ເອັນຊີເອັກແປງລົດຈັກຮອນດ້ານໍ້າຖ້ວມບໍ່ເສຍຄ່າ

   ບໍລິສັດ ເອັນຊີເອັກ ຈຳກັດ ໃນນາມຕົວແທນຈຳໜ່າຍລົດຈັກຮອນດ້າໃນປະເທດລາວຮ່ວມກັບສູນບໍລິການລົດຈັກຮອນດ້າ ເກົາຊິນ ໄຊຍະບູລີ ແລະຮອນດ້າສຸກກະເສີມ ໄຊຍະບູລີ. ໄດ້ນຳທີມນາຍຊ່າງຜູ້ຊຳນານເພື່ອເດີນທາງໄປໃຫ້ບໍລິການກວດເຊັກລົດຈັກຮອນດ້າທີ່ປະສົບໄພນໍ້າຖ້ວມໂດຍບໍ່ເສຍຄ່າທີ່ໂຮງຮຽນມັດທະຍົມຕອນຕົ້ນມິດຕະ ພາບ ບ້ານສີເມືອງ ເມືອງ ແລະແຂວງໄຊຍະບູລີ.

   ກິດຈະກຳນີ້ຈະໄດ້ຈັດຂຶ້ນເປັນ ເວລາ 6 ວັນ ເລີ່ມຕັ້ງແຕ່ວັນທີ 28 ມິຖຸນາ 2021 ເຖິງ ວັນທີ 3 ກໍລະກົດ 2021 ເວລາ 08:00–17:00 ໂມງ ກິດຈະກຳບໍລິ ການກວດເຊັກລົດຈັກຮອນດ້າທີ່ປະສົບໄພນໍ້າຖ້ວມໂດຍບໍ່ເສຍຄ່ານີ້ໃຫ້ກຽດກ່າວເປີດພິທີໂດຍ: ຮອງປະທານບໍລິສັດ ທ່ານ ສະເໜີ ຈຸນລະມະນີ.

ຈຸດປະສົງແມ່ນສະເພາະພາຍໃນຕົວເມືອງໄຊຍະບູລີເພື່ອຊ່ວຍເຫລືອແບ່ງເບົາແລະບັນເທົາທຸກຂອງພໍ່ແມ່ປະຊາຊົນຜູ້ທີ່ໄດ້ຮັບຜົນກະທົບຈາກໄພນໍ້າຖ້ວມໃນຄັ້ງນີ້. ບໍລິສັດໄດ້ເລັງເຫັນຄວາມຈຳເປັນໃນການໃຊ້ລົດຈັກຂອງພໍ່ແມ່ປະຊາຊົນໃນເມືອງໄຊຍະບູລີ, ຈຶ່ງມີຄວາມຕັ້ງໃຈເປັນສ່ວນໜຶ່ງໃນການຊ່ວຍເຫຼືອແບ່ງເບົາ ແລະບັນເທົາທຸກຈາກຜົນກະທົບດັ່ງກ່າວ.

 ທັງນີ້ບໍລິສັດ ເອັນຊີເອັກ ຈຳກັດ ມີຄວາມຍິນດີ ແລະພູມໃຈທີ່ໄດ້ຮັບໃຊ້ທັງເປັນສ່ວນໜຶ່ງໃນການຊ່ວຍເຫຼືອແກ່ພໍ່ແມ່ປະຊາຊົນທີ່ໄດ້ຮັບຜົນກະທົບຈາກໄພທຳມະຊາດໃນຄັ້ງນີ້.

แชร์