ເຈົ້າຂອງວັງວຽງອິນເຕີປາກ ຊີ້ແຈ້ງຜູ້ຕິດເຊື້ອໂຄວິດບໍ່ໄດ້ໄປສະຖານທີ່ຕົນ

   ທ່ານ ແກ້ວ ພານິດຈະເລີນ ເຈົ້າແຫຼງທ່ອງທ່ຽວວັງວຽງອິນເຕີປາກ ຊຶ່ງເປັນສະຖານທີ່ທ່ອງທ່ຽວແຫ່ງໜຶ່ງຂອງເມືອງວັງວຽງອອກມາຢືນຢັນກໍລະນີຜູ້ຕິດເຊື້ອໂຄວິດຢູ່ແຂວງວຽງຈັນທີ່ທາງຄະນະສະເພາະກິດໄດ້ຖະແຫຼງຂ່າວວັນທີ 28 ມິຖຸນາ 2021 ວ່າໄດ້ໄປພັກຢູ່ສະຖານທີ່ຂອງຕົນແມ່ນບໍ່ມີຄວາມຈິ່ງເພາະສະຖານທີ່ບໍ່ໄດ້ມີທີ່ພັກ ອີກຢ່າງກໍ່ປິດບໍລິການ ແລະໄລຍະນັ້ນນໍ້າກໍ່ຖ້ວມເຮັດໃຫ້ບໍ່ມີຄົນເຂົ້າ-ອອກ.


    ທ່ານ ແກ້ວ ພານິດຈະເລີນ ເຈົ້າຂອງຣີສອດອິນເຕີປາກໃຫ້ສຳພາດນັກຂ່າວໜັງສືພີມເສດຖະກິດ-ສັງຄົມ ຜ່ານທາງໂທລະສັບວ່າ: ສຳລັບກໍລະນີຜູ້ຕິດເຊື້ອໂຄວິດຢູ່ແຂວງວຽງຈັນ ທີ່ທາງສະເພາະກິດອອກມາຖະແຫຼງຂ່າວຂໍ້ມູນວ່າມີຜູ້ຕິດໄປສະຖານທີ່ວັງວຽງອິນເຕີປາກແລະໄດ້ໄປພັກວັນທີ 12 ກໍລະກົດແມ່ນບໍ່ມີມູນຈິ່ງເພາະສະຖານທີ່ເພິ່ນໄດ້ປິດໃຫ້ບໍລິການຢູ່ ແລະອີກຢ່າງແມ່ນບໍ່ໄດ້ມີສະຖານທີ່ພັກຊຶ່ງເຫດການດັ່ງກ່າວໃນການທາມລາຍຂອງຜູ້ຕິດເຊື້ອໂຄວິດຊຶ່ງອາດສ້າງຄວາມເສຍຫາຍໃຫ້ສະຖານທີ່ໂດຍສະເພາະແມ່ນເຮັດໃຫ້ພະນັກງານປະຈຳ ແລະຄົນບໍລິເວນດັ່ງກ່າວມີຄວາມແຕກຕື່ນ.


    ສຳລັບການໃຫ້ຂໍ້ມູນທາມລາຍຜູ້ຕິດເຊື້ອອາດຈະແມ່ນໃຫ້ຂໍ້ມູນຜິດແນວໃດກໍ່ຕາມປະຈຸບັນຂຶ້ນຊື່ວ່າໂຄວິດຫຼາຍຄົນກໍ່ຮູ້ກັນດີ ແລະ ການໃຫ້ຂໍ້ມູນຖືວ່າເປັນສິ່ງສຳຄັນ ສະນັ້ນຢາກໃຫ້ພາກສ່ວນກ່ຽວຂ້ອງກວດໃຫ້ລະອຽດ ແລະຊັດເຈນທຸກຄັ້ງເພື່ອນຳສະເໜີກ່ອນອອກລາຍງານ ເພື່ອຈະໃຫ້ປະຊາຊົນໂດຍສະເພາະຄົນໃກ້ຄຽງໄດ້ມີການປ້ອງກັນ ແລະໄປຮັກສາທັນສະນັ້ນຢາກໃຫ້ພາກສ່ວນກ່ຽວຂ້ອງກວດເບິ່ງຄືນ.

ຂ່າວ: ບຸນນິກ 

แชร์