ສຟລ ຈະໃຊ້ໂອກາດປີທ່ອງທ່ຽວລາວ-ຈີນ ໂຄສະນາສິນຄ້າເຟີນີເຈີ

 2019 ແມ່ນອີກປີໜື່ງທີ່ມີຄວາມໝາຍສຳຄັນຊຶ່ງເປັນປີທ່ອງທ່ຽວລາວ-ຈີນ ທາງສະມາຄົມເຟີນິເຈີລາວ ຫຼື ສຟລ ຈື່ງຈະຖືໂອກາດດັ່ງກ່າວໂຄສະນາສິນຄ້າເຟີນິເຈີໃຫ້ກັບນັກທ່ອງທ່ຽວທີ່ມາຈາກປະເທດຈີນ ແລະປະເທດອື່ນໆໄດ້ຮັບຮູ້ຫຼາຍຂຶ້ນຂະນະທີ່ມີການສະເໜີໃຫ້ພາກລັດຊ່ວຍພິຈາລະນາເບີ່ງຄືນຂະໜາດຂອ ງເຟີນິເຈີສົ່ງອອກທັງນີ້ກໍເພື່ອຄວາມຢູ່ລອດຂອງໂຮງງານຜູ້ຜະລິດ.

    ທ່ານ ກອງມາລາ ພົມມະໄລ ຮອງປະທານສະມາຄົມເຟີນິເຈີລາວກ່າວວ່າ: ເພື່ອເປັນການຊຸກຍູ້ສົ່ງເສີມການຮ່ວມມືດ້ານການທ່ອງທ່ຽວລະຫວ່າງສອງປະ ເທດພ້ອມທັງດຶງດູດນັກທ່ອງທ່ຽວຈີນ ເຂົ້າມາທ່ຽວລາວນັບມື້ຫລາຍຂຶ້ນ ແລະນັກທ່ອງທ່ຽວລາວໄປທ່ຽວຈີນຫລາຍຂຶ້ນ ເຊັ່ນກັນ ລັດຖະບານສອງປະເທດຈຶ່ງ ໄດ້ຕົກລົງເປີດປີທ່ອງທ່ຽວລາວ-ຈີນ 2019 ຂຶ້ນໃນທ້າຍເດືອນມັງກອນຜ່ານມາ ໂດຍຄາດວ່າໝົດປີຈະສາມາດດຶງດູດນັກ ທ່ອງທ່ຽວຈີນ ແລະຕ່າງປະເທດເຂົ້າມາ ທ່ອງທ່ຽວລາວໄດ້ບໍ່ຫລຸດ 4,5 ລ້ານ ເທື່ອຄົນ ແລະສ້າງລາຍຮັບແກ່ປະຊາຊົນ ໄດ້ຫລາຍກວ່າ 700 ລ້ານໂດລາ.

  ຈາກຕົວເລກການຄາດຄະເນດັ່ງກ່າວທາງສະມາຄົມເຟີນິເຈີລາວກໍຈະໄດ້ຖືໂອກາດໂຄສະນາສິນຄ້າຂອງໂຮງງານເຟີນິເຈີໃນລາວໃຫ້ບັນດານັກທ່ອງທ່ອງຕ່າງປະເທດໂດຍສະເພາະນັກທ່ອງທ່ຽວຈາກປະເທດຈີນໄດ້ຮັບຮູ້ສີນຄ້າລາວຫຼາຍຂຶ້ນໂດຍຜ່ານການຈັດງານວາງສະແດງຕ່າງໆ ທັງນີ້ທ່ານ ກອງມາລາ ພົມມະໄລ ໄດ້ສະເໜີຂໍໃຫ້ພາກສ່ວນລັດຊ່ວຍເບິ່ງຄືນເລື່ອງການກຳນົດຂະໜາດຂອງຜະລິດຕະພັນທີ່ຜະລິດຈາກໄມ້ສົ່ງອອກເນື່ອງຈາກປະຈຸບັນມີຂະໜາດນ້ອຍເກີນກວ່າຄວາມຕ້ອງການຂອງລູກຄ້າສັ່ງອັນໄດ້ສົ່ງຜົນກະທົບໂດຍລວມຕໍ່ຫົວໜ່ວຍທຸລະກິດກໍຄືລາຍຮັບເຂົ້າສູ່ປະເທດໂດຍສິນຄ້າທີ່ຜະລິດໄດ້ໃນປະຈຸບັນມີພຽງ 30% ທີ່ສາມາດສົ່ງອອກໄດ້ ສ່ວນຈຳໜ່າຍພາຍ ໃນເຫັນວ່າເປັນຕະຫຼາດນ້ອຍກຳລັງຊື້ ບໍ່ ຫຼາຍ ສິ່ງດັ່ງກ່າວເຮັດໃຫ້ຫົວໜ່ວຍທຸລະກິດມີຄວາມຫຍຸ້ງຍາກຫຼາຍ.

  ແນວໃດກໍດີຊຶ່ງສອດຄ່ອງກັບຄຳ ເຫັນຂອງທ່ານ ຄຳໄພ ສົມຊະນະ ປະ ທານສະມາຄົມເຟີນິເຈິລາວທີ່ກ່າວກ່ອນ ໜ້ານີ້ຮູ້ວ່າ: ເວົ້າລວມແລ້ວຄຳສັ່ງ 15/ນຍ ແມ່ນດີຫຼາຍແຕ່ກໍມີຈຳນວນໜື່ງມັກງ່າຍທີ່ເສຍຜົນປະໂຫຍດວ່າບໍ່ດີຕໍ່ການຢຸດຕິສົ່ງອອກໄມ້ທ່ອນຢຸດຕິການທຳລາຍປ່າຕໍ່ກັບບັນຫານີ້ຮຽກຮ້ອງໃຫ້ຈຳນວນດັ່ງກ່າວອອກມາຊີ້ແຈ້ງວ່າເປັນຍ້ອນຫຍັງ ແລະເຫດຜົນຫຍັງຈຶ່ງວ່າບໍ່ດີແຕ່ໃນນາມສ່ວນຕົວແລ້ວແມ່ນດີຫຼາຍໂດຍຄົນເຮົາຈະໄດ້ກິນໄດ້ໃຊ້ແລ້ວທຳມະຊາດກໍຈະຢືນຍົງ.

  ແຕ່ທັງນີ້ປະທານສະມາຄົມເຟີນິເຈີລາວ ສະເໜີວ່າ: ພວກເຮົາຈະຄຸມກັນແນວໃດ ແລະຂໍໃຫ້ເພີ່ນສະເປັກໄມ້ທີ່ເຮັດເປັນເຟີນິເຈີໂດຍອີງໃສ່ລູກຄ້າຕ້ອງການ ຈຶ່ງຈະໄປໄດ້ ຈຶ່ງເປັນການສົ່ງເສີມຖ້າເຮົາກຳນົດໃຫ້ນ້ອຍ ແລະບາງເກີນໄປກໍຈະເປັນຂີ້ເລື່ອຍສຸດທ້າຍທຸກຝ່າຍກໍອັບປະໂຫຍດຈຸດນີ້ເຮົາຄວນເບິ່ງກົນໄກຕະຫຼາດ ຂໍໃຫ້ເຈົ້າໜ້າທີ່ກ່ຽວຂ້ອງ ແລະເຈົ້າຂອງ ໂຮງງານມີຄວາມຈິງໃຈຮັດກຸມ ຜີເຮືອນ ກໍຕ້ອງພ້ອມຜີປ່າ  ວ່າໄມ້ມີຕົ້ນກຳເນີດມາ ຈາກໃສກ່ອນເຂົ້າໂຮງງານເພື່ອເຮັດແນວ ໃດບໍ່ໃຫ້ຜູ້ກະທຳບໍ່ດີຢູ່ໄດ້ ແລະໃຫ້ຜູ້ເຮັດ ດີໄປໄດ້ ເຈົ້າໜ້າຄຸ້ມຄອງຕ້ອງປະຕິບັດໃຫ້ເຂັ້ມງວດ.

  ຂະນະທີ່ຕໍ່ກັບປະເດັນມີການຂໍແກ້ໄຂໄມ້ເກົ່າໄມ້ໂຫຼກແມ່ນມີຂຶ້ນທຸກປີດ້ານນີ້ກໍຂໍໃຫ້ລັດເບິ່ງຄືນ ຫຼື ອາດຈະກຳນົດເວລາໃນການແກ້ໄຂຢ່າງຈະແຈ້ງບໍ່ດັ່ງນັ້ນ ໄມ້ເກົ່າກໍຈະບໍ່ໝົດເປັນຈັກເທື່ອ ແລະ ສຸດທ້າຍໄມ້ກໍໝົດໄປທຸກໆປີລັດກໍເສຍລາຍຮັບສ່ວນປະຊາຊົນກໍຈະປະເຊີນກັບບັນຫາໄພທຳມະຊາດທີ່ຮຸນແຮງ ແລະ ຍາກທີ່ຈະຫຼຸດພົ້ນອອກຈາກຄວາມທຸກຍາກໄດ້ ທ່ານ ຄຳໄພ ສົມຊະນະ ກ່າວ.

ຂ່າວ: ນສພ ເສດຖະກິດ-ສັງຄົມ

แชร์