ລາວຕິດໂຄວິດຕື່ມ 9 ຄົນ

  ຄະນະສະເພາະກິດເພື່ອປ້ອງກັນຄວບຄຸມ ແລະແກ້ໄຂພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ COVID-19 ຖະແຫຼງປະຈຳວັນທີ 3 ມິຖຸນາ ປີ 2021 ໃຫ້ຮູ້ວ່າ: ມາຮອດປະຈຸບັນການລະບາດທົ່ວໂລກມີຜູ້ຕິດເຊື້ອສະສົມທັງໝົດ 172,38 ລ້ານຄົນ (ໃໝ່ 465.678), ເສຍຊີວິດທັງໝົດ 3.7 ລ້ານຄົນ (ໃໝ່ 10.104) ແລະປິ່ນປົວຫາຍດີ 155,22 ລ້ານຄົນ (ໃໝ່ 641.220) ຄົນ ປະເທດທີ່ມີຜູ້ຕິດເຊື້ອ ແລະເສຍຊີວິດຫຼາຍກວ່າໝູ່ແມ່ນສະຫະລັດອາເມລິກາ, ອິນເດຍ ແລະບຣາຊິນ ແລະບັນດາປະເທດທີ່ມີຊາຍແດນຕິດກັບ ສປປ ລາວ.

  ສປປ ລາວ ຮອດປະຈຸບັນ ຈໍານວນຜູ້ຕິດເຊື້ອສະສົມທັງໝົດ 1.943 ຄົນ (ໃໝ່ 9 ກໍລະນີ ໃນນີ້ຈາກນະຄອນຫຼວງວຽງຈັນ 6 ກໍລະນີ, ຈໍາປາສັກ 1 ກໍລະນີ ແລະສະຫວັນນະເຂດ 2 ກໍລະນີ, ເສຍຊີວິດ 3 ກໍລະນີ (ໃໝ່ 0) , ປິ່ນປົວຫາຍດີທັງໝົດ 1.654 ກໍລະນີ (ໃໝ່ 17) ແລະກໍາລັງປິ່ນປົວ 275 ກໍລະນີ.

 ການເດີນທາງເຂົ້າມາ ສປປ ລາວ ຕາມຈຸດຜ່ານແດນ, ວັນທີ 2 ມີຖຸນາ 2021 ມີຜູ້ເດີນທາງທີ່ໄດ້ຮັບອະນຸຍາດຈາກຄະນະສະເພາະກິດມີຜູ້ເດີນທາງເຂົ້າ ສປປ ລາວ ທັງໝົດ 2.356 ຄົນ,ມີແຮງງານລາວເຂົ້າມາ 270 ຄົນ,ແຮງງານຈີນ 32 ຄົນ, ແຮງງານຫວຽດນາມ 10 ຄົນ ເຫຼືອນັ້ນແມ່ນພະນັກງານຂັບລົດ ແລະຜູ້ຕິດຕາມ, ມີຜູ້ຈໍາກັດບໍລິເວນທັງໝົດ 3.639 ຄົນ ແລະເຂົ້າໃໝ່ມື້ວານມີ 420 ຄົນ, ໃນວັນທີ 2 ມີຖຸນາ 2021 ໄດ້ເກັບຕົວຢ່າງມາກວດວິເຄາະທັງໝົດ 1.725 ຕົວຢ່າງ.

  ເຂດສ່ຽງ, ສະຖານທີທີ່ຜູ້ຕິດເຊື້ອໄດ້ເດີນທາງໄປແມ່ນວັນທີ 22 ພຶດສະພາ 2021-23 ພຶດສະພາ 2021 ແລະວັນທີ 29 ພຶດສະພາ 2021: ໄປສວນຢູ່ບ້ານສິມມະໂນ ເວລາ 16:00-17:00 ໂມງ ຂອງວັນທີ 30 ພຶດສະພາ 2021: ໄປຕະຫຼາດສີຂຽວ ບ້ານດອນກອຍ, ເວລາ 16:00-17:00 ໂມງ ຂອງວັນທີ 2 ມິ ຖຸນາ 2021: ໄປຕະຫຼາດສະພານທອງ ແລະຕະຫຼາດໂຮງງານບ້ານໂພນປ່າເປົ້າ, ວັນທີ 27 ພຶດສະພາ 2021 ແລະວັນທີ 30 ພຶດສະພາ 2021: ໄປຫ້ອງແຖວຫຼັງຕະຫຼາດໂພນສະຫວ່າງ, ວັນທີ 27 ພຶດສະພາ 2021: ໄປເອົາເຄື່ອງຢູ່ເຮືອນໝູ່ ບ້ານຫ້ວຍຫົງ ແລະວັນທີ 29 ພຶດສະພາ 2021: ໄປກິນເຂົ້າເຮືອນພີ່ນ້ອງບ້ານອາມອນ.

#ໜັງສືພິມເສດຖະກິດສັງຄົມ

แชร์