ຊະນະພົນ ຄອງແຊ໋ມເຕະບານຍິງສະຫຼອງວັນແມ່ຍິງສາກົນ

   ທີມພະນັກງານ ຄູ-ອາຈານ ໂຮງຮຽນສາມັນສຶກສາຊະນະພົນ ສາມາດຖະຫຼົ່ມເອົາຊະນະທີມໂຮງຮຽນມັດທະຍົມສຶກສາຕອນຕົ້ນສີໄຄ ໄປແບບຂາດຮອຍ 6-1 ປະຕູ ຄອງແຊ໋ມການແຂ່ງຂັນກີລາເຕະ ບານຍິງ 9 ຄົນ ລະດັບພະນັກງານຄູອາຈານອ້ອມຂ້າງເມືອງສີໂຄດ ຕະບອງ ຊີງຂັນຫົວໜ້າຫ້ອງການສຶກສາທິການ ແລະກີລາເມືອງສີ ໂຄດຕະບອງ  ເພື່ອສ້າງຂະບວກນາ ສະເຫຼີມສະຫຼອງວັນແມ່ຍິງສາກົນ ຄົບຮອບ 109 ປີ ຢ່າງຟົດຟື້ນ.ເມື່ອວັນທີ 6 ມີນາ ຜ່ານມາ ທີ່ສະໜາມກີລາເຕະບານຫຍ້າທຽມ ກູດໄລ ເມືອງສີໂຄດຕະບອງ ນະ ຄອນຫຼວງວຽງຈັນ, ໄດ້ມີການແຂ່ງ ຂັນກີລາເຕະບານລະດັບພະນັກງານຄູອາຈານອ້ອມຂ້າງເມືອງ ດັ່ງກ່າວຈັດຂຶ້ນພຽງ 1 ວັນ ສຳ ເລັດ, ໂດຍໃຫ້ກຽດເຂົ້າຮ່ວມ  ແລະ ມອບລາງວັນຂອງທ່ານ ເກດສະໜາ ທອງມະນີວົງ ຮອງຫົວໜ້າ ຫ້ອງການສຶກສາທິການ  ແລະກີລາ                                    ເມືອງສີໂຄດຕະບອງ (ສກມ ສີ ໂຄດຕະບອງ), ມີບັນດາຄະນະ ອຳນວຍການ, ພະນັກງານ ແລະ ຄູອາຈານພາຍໃນເມືອງ.ໂອກາດນີ້, ທ່ານ ເກດສະໜາ ທອງມະນີວົງ ກ່າວວ່າ: ກິດຈະ ກຳແຂ່ງຂັນກີລາເຕະບານຍິງໃນ ຄັ້ງນີ້ກໍເພື່ອເປັນການສ້າງຂະບວນ ການໃຫ້ເອື້ອຍນ້ອງພະນັກງານຍິງ ຈາກໂຮງຮຽນແຫ່ງຕ່າງໆ ທີ່ຂຶ້ນ ກັບພາກລັດ ແລະເອກະຊົນພ້ອມກັນ ສ້າງບັນຍາກາດສະເຫຼີມສະຫຼອງ ວັນແມ່ຍິງສາກົນ ຄົບຮອບ 109 ປີ ໃຫ້ມີຄວາມເບີກບານ ແລະ ມ່ວນຊື່ນ. ຄຽງຄູ່ກັນນັ້ນ, ກໍຍັງ ເປັນການສ້າງໂອກາດໃຫ້ທຸກຄົນ ໄດ້ມີການແລກປ່ຽນ ແລະຖອດ ຖອນບົດຮຽນໃຫ້ເຊິ່ງກັນ  ແລະກັນ  ແລະຫຼິ້ນກີລາສົ່ງເສີມໃຫ້ມີສຸຂະ  ພາບແຂງແຮງສົມບູນສາມາດປະ ກອບສ່ວນຈັດຕັ້ງປະຕິບັດໜ້າທີ່ ວຽກງານຂອງຕົນໃຫ້ມີປະສິດທິ ພາບ ແລະປະສິດທິຜົນ.ສຳລັບການແຂ່ງຂັນລາຍການ ດັ່ງກ່າວມີທີມເຂົ້າຮ່ວມແຂ່ງຂັນ  ທັງໝົດ 15  ພາກສ່ວນ  ຈັບສະຫຼາກ ປະກົບຄູ່ເສຍຕົກຮອບໃນຈຳນວນ 15  ທີມຄື:  ມສ ຈັນສະຫວ່າງ, ກຸ່ມ ໜອງບຶກ, ມ.ປາຍ ທົ່ງປົ່ງ, ກຸ່ມສີ ໄຄ, ໂຮງຮຽນຊະນະພົນ, ຫ້ອງການສຶກສາທິການ  ແລະກີລາເມືອງ ສີໂຄດຕະບອງ, ມ.ຕົ້ນສີຖານ, ມ. ຕົ້ນ ນິຕ້າ, ມ.ຕົ້ນ ໜອງໜ້ຽວ, ກຸ່ມໜອງດ້ວງ, ກຸ່ມສີໄຄ, ມ.ປາຍມິດຕະພາບວຽງຈັນ-ໂຮ່ຈິມິນ, ມ.ຕົ້ນເກົ້າລ້ຽວ ແລະມ.ຕົ້ນ  ໜອງບຶກ. ຜ່ານການແຂ່ງຂັນຜົນປາກົດວ່າ ໃນນັດຊີງຊະນະເລີດທີມພະນັກ ງານຄູ-ອາຈານໂຮງຮຽນສາມັນສຶກສາຊະນະພົນສາມາດຖະຫຼົ່ມ ເອົາຊະນະທີມ  ມ.ຕົ້ນ ສີໄຄ  ໄປແບບ ຂາດຮອຍ 6-1  ປະຕູ  ຄວ້າແຊ໋ມໄປຄອງສ່ວນ ມ.ຕົ້ນ ສີໄຄ  ໄດ້ພຽງ ອັນດັບທີ 2, ທີ 3 ມສ. ນິຕ້າ ແລະ ທີ 4  ມ.ປາຍ ທົ່ງປົ່ງ.

ນສພ ເສດຖະກິດ-ສັງຄົມ

แชร์