ລາວພົບຜູ້ຕິດເຊື້ອໂຄວິດ 3 ຄົນ

ຄະນະສະເພາະກິດເພື່ອປ້ອງກັນຄວບຄຸມ ແລະແກ້ໄຂພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ໂຄວິດ-19 ຖະແຫຼງໃນວັນທີ 30 ພຶດສະພາ 2021 ໃຫ້ຮູ້ວ່າ: ສປປ ລາວ ພົບຜູ້ຕິດເຊື້ອໃໝ່ທັງໝົດ 3 ຄົນ ຊຶ່ງທັງໝົດແມ່ນມາຈາກນະຄອນຫຼວງວຽງຈັນ ໃນນັ້ນແມ່ນການຕິດເຊື້ອໃນຊຸມຊົນຜູ້ຕິດເຊື້ອທີ 1 ເປັນຜູ້ສຳ ຜັດໃກ້ຊິດກັບກຸ່ມຕິດເຊື້ອຈາກກະຊວງໂຍທາທິການ ແລະຂົນສົ່ງ, ຜູ້ຕິດເຊື້ອທີ 2 ແມ່ນ ຈາກບ້ານຕານມີໄຊ/ຫໍພັກອາຈານ ມຊ ແລະຜູ້ຕິດເຊື້ອທີ 3 ແມ່ນຢູ່ບ້ານໂພນປາເປົ້າຊຶ່ງທາງທີມແພດນະຄອນຫຼວງກໍາລັງຕິດຕາມ.

    ການຕິດໃໝ່ດັ່ງກ່າວໄດ້ສົ່ງຜົນໃຫ້ຕົວເລກສະສົມຕິດເຊື້ອທັງໝົດຢູ່ປະເທດເຮົາແມ່ນ 1.911 ຄົນ, ເສຍຊີວິດສະສົມ 3 ຄົນ, ປິ່ນປົວຫາຍດີ 1.426 ຄົນ (ໃໝ່ 24,ຄົນ) ແລະຍັງສືບຕໍ່ປິ່ນປົວທັງໝົດ 482 ຄົນ.

  ມາຮອດວັນທີ 29 ພຶດສະພາ 2021 ມີຜູ້ເດີນທາງເຂົ້າ ສປປ ລາວ ທັງໝົດ 1.486 ຄົນ,ເຂົ້າສະໜາມບິນວັດໄຕ 233 ຄົນ, ມີແຮງງານລາວເຂົ້າມາ 109 ຄົນ ເຫຼືອນັ້ນແມ່ນພະນັກງານຂັບລົດ ແລະຜູ້ຕິດຕາມທົ່ວປະເທດມີສູນຈໍາກັດບໍລິເວນຮອງຮັບຜູ້ເດີນທາງເຂົ້າມາ ສປປ ລາວ ທີ່ເປີດນຳໃຊ້ຢູ່ທັງໝົດ 48 ສູນ, ມີຜູ້ຈໍາກັດບໍລິ ເວນທັງໝົດ 2.974 ຄົນ ໄດ້ເກັບຕົວຢ່າງມາກວດວິເຄາະທັງໝົດ 1.928 ຕົວຢ່າງ.

ຂ່າວ: ຄໍາພອນ ຈະເລີນ

แชร์