ຈາກພະນັກງານບໍລິສັດເປັນເຈົ້າຂອງຟາມລ້ຽງເປັດ

   ຟາມສຸມາລີ ເປັນຟາມເປັດຂອງຄົນລາວທີ່ໄດ້ມາດຖານເພິ່ນມີປະສົບການຈາກຜູ້ຊ່ຽວຊານດ້ານການລ້ຽງເປັດມາຫຼາຍປີເນັ້ນຫົວໃຈສຳຄັນລະບົບການຮັກສາຄວາມສະອາດ, ລ້ຽງແບບທຳມະຊາດເຮັດໃຫ້ເປັດອຸດົມສົມບູນຊຶ່ງສາມາດຕີລາຄາສະເລ່ຍການຂາຍຈາກສັງຄົມໃຫ້ການຕອບຮັບ 2 ໂຕນຕໍ່ມື້ ປະຈຸບັນຕະຫຼາດການຂາຍສົດໃສ ແລະມີຄວາມຕ້ອງການສູງຈົນບາງຄັ້ງບໍ່ສາມາດສະໜອງທັນຕາມລູກຄ້າໂດຍສະເພາະຊ່ວງເທດສະການຕ່າງໆ.

   ທ່ານນາງ ສຸພາລີ ດວງມາລາ ເຈົ້າຂອງຟາມເປັດ ສຸມາລີຟາມ ໃຫ້ສຳພາດກັບນັກຂ່າວໜັງສືພິມເສດຖະກິດ-ສັງຄົມ ຮູ້ວ່າ: ກ່ອນມາເປີດຟາມເປັດຕົນເອງເຄີຍເຮັດວຽກເປັນພະນັກງານບໍລິສັດເອກະຊົນມາກ່ອນ ແລະກໍ່ໄດ້ລາອອກມີຄວາມຄິດຢາກມີທຸລະກິດຂອງຕົນເອງບວກ ແນວຄິດເລີ່ມຈາກການມັກຮັກການລ້ຽງສັດ ແລະພໍ່ແມ່ເພິ່ນກໍໄດ້ລ້ຽງແບ້,ໝູ ແລະງົວ ແລະລ້ຽງເປັດ,ໄກ່ຈຳນວນໜຶ່ງຈາກຈຸດນີ້ຕົນເອງເກີດມີຄວາມຄິດຢາກສ້າງເປັນຟາມໂຕເອງ ແລະຈຶ່ງໄດ້ໄປສຶກສາຮໍ່າຮຽນວິທີການລ້ຽງນຳປະເທດເພື່ອນບ້ານທີ່ມີປະສົບຫຼັງຈາກນັ້ນກໍ່ເລີ່ມທຳອິດລ້ຽງ 30 ໂຕຫາ100 ໂຕ ເຮັດທຸລະກິດມີທ່າ ອ່ຽງຕະຫຼາດມີຄວາມຕ້ອງການສູງຈຶ່ງຂະຫຍາຍລ້ຽງເພີ່ມຂຶ້ນຈົນມາຮອດປະຈຸບັນເກືອບ2 ພັນກ່າວໂຕ. ຊຶ່ງທາງຟາມສຸມາລີເພິ່ນເນັ້ນຫົວໃຈສຳຄັນຫຼັກວິທີການລ້ຽງແມ່ນເນັ້ນຮັກສາຄວາມສະອາດ,ຢາຂ້າເຊື້ອ,ລ້ຽງແບບທຳມະຊາດເປັດມີຄວາມສົມບູນເຮັດໃຫ້ຕະຫຼາດການຈຳໜ່າຍປະຈຸບັນດີຫຼາຍ.

  ສຳລັບຕະຫຼາດການຈຳໜ່າຍລູກຄ້າສ່ວນໃຫຍ່ເປັນຮ້ານອາຫານກຸ່ມແມ່ຄ້າຂາຍສົ່ງ ແລະຄົນທົ່ວໄປຊຶ່ງຍອດຂາຍການຈຳໜ່າຍປົກກະຕິເຖິງ 1 ຫາ 2 ໂຕນ ຕໍ່ມື້ ແລະຈຳນວນ 2 ພັນກວ່າໂຕແມ່ນຈຳໜ່າຍ 3 ອາທິດແມ່ນຂາຍໝົດໂດຍລາຄາໜ້າຟາມແມ່ນ 27.000 ກີບ ປະຈຸບັນຕະຫຼາດການຊື້ຂາຍຖືວ່າສັງຄົມໃຫ້ຄວາມສົນໃຈ ແລະຕອບຮັບດີເຮັດໃຫ້ການຈຳໜ່າຍແຕ່ລະປີບໍ່ສາມາດຕອບສະໜອງໄດ້ພຽງພໍເຮັດໃຫ້ມີການສັ່ງຊື່ຈາກປະເທດຈຳນວນໜຶ່ງ.

   ເປັດຖືເປັນສັດລ້ຽງຊະນິດໜຶ່ງທີ່ສັງຄົມໃຫ້ຄວາມສົນໃຈ ແລະນິຍົມບໍລິໂພກກັນແນວໃດກໍ່ຕາມຫາກທ່ານໃດຕ້ອງການເປັດຈຳນວນຫຼາຍ ແລະລາຄາຖືກກໍ່ສາມາດໄປຫາເພິ່ນໄດ້ສະຖານທີ່ຕັ້ງຢູ່ບ້ານດອນກອຍ ເມືອງສີສັດຕະນາກ ນະຄອງຫຼວງວຽງຈັນ ຫຼືໂທຫາເພິ່ນທີ່ໝາຍເລກໂທລະສັບ 02077488242.

ຂ່າວ ບຸນນິກ

แชร์