ໂຮງງານຕັດຫຍິບດິບຫວູຮັບອຸປະກອນກັນໂຄວິດ

 ເພື່ອເປັນການປະກອບສ່ວນສະກັດກັ້ນ ແລະປ້ອງກັນການແຜ່ລະບາດຂອງພະຍາດໂຄວິດ-19 ໃນກຸ່ມແຮງງານຕັດຫຍິບໃນວັນທີ 17 ກໍລະກົດຜ່ານມາທາງສະມາຄົມອຸດສະຫະກຳຕັດຫຍິບລາວໄດ້ນຳເອົາເຄື່ອງອຸປະກອນປ້ອງກັນໂຄວິດ-19 ຈຳນວນໜຶ່ງມອບໃຫ້ແກ່ພະນັກງານພາຍໃນໂຮງງານຕັດຫຍິບດິບຫວູ ນະຄອນຫຼວງວຽງຈັນ ໂດຍຕາງໜ້າມອບຂອງທ່ານ ໄຊບັນດິດ ຣາຊະພົນ ປະທານສະມາຄົມອຸດສະຫະກຳຕັດຫຍິບລາວພ້ອມຄະະນະ ແລະມີຄະນະອຳນວຍການພ້ອມພະນັກງານກ່ຽວຂ້ອງຂອງໂຮງງານໄດ້ຕາງໜ້າຮັບ.

    ການນຳເຄື່ອງມາມອບຄັ້ງນນີ້ແມ່ນປະຕິບັດຕາມທາງກະຊວງຮ່ວມມືທາງດ້ານເສດຖະກິດ ແລະການພັດທະນາຂອງສະຫະພັນເຢຍລະມັນ (BMZ) ໂດຍຜ່ານອົງການແຮງງານສາກົນ, ຜູ້ຈັດຕັ້ງປະຕິບັດແມ່ນສະມາຄົມອຸດສາຫະກຳຕັດຫຍິບລາວເພື່ອມາຊ່ວຍເຫຼືອໃຫ້ກັບໂຮງງານອຸດສາຫະກຳຕັດຫຍິບຈຳນວນ 57 ແຫ່ງ ຢູ່ນະຄອນ ຫຼວງວຽງຈັນ.

   ໂດຍຈຸດປະສົງ ແລະເປົ້າໜາຍທີ່ທາງຜູ້ໃຫ້ທຶນຊ່ວຍເຫຼືອໃນຄັ້ງນີ້ແມ່ນເພື່ອຊື້ອຸປະກອນປ້ອງກັນພະຍາດໂຄວິດ-19, ໃຫ້ກັບບັນດາໂຮງງານຕັດຫຍິບລວມມູນຄາທຶນທີ່ໄດ້ຮັບການຊ່ວຍເຫຼືອທັງໜົດ 1,39 ຕື້ກີບ, ເປັນເງິນໂດລາ 1,47 ແສນໂດລາ.

ລວມມີກິດລະກຳຫລັກທີ່ຈັດຕັ້ງປະຕິບັດດັ່ງນີ້.

1. 1. ຈັດຊື້ອຸປະກອນປ້ອງກັນພະຍາດໂຄວິດ-19 ໃຫ້ແຕ່ລະໂຮງງານ.
2. 2. ຈັດຊື່ເຄື່ອງໃຫ້ພະນັກງານກຳມະກອນຜູ້ທີ່ຈະມາກັກໂຕ 14 ວັນ.
3. 3. ກຳນົດເຊົ່າຫໍພັກ ຫຼືຂະຫຍາຍຫໍພັກໃຫ້ກຳມະກອນເພື່ອຮັກສາໄລຍະຫ່າງ.
4. 4. ຈັດຝຶກອົບຮົມໃຫ້ຄະນະກຳມາການສຸຂະພາບແລະຄວາມປອດໄພໃນສະຖານທີ່ເຮັດວຽກ ແລະມາດຕະການປ້ອງກັນໂຄວິດ-19.

• 19/07/2021