ພູຜາເຜິ້ງ ແຫຼ່ງທ່ອງທ່ຽວທີ່ສວຍງາມແຂວງຜົ້ງສາລີ

 ເມືອງບຸນໃຕ້ ທີ່ມີເນື້ອທີ່ນ້ອຍ ແຕ່ກໍເຕັມໄປດ້ວຍສະຖານທີ່ທ່ອງທ່ຽວບໍ່ວ່າຈະເປັນທາງດ້ານວັດທະ ນະທໍາຮີດຄອງປະເພນີ, ຮ່ອງຮອຍ ປະຫວັດສາດ ແລະທໍາມະຊາດທີ່ ສວຍງາມ, ສະເພາະແຫຼ່ງທ່ອງທ່ຽວ ທາງທໍາມະຊາດ ຖືວ່າມີບັນຍາກາດ ຟົດຟື້ນເປັນພິເສດ, ໃນນີ້ພູຜາເຜິ້ງ ເຫັນວ່າໄດ້ຮັບຄວາມສົນໃຈຫຼາຍພໍສົມຄວນຈາກບັນດານັກທ່ອງທ່ຽວ ທີ່ສໍາຄັນທໍາມະຊາດອ້ອມພູເອງ ແມ່ນສຸດແສນສວຍງາມປະຊາຊົນ ພາຍໃນເຂດນັ້ນສ່ວນຫຼາຍຕັ້ງບ້ານ ເຮືອນ, ຕັ້ງພູມລໍາເນົາລຽບຕາມສາຍ ທາງ, ຕາມຮ່ອມພູຫວ່າງຜາ  ແລະ ອື່ນໆເພື່ອສະດວກໃນການທໍາການ ຜະລິດດໍາລົງຊີວິດປະຈໍາວັນ.ພູຜາເຜິ້ງ  ເປັນແຫຼ່ງທ່ອງທ່ຽວທີ່ ມີສື່ສຽງແຫ່ງໜຶ່ງຂອງແຂວງຜົ້ງ ສາລີຊຶ່ງແມ່ນຕັ້ງຢູ່ໃນເສັ້ນທາງແຕ່ ປາກນ້ຳນ້ອຍຫາເມືອງບຸນໃຕ້ ແຂວງ ຜົ້ງສາລີ ຫ່າງຈາກເທສະບານລົງ ໄປທິດໃຕ້ຕາມທາງຫຼວງ, ພູຜາທີ່ວ່າ ນີ້ນັກທ່ອງທ່ຽວສາມາດຍ່າງທ່ຽວຊົມທໍາມະຊາດທີ່ເຢັນສະບາຍໄດ້ຢູ່ບໍລິເວນພູດັ່ງກ່າວ, ເປັນສະຖານທີ່ ຈຸດຊົມວິວທີ່ສວຍງາມຂອງທຳມະ ຊາດພູຜາປ່າໄມ້ໜ່ວຍພູສະລັບຊັບຊ້ອນເພາະມີຕົ້ນໄມ້ນ້ອຍ-ໃຫຍຢັງຢາຍກັນໄປທົ່ວໜ່່ວຍພູໄວ້ໃຫ້ທ່ານ ໄດ້ຍ່າງຊົ,  ພັກຜ່ອນຢ່ອນໃຈ.ຫາກທ່ານໃດທີ່ມີໂອກາດໄດ້ ເດີນທາງໄປເຂດພາກເໜືອ ກໍຄື ແຂວງຜົ້ງສາລາ ກໍ່ຢ່າລືມແວ່ຫຼິ້ນ ແວ່ທ່ຽວສະຖານທີ່ທ່ອງທ່ຽວພູຜາ ເຜິ້ງ ແຫ່ງດັ່ງກ່າວກໍແລ້ວກັນ ຊຶ່ງ ກໍມີຄວາມສວຍສົດງົດງາມບໍ່ແພ້ ບ່ອນອື່ນ.

ນສພ ເສດຖະກິດ-ສັງຄົມ

ໂດຍ: ວົງມະນີ

 

แชร์