ລາວຮັບອຸປະກອນກວດໂຄວິດຈາກອາເມລິກາ

   ນະຄອນຫຼວງວຽງຈັນ, ສປປ ລາວ-ໃນວັນທີ 22 ມິຖຸນາ 2021 ທີ່ຜ່ານມານີ້ທ່ານເອກອັກຄະລັດຖະທູດສະຫະລັດອາເມລິກາປະຈຳ ສປປ ລາວ ທ່ານ ດຣ.ປີເຕີ ເຮມ໋ອນ ແລະບັນດາເຈົ້າໜ້າທີ່ຈາກກະຊວງປ້ອງກັນປະເທດຂອງສະຫະລັດອາເມລິກາໄດ້ມອບເຄື່ອງຊ່ວຍເຫຼືອອຸປະກອນການແພດສຳລັບການກວດພະຍາດໂຄວິດ-19 ໃຫ້ແກ່ທ່ານ ດຣ. ສະໜອງ ທອງສະນະ, ຮອງລັດຖະມົນຕີກະຊວງສາທາລະນະສຸກຂອງ ສປປ ລາວ ຊຶ່ງການມອບໃນຄັ້ງນີ້ແມ່ນຖືເປັນສ່ວນໜຶ່ງໃນການປະກອບສ່ວນຂອງສະຫະລັດອາເມລິກາເຂົ້າໃນການຊ່ວຍເຫຼືອວຽກງານຕ້ານພະຍາດໂຄວິດ-19 ຂອງ ສປປ ລາວ.

   ລັດຖະບານສະຫະລັດອາເມລິກາໄດ້ນຳເອົາເຄື່ອງຊ່ວຍເຫຼືອມູນຄ່າ 71.000 ໂດລາສະຫະລັດ ດັ່ງກ່າວໂດຍຍົນຂົນສົ່ງແອຟອດ C-17 “ Globemaster III ” ມາຮອດສະໜາມບິນສາກົນວັດໄຕ, ເຄື່ອງຊ່ວຍເຫຼືອອຸປະກອນການແພດດັ່ງກ່າວນີ້ແມ່ນເປັນການປະກອບສ່ວນຊຸກຍູ້ເຂົ້າໃນວຽກງານການຕິດຕາມ ແລະ ຄວມຄຸມການລະບາດຂອງພະຍາດໂຄວິດ-19 ຂອງກະຊວງສາທາລະນະສຸກ.

   ທ່ານ ທູດ ປີເຕີ ເຮມ໋ອນໄດ້ກ່າວວ່າ: ຂ້າພະເຈົ້າມີຄວາມພູມໃຈທີ່ໄດ້ມອບເຄື່ອງຊ່ວຍເຫຼືອໃນຄັ້ງນີ້ທັງນີ້ກໍ່ເພື່ອເປັນການອຳນວຍຄວາມສະດວກໃນການກວດພະຍາດໂຄວິດ-19 ຢູ່ໃນ ສປປ ລາວ, ເຄື່ອງທີ່ມອບໃນມື້ນີ້ແມ່ນເປັນອີກໜື່ງໃນການຊ່ວຍເຫຼືອອັນຍາວນານຂອງສະຫະລັດອາເມລິກາໃນການເປັນຄູ່ຮ່ວມງານແບບກວມລວມກັບ ສປປ ລາວ ຊຶ່ງມີການສະເຫຼີມສະຫຼອງຄົບຮອບ 5 ປີໃນປີນີ້, ພວກເຮົາກຳລັງເຮັດວຽກຮ່ວມກັນເພື່ອເສີມສ້າງຄວາມອາດສາມາດໃນວຽກງານສາທາລະນະສຸກຊຶ່ງລວມທັງການການຕ້ານການລະບາດຂອງພະຍາດໂຄວິດ-19 ໃນປະຈຸບັນ, ນີ້ແມ່ນເປັນອີກໜຶ່ງໃນການຊ່ວຍເຫຼືອຂອງລັດຖະບານສະຫະລັດອາເມລິກາໂດຍຜ່ານກະ ຊວງປ້ອງກັນປະເທດສະຫະລັດອາເມລິກາໂດຍສະເພາະກໍ່ແມ່ນຜ່ານສູນບັນຊາການກອງທັບສະຫະລັດປະຈຳພາພື້ນອິນໂດປາຊີຟິກ.

  ກະຊວງປ້ອງກັນປະເທດສະຫະລັດອາເມລິກາ ແລະກະຊວງປ້ອງກັນປະເທດຂອງລາວແມ່ນມີເປົ້າໝາຍອັນດຽວກັນໃນວຽກງານປ້ອງກັນສາທາລະນະສຸກຄຽງຄູ່ໄປກັບການເພີ່ມທະວີການ ເປັນຄູ່ມືຮ່ວມງານໃນວຽກງານການແພດ ຂອງກອງທັບ, ໃນໄລຍະຫຼາຍປີທີ່ຜ່ານມາກະຊວງປ້ອງກັນປະເທດຂອງສະຫະລັດອາເມລິກາໄດ້ເຮັດວຽກຮ່ວມກັບກະຊວງສາທາລະນະສຸກ ແລະກົມເສນາຮັກກະຊວງປ້ອງກັນປະເທດຂອງ ສປປ ລາວ ເພື່ອສະໜອງຄວາມຮຽກຮ້ອງຕ້ອງການຂອງປະຊາຊົນລາວໂດຍການໃຫ້ຄວາມຊ່ວຍເຫຼືອເປັນມູນຄ່າຫຼາຍກວ່າ 2,5 ລ້ານໂດລາສະຫະລັດ ເຂົ້າໃນຂົງເຂດວຽກງານສ້າງຕືກອາຄານໂຮງໝໍ, ລົດແພດສຸກເສີນພາກສະໜາມ, ອຸປະກອນການແພດໃນຫ້ອງວິເຄາະ, ອຸປະກອນທີ່ໃຊ້ໃນການກວດພະຍາດໂຄວິດ19 ແລະຊຸດອຸປະກອນການແພດ, ການຊ່ວຍເຫຼືອໃນຄັ້ງນີ້ເປັນພຽງສ່ວນໜື່ງຂອງມູນຄ່າການຊ່ວຍ ເຫຼືອຫຼາຍກວ່າ 8 ລ້ານໂດລາສະຫະລັດ ຂອງລັດຖະບານສະຫະລັດອາເມລິກາໃຫ້ແກ່ລັດຖະບານ ສປປ ລາວ ນັບຕັ້ງແຕ່ມີການເລີ້ມຕົ້ນການແຜ່ລະບາດຂອງພະຍາດ.

แชร์