ສໍາເລັດການສອບເສັງນັກຮຽນເກັ່ງທົ່ວແຂວງໄຊຍະບູລີ

 ðການສອບເສັງນັກຮຽນເກັ່ງຊັ້ນປະຖົມສຶກສາ ປ5, ມັດທະຍົມ ສຶກສາຕອນຕົ້ນ (ມ4)  ແລະຊັ້ນມັດ ທະຍົມສຶກສາຕອນປາຍ (ມ7) ທົ່ວ ແຂວງໄຊຍະບູລີ  ປະຈໍາປີ 2018- 2019 ທີ່ຈັດຂື້ນຢູ່ທີ່ສະໂມສອນຂອງພະແນກສຶກສາທິການ ແລະ ກີລາແຂວງໄດ້ສໍາເລັດໃນວັນທີ 1ມີນາ 2019 ນີ້ ໂດຍເປັນກຽດເຂົ້າ ຮ່ວມເປັນປະທານຂອງທ່ານນາງ ບຸນພັກ ອິນທະປັນຍາ ຮອງເຈົ້າ ແຂວງໄຊຍະບູລີ ມີບັນດາຫົວໜ້າ- ຮອງຫົວໜ້າອໍານວຍການໂຮງ ຮຽນ, ພະແນກການ, ໜ່ວຍງານ ທີ່ກ່ຽວຂ້ອງ,  ຄະນະນໍາພານັກຮຽນ, ພໍ່ແມ່ຜູ້ປົກຄອງ  ແລະນ້ອງນັກຮຽນ ເຂົ້າຮ່ວມ.

ທ່ານ ພັນ ດວງຕາ ຮອງຫົວ ໜ້າພະແນກສຶກສາ  ແລະກີລາແຂວງ  ໄຊຍະບູລີ ກ່າວວ່າ: ການສອບເສັງ ນັກຮຽນເກັ່ງໃນຄັ້ງນີ້, ແມ່ນເປັນ ການທົດສອບຄວາມຮູ້-ຄວາມສາມາດ ແລະພອນສະຫວັນຂອງນັກຮຽນ;  ເປັນການປະເມີນລະດັບການ ຮຽນຂອງນັກຮຽນ, ການສິດສອນ ຂອງຄູ-ອາຈານ  ແລະທັງເປັນການ ຄັດເລືອກນັກຮຽນເກັ່ງຜູ້ທີ່ໄດ້ອັນດັບ 1 ຂອງແຕ່ລະວິຊາຮຽນຂອງ ຊັ້ນມັດທະຍົມຕອນປາຍ (ມ7)  ໄປ ແຂ່ງຂັນນັກຮຽນເກັ່ງທົ່ວປະເທດ ຢູ່ນະຄອນຫຼວງວຽງຈັນ  ຜົນການ ແຂ່ງຂັນນັກຮຽນເກັ່ງໃນຄັ້ງນີ້,  ເຫັນວ່າຊັ້ນປະຖົມສຶກສາ ປ5, ວິຊາພາ ສາລາວ ໄດ້ອັນດັບທີ 1 ແມ່ນນາງ  ໂມລິນ ສີຄໍາແພງ ຈາກໂຮງຮຽນ ປະຖົມສຶກສາສົມບູນບ້ານໃຫຍ່, ເມືອງທົ່ງມີໄຊ; ວິຊາຄະນິດສາດ ອັນດັບທີ 1  ແມ່ນທ້າວ  ສະເຫຼີມໄຊ ພົມມະຫານ ຈາກໂຮງຮຽນປະຖົມສຶກສາສົມບູນປະຊາຮ່ວມໃຈເມືອງເງິນ, ວິຊາໂລກອ້ອມ  ຕົວ ອັນດັບທີ 1 ນາງ ຄີມ ໄຊຍະວົງ ຈາກໂຮງຮຽນປະຖົມສຶກສາສົມບູນ ບ້ານໃໝ່  ເມືອງຊຽງຮ່ອນ;  ຊັ້ນມັດ ທະຍົມສຶກສາຕອນ ຕົ້ນ(ມ4), ວິຊາພາສາລາວ-ວັນນະຄະດີ ໄດ້ ອັນດັບທີ 1  ແມ່ນ ນາງ ນໍ້າເຜີ້ງ ສຸກຜາລີ  ຈາກໂຮງຮຽນມັດທະຍົມ ສຶກສາຕອນຕົ້ນມິດຕະພາບເມືອງ ໄຊຍະບູລີ;  ວິຊາຟີຊິກສາດ  ອັນດັບ  ທີ 1 ແມ່ນ ທ້າວ ໜູເຊັງ ຢາງ ຈາກໂຮງຮຽນມັດທະຍົມສຶກສາ ຕອນຕົ້ນນໍ້າຄໍາເມືອງຄອບ; ວິຊາ ເຄມີສາດອັນດັບທີ 1 ແມ່ນທ້າວກຸ້ງ ແກ້ວຈາກໂຮງຮຽນມັດທະຍົມສຶກ ສາຕອນຕົ້ນແກ່ນຄໍາເມືອງຫົງສາ; ວິຊາຄະນິດສາດອັນດັບທີ່ 1 ທ້າວ ບີ້ ແສນສົມບັດ ຈາກໂຮງຮຽນມັດ ທະຍົມສຶກສາຕອນຕົ້ນດອນມູນ  ເມືອງຄອບ  ແລະຊັ້ນມັດທະຍົມຕອນ ປາຍ (ມ7) ວິຊາພາສາລາວ ໄດ້ອັນດັບທີ 1 ແມ່ນທ້າວ ກາຍສະຫວັນ ອິນແຈ້ງສອນ  ຈາກໂຮງຮຽນ ມັດທະຍົມສຶກສາສົມບູນນາຕານ ເມືອງພຽງ;  ວິຊາເຄມີສາດອັນດັບ ທີ 1 ແມ່ນທ້າວ ໄກຢາງ ຈາກໂຮງຮຽນມັດທະຍົມສຶກສາສົມບູນໄຊຍະບູລີ ເມືອງໄຊຍະບູລີ; ວິຊາຄະນິດສາດອັນດັບທີ 1  ແມ່ນທ້າວ ວໍ ລະສິດ ພົມຮັກສາ ຈາກໂຮງຮຽນມັດທະຍົມສຶກສາສົມບູນໄຊຍະບູລີເມືອງໄຊຍະບູລີ  ແລະຜົນການແຂ່ງຂັນຖາມ-ຕອບ ຄວາມຮູ້ວິທະຍາ  ສາດປະຈໍາປີ 2018-2019  ອັນດັບທີ 1 ໄດ້ແກ່ຊັ້ນມັດທະຍົມສຶກສາ ຫ້ອງພອນສະຫວັນ ແລະຊັ້ນປະ ຖົມສຶກສາເມືອງບໍ່ແຕນ.

 ນາງ ບຸນພັກ ອິນທະປັນຍາ ຮອງເຈົ້າແຂວງໄຊຍະບູລີ ໄດ້ສະ ແດງຄວາມຊົມເຊີຍຕໍ່ຄູ-ອາຈານ ທີ່ໄດ້ຕັດສິນໃຈສິດສອນຖ່າຍທອດ ບົດຮຽນວິຊາຄວາມຮູ້ໃຫ້ແກ່ນ້ອງ ນັກຮຽນໃນໄລຍະຜ່ານມາພ້ອມທັງ ເນັ້ນໜັກໃຫ້ທຸກຄົນຈົ່ງພ້ອມກັນສືບ ຕໍ່ສິດສອນນ້ອງນັກຮຽນໃຫ້ເກັ່ງ ເພື່ອນໍາເອົາຄວາມຮູ້ມາປະກອບ ສ່ວນສ້າງສາພັດທະນາບ້ານເມືອງ ຂອງຕົນໃນອານາຄົດໃຫ້ມີຄວາມ ຈະເລີນຮຸ່ງເຮື່ອງ.  ຈາກນັ້ນໃນພິທີກໍ່ໄດ້ມອບໃບຍ້ອງຍໍໃຫ້ຄູອາຈານຜູ້ນໍາພາ ແລະລາງວັນໃຫ້ນ້ອງນັກ ຮຽນເກັ່ງ ເພື່ອຊຸກຍູ້ສົ່ງເສີມໃຫ້ເຂົາເຈົ້າສືບຕໍ່ຮໍ່າຮຽນໃຫ້ເປັນນັກຮຽນ ເກັ່ງຕະຫຼອດໄປ.

ນສພ ເສດຖະກິດ-ສັງຄົມ

แชร์