JDB ມອບເຂົ້າສານໜຽວໃຫ້ອົງການໄອຍະການປະຊາຊົນສູງສຸດ

 ເຊົ້າວັນທີ 28 ມິຖຸນາ 2021 ທີ່ອົງການໄອຍະການປະຊາຊົນສູງສຸດ ທ່ານ ວິໄລ ສີພະພອນ ຜູ້ອໍານວຍການໃຫຍ່ທະນາຄານຮ່ວມພັດທະນາ, ທ່ານ ຄໍາຊູ ຢ່າງ ຮອງຜູ້ອໍານວຍການໃຫຍ່ ແລະທ່ານ ປອ. ບົວວອນ ຈັນທະນີເລີດ ຫົວໜ້າຫ້ອງການທະນາຄານຮ່ວມພັດທະນາພ້ອມດ້ວຍຄະນະໄດ້ຕາງໜ້ານໍາເອົາເຂົ້າສານໜຽວຈໍານວນ 350 ຖົງ ຫຼື 1.750 ກິໂລກຣາມ ມູນຄ່າ 22,75 ລ້ານກີບ ມອບໃຫ້ອົງການໄອຍະການປະຊາຊົນສູງສຸດ.

  ຕາງໜ້າໃຫ້ກຽດກ່າວຮັບໂດຍ ທ່ານ ບຸນທັນ ບຸນທະວິໄລ ຮອງຫົວໜ້າອົງການໄອຍະການປະຊາຊົນສູງສຸດໂດຍການເຂົ້າຮ່ວມເປັນສັກຂີພິຍານຈາກອົງການໄອຍະການປະຊາຊົນສູງສຸດ ແລະຄະນະຜູ້ບໍລິຫານຈາກທະນາຄານຮ່ວມພັດທະນາກໍ່ໄດ້ເຂົ້າຮ່ວມ.

    ໂອກາດດັ່ງກ່າວທ່ານຮອງຫົວໜ້າອົງການໄອຍະການປະຊາຊົນສູງສຸດໄດ້ສະແດງຄວາມຂອບໃຈ ແລະຍ້ອງຍໍຊົມເຊີຍມາຍັງຜູ້ອໍານວຍການໃຫຍ່ທະນາຄານຮ່ວມພັດ ທະນາພ້ອມດ້ວຍຄະນະທີ່ມີຄວາມເປັນຫ່ວງເປັນໄຍໃຫ້ການປະກອບສ່ວນທາງດ້ານວັດຖຸ ແລະ ຈິດໃຈທີ່ໄດ້ປະກອບສ່ວນເຂົ້າສານຈໍານວນດັ່ງກ່າວເພື່ອຊ່ວຍເຫຼືອຊຸກຍູ້ພະນັກງານໄອຍະການປະຊາຊົນໃນໄລຍະການລະບາດຂອງພະຍາດໂຄວິດ-19 ທີ່ໄດ້ຮັບຜົນກະທົບຈາກນັ້ນ, ທ່ານຮອງຫົວໜ້າອົງການໄອຍະການປະຊາຊົນສູງສຸດກໍ່ໄດ້ມອບໃບສົມມະນາຄຸນໃຫ້ກັບຜູ້ອໍານວຍການໃຫຍ່ທະນາຄານຮ່ວມພັດທະນາຕໍ່ການຊຸກຍູ້ດັ່ງກ່າວ.

แชร์