ລອງກ່ອນໝູ່ໄຟຫຼັງເຍືອງຈອດລົດໄຟລາວ-ຈີນ ສະຖານີຫຼວງພະບາງ

ຂ່າວ: ສີສຸວັນ 

    ເມື່ອບໍ່ດົນມານີ້, ພາກສ່ວນໄຟເຍືອງບ່ອນຈອດລົດໄຟຂອງສະຖານີລົດໄຟຫຼວງພະບາງໄດ້ເລີ່ມທົດລອງເປີດໄຟຢ່າງແຈ້ງສະຫວ່າງຊຶ່ງແສງສີໃນຍາມກາງຄືນໄດ້ສາດຊ່ອງແຈ້ງສະຫວ່າງສະໄຫວ ແລະເປັນທີ່ສະດຸດຕາພິເສດຖືໄດ້ວ່າເມືອງຫຼວງພະບາງທີ່ເປັນເມືອງມໍລະດົກໂລກກໍາລັງຕ້ອນຮັບສະຖານີລົດໄຟທີ່ທັນສະໄໝແຫ່ງທໍາອິດ.

   ສະຖານີລົດໄຟຫຼວງພະບາງໄດ້ຮັບເໝົາກໍ່ສ້າງໂດຍກຸ່ມບໍລິສັດກໍ່ສ້າງທາງລົດໄຟ ສປ ຈີນ ຊຶ່ງໄດ້ອອກແບບຕິດຕັ້ງເປັນ 2 ຊານສະຖານີ, 4 ສາຍທາງສາມາດຮອງຮັບຜູ້ໂດຍສານໄດ້ຫຼາຍເຖິງ 1.200 ຄົນ ແລະໄດ້ນໍາໃຊ້ໂຄງສ້າງຊະນິດພິເສດທີ່ເປັນແບບລູກຄືນຊຶ່ງອອກແບບໃຫ້ສອດຄ່ອງກັບໂຄງສ້າງຫຼັກຂອງສະຖານີທີ່ມີຄວາມໝາຍທີ່ວ່າ “ດິນ ແດນບໍລິສຸດຂອງເມືອງໂບຮານ”, ສະຖານີແຫ່ງນີ້ຖືເປັນສະຖານີທີ່ມີຄວາມໂດດເດັ່ນທີ່ສຸດ, ສ່ວນພາກສ່ວນຫຼັງຄາຂອງຊານສະຖານີແຫ່ງນີ້ມີຄວາມຍາວຢູ່ທີ່ 900 ແມັດ, ກວ້າງ 10,5 ແມັດ, ວາງສາຍໄຟແລ້ວ 22.000 ແມັດ, ຕິດຕັ້ງດອກໄຟ 456 ດອກ.

   ໃນໄລຍະການລະບາດຂອງໂຄວິດ-19 ເຖິງວ່າຈະພົບວິກິດການກໍ່ຕາມແຕ່ທາງໂຄງການກໍ່ໄດ້ໃຊ້ຄວາມພະຍາຍາມເອົາຊະນະຜົນກະທົບທາງດ້ານຕ່າງໆບໍ່ວ່າຈະເປັນດ້ານບຸກຄະລາກອນ, ດ້ານການຂົນສົ່ງ, ດ້ານການນໍາວັດສະດຸເຂົ້າສູ່ສະໜາມ ແລະ ໄດ້ຈັດຕັ້ງປະຕິບັດໃຫ້ສໍາເລັດການປິດໂຄງສ້າງຫຼັກ ແລະ ສໍາເລັດພາກສ່ວນດ້ານຫຼັງຄາ, ປະຈຸບັນນີ້ສະຖານີລົດໄຟຫຼວງພະບາງກໍາ ລັງສືບຕໍ່ດໍາເນີນວຽກງານດ້ານການຕົບແຕ່ງແລະວຽກງານຕິດຕັ້ງອຸປະກອນໄຟຟ້າພ້ອມດຽວກັນນັ້ນກໍ່ໄດ້ເລັ່ງສຸມໃສ່ເປົ້າໝາຍໃນເດືອນກັນຍານີ້ເພື່ອໃຫ້ປະກົດຮູບໂສມທັງໝົດ. 

แชร์