ເຢຍລະມັນສັ່ງ “ເຟສບຸກ” ຈຳກັດ ການເກັບຂໍ້ມູນສ່ວນຕົວຂອງຜູ້ໃຊ້

 ທາງການເຢຍລະມັນມີຄຳ ສັ່ງໃຫ້ບໍລິສັດເຟສບຸກ (Facebook) ຈຳກັດການເກັບລວບລວມ ຂໍ້ມູນຂອງຜູ້ໃຊ້ໃນເຢຍລະມັນທັນທີຫຼັງຈາກທີ່ສານເຢຍລະມັນມີຄຳຕັດ ສີນຄັ້ງສຳຄັນອອກມາວ່າ  Facebook ເຮັດຜິດກົດເກນການເຮັດ ທຸລະກິດດ້ວຍການລວບລວມຂໍ້ມູນ ຂອງຜູ້ໃຊ້ ໂດຍບໍ່ໄດ້ຮັບອະນຸຍາດ.

 ທີ່ຜ່ານມາເຢຍລະມັນຖືເປັນປະ ເທດທີ່ເປັນຫົວເຮືອໃຫຍ່ໃນການຕໍ່ຕ້ານ Facebook ໃນປະເດັນສິດ ທິຄວາມເປັນສ່ວນຕົວຂອງຜູ້ໃຊ້ໂດຍສະເພາະຫຼັງຈາກມີການເປີດເຜີຍກໍລະນີການລັກເກັບຂໍ້ມູນຂອງຜູ້ໃຊ້ເຟສບຸກຂອງບໍລິສັດ Cam bridge Analitica ເມື່ອປີທີ່ແລ້ວຕາມຄຳສັ່ງດັ່ງກ່າວເຟສບຸກຈະສາມາ ດເກັບລວບລວມຂໍ້ມູນຜ່ານແອັບໃນເຄືອຂ່າຍຂອງເຟສບຸກເຊັ່ນອິນ ສະຕາແກຣມລວມທັງແອັບນິຕິບຸກ ຄົນທີສາມໄດ້ກໍຕໍ່ເມື່ອໄດ້ຮັບອະນຸ ຍາດຈາກຜູ້ໃຊ້ແລ້ວເທົ່ານັ້ນຫາກບໍ່ ປະຕິບັດຕາມເຟສບຸກອາດຈະຖືກ ປັບໃໝເປັນມູນຄ່າປະມານ 10% ຂອງລາຍໄດ້ຕໍ່ປີຈາກທົ່ວໂລກຊຶ່ງຢູ່ທີ່ລະດັບ 55.800 ລ້ານໂດລາ ສະຫະລັດເມື່ອປີທີ່ແລ້ວ ຢ່າງໃດກໍຕາມທາງເຟສບຸກຢືນຢັນວ່າຈະອຸທອນຄຳຕັດສີນທີ່ວ່ານີ້. 

ນສພ ເສດຖະກິດ-ສັງຄົມ

• 07/03/2019