ກຽມສຳພັດແຫຼ່ງທ່ອງທ່ຽວ ອ່າງສະຫວັນ ບຣູລາກູນ ສິງຫານີ້

   ອ່າງສະຫວັນ ບຣູລາກູນ ເປັນອີກສະຖານທີ່ທ່ອງທ່ຽວແຫ່ງໃໝ່ທີ່ມີຄວາມສວຍງາມທ່າມກາງພູຜາປ່າໄມ້ ແລະຫ້ວຍສາຍນໍ້າໃສເຢັນໆ ປະຈຸບັນສະຖານທີ່ເພິ່ນກຳລັງເລັ່ງຕົບແຕ່ງບາງຈຸດ ແລະຈະເປີດໃຫ້ບໍລິການຕົ້ນເດືອນສິງຫາທີ່ຈະມາເຖິງນີ້ພ້ອມຈັດສ່ວນຫຼຸດໃຫ້ແຂກທີ່ມາໃຊ້ບໍລິການໄລຍະເປີດໃໝ່.

     ທ່ານ ທອງຕາ ສີໄກສອນ ເຈົ້າຂອງອ່າງສະຫວັນ ບຣູລາກູນ ໃຫ້ສຳພາດນັກຂ່າວໜັງສືພິມເສດຖະກິດ-ສັງຄົມ ໃຫ້ຮູ້ວ່າ: ສະຖານທີ່ທ່ອງທ່ຽວ ແລະຣີສອດອ່າງສະຫວັນ ບຣູລາກູນ ສ້າງຂຶ້ນເພື່ອຕອບສະໜອງໃຫ້ນັກທ່ອງທ່ຽວມີບ່ອນຫຼິ້ນ ແລະທີ່ພັກໂດຍສະເພາະເມືອງວັງວຽງຊຶ່ງສະຖານທີ່ສ້າງໃໝ່ແມ່ນມີຄວາມສວຍງາມເໝາະແກ່ການພັກຜ່ອນບໍ່ວ່າເປັນຄອບຄົວ ແລະໝູ່ເພື່ອນເມື່ອທ່ານໄປຈະໄດ້ສຳພັດກັບບັນຍາກາດທີ່ແສນສະບາຍມ່ວນຊື່ນໄດ້ທ່າມກາງພູຜາປາໄມ້ຫ້ວຍນໍ້າໄຫຼໃສເຢັນເໝາະແກ່ການພັກຜ່ອນກັບຄອບຄົວໝູ່ເພື່ອນບັນຍາກາດສະຫງົບມີຫ້ອງພັກແຄມນໍ້າທ່ານສາມາດມາສຳພັດກັບບັນຍາກາດນະທີ່ນີ້ໄດ້.

    ສຳລັບສະຖານທີ່ພັກເພິ່ນແມ່ນມີ 11 ຫຼັງ, 5 ເຕັ້ນ ຊຶ່ງປະຈຸບັນເພິ່ນຈັດສ່ວນຫຼຸດໃຫ້ນັກທ່ອງທ່ຽວມາພັກຈາກປົກກະຕິດຄືນ 1 ລາຄາ 6 ແສນກີບ ຈ່າຍພຽງ3 ແສນກີບ ພ້ອມອາຫານເຊົ້າ ແລະເພິ່ນຍັງມີບໍລິການນວດບໍ່ເສຍຄ່ານອກຈາກທີ່ພັກທາງສະຖານທີ່ເພິ່ນຍັງປູກພັກສວນປອດສານພິດຕື່ມອີກ. ສະຖານທີ່ທ່ອງທ່ຽວແຫ່ງໃໝ່ນີ້ຕັ້ງຢູ່ບ້ານນາໄຊ ເມືອງວັງວຽງແຂວງວຽງຈັນ.

แชร์