2019 ສສງ ຫົວແຊຈະເລີນສຸກຈະສຸມໃສ່ຫຼາຍວຽກ ເພື່ອໃຫ້ບັນລຸຄາດໝາຍ

   ເພື່ອເຮັດໃຫ້ແຜນງານການຈັດຕັ້ງປະຕິບັດວຽກງານການລະດົມເງິນຝາກ ແລະການໃຫ້ສິນເຊື່ອບັນລຸໄດ້ຄາດໝາຍທີ່ກໍານົດໄວ້ ສົກປີ 2019 ນີ້ ສະຫະ ກອນສິນເຊື່ອ ແລະເງິນຝາກປະຢັດຫົວແຊຈະເລີນຈະໄດ້ສຸມໃສ່ຫຼາຍໜ້າວຽກທີ່ສໍາຄັນໂດຍເນັ້ນການເພີ່ມຂະໜາດວົງເງິນກູ້ຂຶ້ນ ແລະ ໄລຍະເວລາຈາກ 12 ເດືອນມາເປັນ 18 ເດືອນ ເພື່ອຮັກສາສະມາຊິກເກົ່າທີ່ມີເງື່ອນໄຂປະຫວັດສິນເຊື່ອທີ່ດີ.

  ທ່ານ ໄຊຍາ ທໍາມະວົງ ຜູ້ອໍານວຍການສະຫະກອນສິນເຊື່ອ ແລະເງິນຝາກປະຢັດຫົວແຊໄດ້ເປີດເຜີຍເມື່ອບໍ່ຮູ້ມານີ້ໃຫ້ຮູ້ວ່າ: ເພື່ອເຮັດໃຫ້ການຈັດຕັ້ງປະຕິ ບັດວຽກງານໃນສົ່ກປີ 2019 ສາມາດ ເປັນໄປຕາມແຜນການທີ່ວາງໄວ້ ສະຫະ ກອນຂອງພວກເຮົາແມ່ນຈະໄດ້ສຸມໃສ່ ຫລາຍໜ້າວຽກທີ່ສໍາຄັນ ແລະ ເປັນຍຸດທະສາດໃນການພັດທະນາກິດຈະການ, ໃນນັ້ນແມ່ນຈະໄດ້ສຶບຕໍ່ໃນການຈັດຝຶກອົບຮົມສະມາຊິກເພື່ອປູກຝັງວິໃນທາງດ້ານການເງິນ ແລະ ວິໃນການສ້າງລາຍຮັບ,ສຶບຕໍ່ລົງລະດົມທຶນຈາກສະມາຊິກເພີ່ມທັງຮຸ້ນ ແລະ ເງິນຝາກ,ກໍານົດເຂດທີ່ຈະຂະຫຍາຍສິນເຊື່ອໃໝ່ເນັ້ນທັງເຂດຕົວເມືອງ ແລະຊົນນະບົດ, ເພີ່ມຂະໜາດ ວົງເງິນກູ້ພ້ອມທັງເພີ່ມໄລຍະເວລາເງີນ ກູ້ຂື້ນຈາກ 12 ເດືອນ ເປັນ 18 ເດືອນ ເພື່ອຮັກສາສະມາຊິກເກົ່າທີ່ມີເງື່ອນໄຂປະຫວັດສິນເຊື່ອທີ່ດີ, ນອກນີ້ແມ່ນຈະໄດ້ ເລັ່ງໃສ່ສຶບຕໍ່ພະນັກງານ ແລະ ຜູ້ບໍລິຫານ ເຂົ້າຮ່ວມການຝຶກອົບົຮມ ແລະ ຈັດການ ຝຶກອົບຮົມເອງເພື່ອຍົກລະດັບຄວາມຮູ້ຄວາມສາມາດທາງດ້ານການຕະຫລາດ, ດ້ານການບໍລິຫານສິນເຊື່ອ, ນອກນີ້ຈະໄດ້ມີການປັບປຸງກົດລະບຽບພາຍໃນ ແລະ ນະໂຍຕ່າງໆເພີ່ມຕື່ມອີກ ເພື່ອໃຫ້ເໝາະ ສົມກັບການເຄື່ອນໄຫວຕົວຈີງ ແລະ ສອງ ຄ່ອງກັບຂໍ້ກໍານົດວ່າດ້ວຍການຄຸ້ມຄອງ ສະຫະກອນສິນເຊື່ອທີ່ທະນາຄານແຫ່ງ ສປປ ລາວ ວາງອອກ.

     ສໍາລັບຄາດໝາຍສູ້ຊົນຂອງ ສສງ ຫົວແຊຈະເລີນປີ 2019 ນີ້ ຈະເຮັດໃຫ້ຈໍານວນສາມາຊິກ (ຜູ້ຖືຮຸ້ນ) ຈາກ 1.765 ເພີ່ມຂຶ້ນເປັນ 1.945 ຄົນ, ຈໍາ ນວນຮຸ້ນຈາກ 3.185 ລ້ານ ເພີ່ມເປັນ 3.785 ລ້ານ, ເພີ່ມຂຶ້ນ 20%, ຍອດເງິນ ຝາກທັງໝົດຈາກ 11.000 ລ້ານກີບ, ເພີ່ມຂື້ນເປັນ 13.300 ລ້ານກີບ, ເພີ່ມຂຶ້ນ 20%,ຍອດເຫຼືອເງິນປ່ອຍກູ້ຈາກ 12.085 ລ້ານກີບ,ເພີ່ມຂຶ້ນເປັນ 14.400 ລ້ານກີບ,ເພີ່ມຂຶ້ນ 20% ແລະກໍາໄລທັງໝົດຈາກ 1.776 ລ້ານກີບ, ເພີ່ມຂຶ້ນເປັນ 1.900 ລ້ານກີບ, ທຽບໃສ່ປີ 2018 ເພີ່ມຂຶ້ນ 7%.

ຂ່າວ: ໂພທິຣາຊ     

แชร์