ນິວຈິບເຊັງ ຈັດແຂ່ງຂັນແລ່ນ 31 ຂາສາມັກຄີ

  ພະແນກສຶກສາທິການ  ແລະ ກີລານະຄອນຫຼວງວຽງຈັນ ຮ່ວມກັບບໍລິສັດ ນິວຈິບເຊັງ ຈໍາກັດຈັດ  ການແຂ່ງຂັນແລ່ນ 31 ຂາສາມັກຄີ ໃນກຸ່ມນັກຮຽນຊັ້ນປະຖົມ ແລະ ຊັ້ນມັດທະຍົມຕອນຕົ້ນຮຸ່ນອາຍຸບໍ່ ເກີນ 12   ປີ   ປະຈໍາສົກຮຽນ  2018 -  2019 ເພື່ອຂໍ່ານັບຮັບຕອນວັນ ແມ່ຍິງສາກົນ, ທັງເປັນການປະຕິບັດຕາມ 5 ຫຼັກມູນການສຶກສາທີ່ ກະຊວງສຶກສາທິການ ແລະກີລາ ວາງອອກ,  ເພື່ອສ້າງໃຫ້ເດັກເກີດມີ ລະບຽບວິໄນແກ່ຕົນເອງມີຄວາມ ສະມັກຄີເຊິ່ງກັນ ແລະກັນ, ໃຫ້ນັກ ຮຽນມີສຸຂະພາບແຂງແຮງຫ່າງ ໄກຢາເສບຕິດ, ທັງເປັນການສ້າງ ສາຍສໍາພັນມິດຕະພາບອັນດີງາມ ລະຫວ່າງໂຮງຮຽນກັບໂຮງຮຽນ ນໍາອີກ.

  ພິທີເປີດ-ປິດ ການແຂ່ງຂັນ ແລ່ນ 31 ຂາສາມັກຄີໄດ້ຈັດຂຶ້ນ ເມື່ອວັນທີ 5 ມີນາ 2019 ທີ່ເດີນ ກີລາວິທະຍາໄລຊັບພະວິຊາ, ໃຫ້ກຽດເຂົ້າຮ່ວມໂດຍທ່ານ ນາງ ສີສຸກ ວົງວິຈິດ ຫົວໜ້າກົມສາມັນ ສຶກສາ, ທ່ານ ບຸນສຸກ ທິລະສັກ ຫົວໜ້າກົມພາລະ  ແລະສິລະປະສຶກສາ, ທ່ານ ຊົມພູ ແກ້ວປັນຍາ ຫົວໜ້າພະແນກສຶກສາທິການ  ແລະ ກີລານະຄອນຫຼວງວຽງຈັນ,  ທ່ານ ຂັນໄຊ ກຽດສີທະນາກອນ ປະ ທານກຸບໍລິສັດ ນິວຈິບເຊັງ ຈໍາ ກັດ, ມີຄູ-ອາຈານ ແລະນັກຮຽນ ຈາກນະຄອນຫຼວງວຽງຈັນ,  ແຂວງ ຫຼວງພະບາງ, ຄໍາມ່ວນ ແລະຈໍາ ປາສັກເຂົ້າຮ່ວມ.

  ທ່ານ ໄຊຍຸດ ຣຸດຈະນາພອນ ຜູ້ຈັດການໃຫຍ່ທົ່ວໄປບໍລິສັດ ນິວ ຈິບເຊັງ  ຈໍາກັດກ່າວວ່າ:  ກີລາແລ່ນ 31  ຂາສາມັກຄີໄດ້ເລີ່ມຕົ້ນຂຶ້ນທີ່ ປະເທດຍີ່ປຸ່ນ ແຕ່ປີ  1995  ໂດຍ  ໄດ້ຮັບການສະໜັບສະໜູນຈາກ ບໍລິສັດຮອນດ້າມໍເຕີປະເທດຍີ່ປຸ່ນ ໃນປີ 2005 ບໍລິສັດ APHonda ແຫ່ງປະເທດໄທໄດ້ນຳເອົາກິດຈະ ກຳປະເພດນີ້ເຂົ້າມາແຂ່ງຂັນໃນ ທົ່ວປະເທດໄທ ແລະໃນທ້າຍປີ 2015 ບໍລິສັດນິວຈິບເຊັງ ໄດ້ຫຼິງ ເຫັນຄວາມສຳຄັນ ແລະຄຸນປະ ໂຫຍດຂອງກີລາປະເພດນີ້ເພື່ອສົ່ງ ເສີມໃຫ້ເດັກນ້ອຍເຍົາວະຊົນມີສຸ ຂະພາບແຂງແຮງ, ມີວິໄນ ແລະ ຫ່າງໄກຈາກສິ່ງເສບຕິດ ຈຶ່ງໄດ້ນຳ ເຂົ້າມາທົດລອງຢູ່ເມືອງສີໂຄດຕະ ບອງ ນະຄອນຫຼວງວຽງຈັນ ໂດຍ ມີນັກກີລາຈຳນວນ  420  ຄົນ  ຈາກ 12 ໂຮງຮຽນເຂົ້າຮ່ວມ ແລະໄດ້ ຮັບການຕອບຮັບເປັນຢ່າງດີຈາກ ບັນດາໂຮງຮຽນພໍ່ແມ່ນັກຮຽນ ແລະນ້ອງນັກຮຽນສັງເກດໄດ້ຈາກໃນສົຮຽນປີ 2017-2018 ມີ ນັກກີລາເຂົ້າຮ່ວມ 22 ທີມ ມາ ຈາກ 22 ໂຮງຮຽນທົ່ວນະຄອນ ຫຼວງວຽງຈັນ ຊຶ່ງລວມມີນັກກີລາ ທັງໝົດ 770 ຄົນ.ສຳລັບການແຂ່ງຂັນໃນສົກ ຮຽນປີ 2018-2019 ນີ້ ມີນັກ ກີລາເຂົ້າຮ່ວມ 40 ທີມ, ລວມມີ ນັກກີລາທັງໝົດ 1.400  ຄົນ  ໃນນີ້ ນັກກີລານະຄອນຫຼວງວຽງຈັນ ມີ 26 ທີມ, ແຂວງຫຼວງພະບາງ 5 ທີມ,  ຄໍາມ່ວນ 3 ທີມ ແລະຈໍາປາ ສັກ 6 ທີມ. ຜ່ານການແຂ່ງຂັນທີມ ຊະນະເລີດໄດ້ແກ່ໂຮງຮຽນ ມສ ຈັນສະຫວ່າງເມືອງສີໂຄດຕະບອງໄດ້ ຮັບລາງວັນເງິນສົດ 5 ລ້ານກີບ ພ້ອມໂລ້ລາງວັນມຸນຄ່າ 1,7 ລ້ານ ກີບ, ສ່ວນທີ 2 ໄດ້ແກ່ໂຮງຮຽນ ມສ ໄຜ່ລ້ອມເມືອງໄຊທານີ ໄດ້ຮັບເງິນລາງວັນ 4 ລ້ານກີບ ແລະ ອັນດັບທີ 3 ແມ່ນໂຮງຮຽນ ມຕດອນສະຫວ່າງເມືອງຫາດຊາຍ ຟອງ ໄດ້ຮັບເງິນລາງວັນ 3 ລ້ານກີບ.

ນສພ ເສດຖະກິດສັງຄົມ

แชร์