ຄຸນສົມບັດ ທີ່ດີຂອງແມ່ຍິງລາວ

  ຄຸນສົມບັດເປັນສ່ວນປະກອບທີ່ສຳຄັນຂອງມະນຸດໂດຍທົ່ວໄປແມ່ນບັນດາທັດສະນະຄະຕິ ແລະ ອຸດົມການທີ່ເປັນມາດຖານມີລັກສະນະໃນຕົວ ແລະນອກຕົວທີ່ສະ ແດງອອກທາງກາຍ, ວາຈາ ແລະ ຈິດໃຈອັນເປັນທີ່ຍອມຮັບຂອງສັງຄົມ.

  ສໍາລັບຄຸນສົມບັດທາງກາຍ ເປັນການສະແດງອອກດ້ວຍການ ປະພຶດ, ປະຕິບັດໃຫ້ສອດຄ່ອງກັບ ຮີດຄອງປະເພນີພ້ອມກັບກິລິຍາມາລະ ຍາດດີ ຊຶ່ງແຕ່ລະບຸກຄົນ ໄດ້ສະແດງອອກດ້ວຍການກະທຳຕ່າງໆທີ່ບົ່ງບອກເຖິງບຸກຄະລິກລັກ ສະນະທ່າທີທີ່ດີງາມໃຫ້ມີຄວາມສຸພາບຮຽບ ຮ້ອຍເປັນຕົ້ນແມ່ນການນຸ່ງຖືຂອງຄົນລາວສະແດງອອກ ພົ້ນເດັ່ນແມ່ນເພດຍິງເຖິງແມ່ນວ່າບໍ່ງາມກໍ່ໃຫ້ຮຽບຮ້ອຍແຕ່ບໍ່ແມ່ນແຕ່ງກາຍຈົນເກີນໄປເຮັດໃຫ້ເປັນເປົ້າໝາຍຂອງສາຍຕາຄົນອ້ອມຂ້າງ, ການຍ່າງກໍ່ຄວນຍ່າງດ້ວຍ ຄວາມລະມັດລະວັງ, ການກິນຕ້ອງຄ່ອຍກິນກິນດ້ວຍຄວາມສຸ ພາບຮຽບຮ້ອຍ, ການນອນກໍ່ຄວນ ມີສະຕິຄ່ຽມຄົມ.

ສ່ວນຄຸນສົມບັດທາງດ້ານວາ ຈາເປັນການສະແດງອອກດ້ວຍ ການປາກເວົ້າ ໂດຍສະເພາະແມ່ນເວົ້າຈາປາໃສໃຫ້ມີຄວາມສຸພາບ ນີ້ມນວນອ່ອນຫວານ, ເວົ້າດ້ວຍ ສັດຈະຄວາມຈິງບໍ່ຕົວະຕົ້ມຫຼອກ ລວງ, ສຳນຽງສຽງເວົ້າຂອງເຮົາ ເຮັດໃຫ້ເປັນຕາໜ້າເຊື່ອຖື, ເຮັດໃຫ້ຄົນອ້ອມຂ້າງສົນໃຈ ແລະຮັກແພງ.

ຄຸນສົມບັດທາງດ້ານຈິດໃຈ ແມ່ນຄວາມຄິດຈິດສຳນຶກຢູ່ໃນ ສ່ວນຂອງບຸກຄົນທີ່ຄິດສ້າງແຕ່ຄວາມດີມີປະໂຫຍດ ຊຶ່ງຄົນອື່ນບໍ່ສາມາດເຫັນໄດ້ແຕ່ສຳຜັດໄດ້ດ້ວຍ ຄວາມຮູ້ສຶກ, ດ້ວຍການມີນ້ຳໃຈມີຈິດໃຈທີ່ດີງາມ, ມີຄວາມເອື້ອເຟື້ອ ເຜື່ອແຜ່ ແລະຊ່ວຍເຫຼືອຄົນອື່ນທີ່ຕົກທຸກໄດ້ຍາກ ໂດຍບໍ່ຫວັງຜົນ ຕອບແທນ.

ທັງໝົດທີ່ກ່າວມານັ້ນລ້ວນແຕ່ ແມ່ນຄຸນສົມບັດທີ່ດີຂອງແມ່ຍິງ ລາວເຮົາ. ແນວໃດກໍດີ,  ເນື່ອງໃນ ໂອກາດວັນແມ່ຍິງສາກົນ (8 ມີນາ  1910-8  ມີນາ 2019)  ຄົບຮອບ 109 ປີ, ຜູ້ຂຽນຂໍຮຽກຮ້ອງມາ ຍັງແມ່ຍິງລາວທຸກໆຄົນຈົ່ງສືບຕໍ່ ຮັກສາຮີດຄອງປະເພນີອັນດີງາມຂອງຊາດ  ໂດຍສະເພາະແມ່ນດ້ານ ຄຸນສົມບັດສິນທຳປະຕິວັດ, ການ ນຸ່ງຖືໃຫ້ຖືກຮີດຖືກຄອງ, ການເວົ້າ ການຈາກໍ່ຕ້ອງສຸພາບຮຽບຮ້ອຍ ເພື່ອເຮັດແນວໃດໃຫ້ແມ່ຍິງຮຸ່ນສືບ ທອດຕໍ່ໄປໄດ້ຮໍ່າຮຽນເອົາເປັນ ແບບຢ່າງ, ທັງເປັນການປະຕິບັດ ຮີດ 12  ຄອງ 14 ໃຫ້ຢູ່ຄູ່ກັບສັງຄົມ ລາວເຮົາຕະຫຼອດໄປ.

ນສພ ເສດຖະກິດ-ສັງຄົມ

 

แชร์