ຄໍາມ່ວນ ປະຊຸມອົງການປົກຄອງແຂວງ

  ກອງປະຊຸມອົງການປົກຄອງແຂວງຄໍາມ່ວນໄດ້ໄຂຂຶ້ນໃນວັນທີ 19 ກໍລະກົດ 2021 ຢູ່ທີ່ເຮືອນຮັບແຂກເລກ 01 ຂອງແຂວງໂດຍການເປັນປະທານຂອງທ່ານ ວັນໄຊ ພອງສະຫວັນ ເຈົ້າແຂວງໆຄໍາມ່ວນ, ມີສະພາປະຊາຊົນແຂວງ, ບັນດາທ່ານຮອງເຈົ້າແຂວງ, ຫົວໜ້າ-ຮອງຫົວໜ້າພະແນກການອ້ອມຂ້າງແຂວງເຂົ້າຮ່ວມ.

   ກອງປະຊຸມໃນຄັ້ງນີ້ບັນດາທ່ານທີ່ເຂົ້າຮ່ວມແມ່ນຈະໄດ້ຮັບຟັງການລາຍງານ 4 ວຽກ ງານຫຼັກເປັນຕົ້ນແມ່ນການສະຫຼຸບຕີລາຄາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 06 ເດືອນຕົ້ນປີ ແລະທິດທາງແຜນວຽກຈຸດສຸມ 6 ເດືອນ ທ້າຍປີ 2021, ວຽກງານຊຸກຍູ້ການຜະລິດລະດູຝົນ,ສະພາບການປ້ອງກັນ, ຄວບຄຸມ ແລະແກ້ໄຂການລະບາດຂອງພະຍາດໂຄວິດ -19, ການເກັບກໍາສະຖິຕິແຮງງານທີ່ໄປອອກແຮງງານຢູ່ຕ່າງປະເທດ,ແຜນການຈັດຝຶກອົບຮົມສີມືແຮງງານ ແລະຈັດຫາວຽກໃຫ້ປະຊາຊົນເພື່ອພ້ອມກັນຄົ້ນຄວ້າປຶກສາຫາລື,ປະກອບຄໍາຄິດເຫັນຢ່າງເລິກເຊິ່ງ ແລະເສີມຂະຫຍາຍກົນໄກການຄຸ້ມຄອງຂອງລະບົບບໍລິຫານລັດໃນດ້ານທີ່ປະສົບຜົນສຳເລັດ, ມີຄວາມກ້າວໜ້າ ແລະປັບປຸງແກ້ໄຂດ້ານທີ່ຍັງຄົງຄ້າງບໍ່ທັນບັນລຸຜົນໂດຍເລັ່ງໃສ່ບັນດາເນື້ອໃນ, ໂຕເລກຄາດໝາຍຕ່າງໆທີ່ສະຫຼຸບຜົນງານ ແລະຈຸດສຸມໃນຕໍ່ໜ້າເພື່ອພ້ອມກັນສຸມໃສ່ຈັດຕັ້ງປະຕິບັດໃຫ້ບັນລຸຕາມລະດັບຄາດໝາຍໂດຍສະເພາະດ້ານວຽກງານການພັດທະນາເສດຖະກິດ-ສັງຄົມ ຕາມວຽກງານຈຸດສຸມການຂະຫຍາຍຕົວເສດຖະກິດທີ່ມີຄຸນນະພາບ ແລະຍືນຍົງພັດທະນາເສດຖະກິດຂອງແຂວງໃຫ້ມີຄຸນນະພາບດ້ວຍການຫັນໂຄງປະກອບເສດຖະກິດໄປຕາມທິດອຸດສາຫະ ກຳກວມອັດຕາສ່ວນສູງ, ປັບປຸງພາກສ່ວນເສດຖະກິດໃຫ້ມີຄວາມຫຼາກຫຼາຍເລັ່ງໃສ່ການຜະລິດຕາມທ່າແຮງບົ່ມຊ້ອນຂອງແຂວງໂດຍສະເພາະຂະແໜງກະສິກຳປ່າໄມ້, ການຜະລິດພະລັງງານ, ອຸດສາຫະກຳປຸງແຕ່ງ,ການບໍລິການ-ການທ່ອງທ່ຽວພ້ອມທັງສ້າງເງື່ອນໄຂດຶງດູດການລົງທຶນພາຍໃນ ແລະຕ່າງປະເທດເພື່ອສ້າງລາຍຮັບເຂົ້າງົບປະມານຮັບປະກັນໃຫ້ການຂະຫຍາຍຕົວຂອງເສດຖະກິດມີສະຖຽນລະພາບ ແລະ ໝັ້ນທ່ຽງເພື່ອຮັບປະກັນໃຫ້ແຂວງຄຳມ່ວນມີການພັດທະນາຢ່າງເຂັ້ມແຂງ ແລະໜັກແໜ້ນເປັນກ້າວໆ.

แชร์