JDB ຈັບມືວຽງຈັນປະກັນໄພ ຂາຍປະກັນໄພ ໂຄວິດ-19 2 in 1

   ວັນທີ 16 ມິຖຸນາ 2021 ທີ່ສຳນັກງານໃຫຍ່ທະນາຄານຮ່ວມພັດທະນາ (JDB) ໄດ້ມີພິທີເປີດການຂາຍພະລິດຕະພັນໃໝ່ຄື: ປະກັນໄພ ໂຄວິດ-19 2IN 1 ເປັນກຽດເຂົ້າຮ່ວມໃນພິທີຄັ້ງນີ້ມີທ່ານ ຄໍາຊູ ຢ່າງ ຮອງຜູ້ອໍານວຍການໃຫຍ່ທະນາຄານຮ່ວມພັດທະນາພ້ອມດ້ວຍຄະນະ, ຝ່າຍບໍລິສັດວຽງຈັນປະກັນໄພແມ່ນນໍາໂດຍ ທ່ານ ສຸລິຍາ ພົວສີສຸວັນ ຫົວໜ້າພະແນກການຕະຫຼາດບໍລິສັດວຽງຈັນ ປະກັນໄພ ພ້ອມດ້ວຍທີມງານກໍ່ໄດ້ເຂົ້າຮ່ວມ.

   ບໍລິສັດ ວຽງຈັນປະກັນໄພ ແມ່ນໃນກຸ່ມບໍລິສັດສີເມືອງກຼຸບຊຶ່ງເປັນບໍລິສັດໃນເຄືອດຽວກັນກັບທະນາຄານຮ່ວມພັດທະນາ JDB ຊຶ່ງຈະນໍາເອົາພະລິດຕະພັນໃໝ່ນີ້ລົງໃຫ້ແຕ່ລະໜ່ວຍບໍລິການ ແລະບູດບໍລິການໃນຂອບເຂດທົ່ວປະເທດ.

ເພື່ອເປັນການເພີ້ມທາງເລຶອກໃຫ້ລູກຄ້າສາມາດເລຶອກຊື້ປະກັນໄພໂຄວິດ-19 2IN1 ຊຶ່ງຄຸ້ມຄອງທັງພະຍາດໂຄວິດ-19 ແລະຄຸ້ມຄອງອຸປະຕິເຫດໃນສັນຍາດຽວກັນ, ຈາກສະຖານະການເກີດການແຜ່ລະບາດຂອງພະຍາດໂຄວິດ-19 ໃນປະເທດລາວໂດຍສະເພາະໃນປະເທດອ້ອມຂ້າງກໍ່ມີຜູ້ຕິດເຊື້ອນັບມື້ຫຼາຍຂຶ້ນສຳລັບໃນປະເທດລາວ ການຕິດເຊື້ອກໍ່ມີທ່າອຽງຫຼຸດລົງແຕ່ກໍ່ຍັງຈະປະມາດບໍ່ໄດ້ຫາກຕິດເຊື້ອພະຍາດໂຄວິດແລ້ວຕ້ອງໄດ້ໃຊ້ເວລາໃນການປິ່ນປົວຮັກສາເຮັດໃຫ້ບໍ່ສາມາດເຮັດໜ້າທີ່ການງານໄດ້ແຕ່ທຸກຄອບຄົວກໍ່ຍັງຕ້ອງມີພາລະຄ່າໃຊ້ຈ່າຍເຊັ່ນ: ຄ່າກິນ, ຄ່າຢູ່ ແລະອື່ນໆ.

 ດ້ວຍສາເຫດນີ້ຜະລິດຕະພັນປະກັນໄພໂຄວິດ-19 2in1 ຈຶ່ງຈະຊ່ວຍຫຼຸດຜ່ອນຄວາມເດືອດຮ້ອນໃນຊ່ວງທີ່ທ່ານຂາດລາຍຮັບຫາກກວດພົບເຊື້ອຈະໄດ້ຮັບເງິນຊົດເຊີຍຕາມເງື່ອນໄຂຂອງສັນຍາ, ປະກັນໄພໂຄວິດ-19 2 in1 ມີການຄຸ້ມຄອງ 3 ແບບດັ່ງນີ້:

   ແບບທີ 1 ຄ່າທຳນຽມ 80 ພັນກີບຕໍ່ ປີກວດພົບເຊື້ອຮັບເງິນຊົດເຊຍ 1,5 ລ້ານກີບ ເສຍຊີວິດຈາກພະຍາດໂຄວິດ 15 ລ້ານກີບ, ກໍລະນີເສຍຊີວິດຈາກອຸປະຕິເຫດ ຫຼືຖຶກຄາດຕະກຳ 5 ລ້ານກີບ.

   ແບບທີ 2 ຄ່າທຳນຽມ 1,20 ແສນກີບຕໍ່ປີ ກວດພົບເຊື້ອຮັບເງິນຊົດເຊີຍ 2 ລ້ານກີບ ເສຍຊີວິດຈາກພະຍາດໂຄວິດ 20 ລ້ານກີບ ກໍລະນີເສຍຊີວິດຈາກອຸປະຕິເຫດ ຫຼືຖຶກຄາດຕະກໍາ 8 ລ້ານກີບ.

   ແບບທີ 3 ຄ່າທຳນຽມ 1,50 ກີບຕໍ່ ປີກວດພົບເຊື້ອຮັບເງິນຊົດເຊີຍ 2,5 ລ້ານກີບ ເສຍຊີວິດຈາກພະຍາດໂຄວິດ 25 ລ້ານກີບ ກໍລະນີເສຍຊີວິດຈາກອຸປະຕິເຫດ ຫຼື ຖືກຄາດຕະກໍາ 10 ລ້ານກີບ.

ທ່ານສາມາດຊື້ປະກັນໄພໄດ້ແລ້ວວັນນີ້ທີ່ທະນາຄານຮ່ວມພັດທະນາ ແລະຕົວແທນຂາຍບໍລິສັດວຽງຈັນປະກັນໄພທົ່ວປະເທດ ຫຼືສອບຖາມລາຍລະອຽດໄດ້ທີ່ໝາຍເລກໂທລະສັບ 021-226101.

แชร์