍໃຈທີ່ບໍ່ສາມາດສະແດງໃຫ້ຜູ້ອື່ນເບິ່ງໄດ້ວ່າໂພສຂອງຕົນໄດ້ຮັບຄວາມນິຍົມພຽງໃດ.

----

ໜັງສືພິມ ເສດຖະກິດ-ສັງຄົມ

แชร์