ລາວພົບຜູ້ຕິດໂຄວິດອີກ 4 ຄົນ

  ຄະນະສະເພາະກິດເພື່ອປ້ອງກັນຄວບຄຸມ ແລະແກ້ໄຂພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ COVID-19 ຖະແຫຼງປະຈຳວັນທີ 10 ມິຖຸນາ ປີ 2021 ໃຫ້ຮູ້ວ່າ: ມາຮອດປະຈຸບັນການລະບາດທົ່ວໂລກມີຜູ້ຕິດເຊື້ອສະສົມທັງໝົດ 174,14 ລ້ານຄົນ, ເສຍຊີວິດທັງໝົດ 3,7 ລ້ານຄົນ ແລະ ປິ່ນປົວຫາຍດີ 157,94 ລ້ານຄົນປະເທດທີ່ມີຜູ້ຕິດເຊື້ອ ແລະເສຍຊີວິດຫຼາຍກວ່າໝູ່ແມ່ນສະຫະລັດອາເມລິກາ,ອິນເດຍ ແລະບຣາຊິນ ແລະບັນດາປະເທດທີ່ມີຊາຍແດນຕິດກັບ ສປປ ລາວ.

  ສປປ ລາວ ຮອດປະຈຸບັນຈໍານວນຜູ້ຕິດເຊື້ອສະສົມທັງໝົດ 1.975 ຄົນ (ໃໝ່ 4 ຄົນ, ໃນນັ້ນນະຄອນຫຼວງ 2, ຈໍາປາສັກ 2 ຄົນນໍາເຂົ້າ ເສຍຊີວິດ 3 ຄົນ,ປິ່ນປົວຫາຍດີທັງໝົດ 1.807 ຄົນ ແລະກຳລັງປິ່ນປົວ 165 ຄົນ.

 ການເດີນທາງເຂົ້າມາ ສປປ ລາວ ຕາມຈຸດຜ່ານແດນ, ວັນທີ 9 ມິຖຸນາ 2021 ມີຜູ້ເດີນທາງທີ່ໄດ້ຮັບອະນຸຍາດຈາກຄະນະສະເພາະກິດມີຜູ້ເດີນທາງເຂົ້າ ສປປ ລາວ ທັງໝົດ 2.535 ຄົນ, ມີຜູ້ຈໍາກັດບໍລິເວນທັງໝົດ 3.813 ຄົນ ແລະມີສູນຈໍາກັດບໍລິເວນເປີດນໍາໃຊ້ມີ 55 ສູນ.

แชร์