ເບຍລາວມອບ 300 ລ້ານກີບ ຊ່ວຍແຂວງພາກໃຕ້ຕ້ານໂຄວິດ

   ບໍລິສັດ ເບຍລາວ ຈໍາກັດ ມອບເງິນທຶນຊ່ວຍເຫຼືອມູນຄ່າ 300 ລ້ານກີບ ໃຫ້ແກ່ບັນດາແຂວງພາກໃຕ້ຜ່ານກະຊວງສາທາລະນະສຸກເພື່ອນໍາໄປຈັດຫາຕຽງນອນ ແລະ ອຸປະກອນການແພດຈໍານວນໜຶ່ງໃຫ້ສູນຈໍາກັດບໍລິເວນນໍາໃຊ້ເຂົ້າໃນວຽກງານສະກັດກັ້ນການແຜ່ລະບາດພະຍາດໂຄວິດ-19.

    ພິທີມອບ-ຮັບທຶນຊ່ວຍເຫຼືອດັ່ງກ່າວໄດ້ຈັດຂຶ້ນໃນວັນທີ 19 ກໍລະກົດ 2021 ທີ່ກະຊວງສາທາລະນະສຸກ, ນະຄອນຫຼວງວຽງຈັນ. ເປັນກຽດມອບໂດຍທ່ານ ສູນທອນ ພົມມະຈັກ ປະທານບໍລິສັດ ເບຍລາວ ຈໍາກັດ ພ້ອມດ້ວຍຄະນະ ແລະຮັບໂດຍ ທ່ານ ປອ. ດຣ. ບຸນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ.

    ບໍລິສັດ ເບຍລາວ ຈໍາກັດ ໄດ້ກາຍເປັນບໍລິສັດໜຶ່ງທີ່ຢູ່ຄຽງຂ້າງໃນການປະຕິບັດວຽກງານຊ່ວຍເຫຼືອດ້ານການສະກັດກັ້ນພະຍາດໂຄວິດ-19 ແລະຜ່ານມາໄດ້ປະກອບສ່ວນເຖິງ 2.5 ຕື້ກີບ.

แชร์