ຫາລືດຳເນີນກອງປະຊຸມໃຫຍ່ຜູ້ແທນພຣະສົງທົ່ວປະເທດ

     ເມື່ອບໍ່​ດົນ​ມານີ້ອົງການພຸດທະສາສະໜາສຳພັນແຫ່ງ ສປປ ລາວ ໄດ້ເປີດກອງປະຊຸມປຶກສາຫາລື ແລະກະກຽມຄວາມພ້ອມໃຫ້ແກ່ການດຳເນີນກອງປະຊຸມໃຫຍ່ຜູ້ແທນພຣະສົງທົ່ວປະເທດ ສະໄໝທີ VIII ຂຶ້ນ​ທີ່ຫ້ອງປະຊຸມໃຫຍ່ສູນກາງແນວລາວສ້າງຊາດ (ສນ​ຊ ໂດຍການເປັນປະທານຮ່ວມຂອງ ທ່ານ ສິນລະວົງ ຄຸດໄພທູນ ກຳມະການກົມການເມືອງສູນກາງພັກປະທານ ສນ​ຊ ແລະພຣະອາຈານໃຫຍ່ມະຫາເຫວດມະເສໄນຮອງປະທານສູນກາງອົງການພຸດທະສາສະໜາສຳພັນລາວ, ພ້ອມດ້ວຍຄະນະຮັບຜິດຊອບທີ່ກ່ຽວຂ້ອງທຸກພາກສ່ວນເຂົ້າຮ່ວມ.

   ກອງປະຊຸມຄັ້ງນີ້, ຈັດຂຶ້ນເພື່ອລາຍງານຄວາມພ້ອມການກະກຽມໃຫ້ແກ່ການດຳເນີນກອງປະຊຸມດັ່ງກ່າວຊຶ່ງສະເໜີໂດຍພຣະອາຈານໃຫຍ່ມະຫາເຫວດມະເສໄນຮອງປະທານສູນກາງອົງການພຸດທະສາສະໜາສຳພັນລາວຈາກນັ້ນ, ຜູ້ເຂົ້າຮ່ວມໄດ້ຜັດປ່ຽນກັນປະກອບຄຳຄິດຄຳເຫັນ, ຄຳສະເໜີຕ່າງໆໃສ່ ແລະສາມາດສະຫຼຸບໄດ້ວ່າ: ມາຮອດປະຈຸບັນການກະກຽມຄວາມພ້ອມໃຫ້ແກ່ການດຳເນີນກອງປະຊຸມໃຫຍ່ຜູ້ແທນພຣະສົງທົ່ວປະເທດສະໄໝທີ VIII ອົງການພຸດທະສາສະໜາສຳພັນລາວແມ່ນມີຄວາມພ້ອມແລ້ວ, ຍັງແຕ່ລໍຖ້າການອະນຸມັດຈາກຄະນະໜ່ວຍສະເພາະກິດລະດັບຊາດເພື່ອຕ້ານສະກັດກັ້ນການແຜ່ລະບາດຂອງພະຍາດໂຄວິດ-19 ແລະຂໍ້ຕົກ ລົງອະນຸມັດເປີດກອງປະຊຸມ.

 

แชร์