ອາຄານສະຖານີລົດໄຟກາສີເລີ່ມປະກົດຮູບໂສມພາຍນອກ

ປະຈຸບັນນີ້, ສະຖານີລົດໄຟກາສີຊຶ່ງມີທີ່ຕັ້ງຢູ່ໃນເມືອງກາສີແຂວງວຽງຈັນ ໄດ້ສໍາເລັດການກໍ່ສ້າງດ້ານນອກກ່ອນໝູ່ ແລະໄດ້ປາກົດຮູບໂສມຢ່າງເປັນທາງການຊຶ່ງສາມາດເວົ້າໄດ້ວ່າໃນສາຍທາງທັງໝົດຂອງ 10 ສະຖານີແຫ່ງນີ້ຖືວ່າເປັນສະຖານີທໍາອິດທີ່ສໍາເລັດການປິດໂຄງສ້າງຫຼັກຂອງຫຼັງຄາຊານຊາລາ.

   ສໍາລັບບໍລິສັດກໍ່ສ້າງທາງລົດໄຟພາກຕາເວັນຕົກສຽງໃຕ້ ສປ ຈີນ ຊຶ່ງເປັນຜູ້ຮັບເໝົາກໍ່ສ້າງສະຖານີກາສີທີ່ມີທີ່ຕັ້ງຢູ່ລະຫວ່າງກາງຂອງສະຖານຫຼວງພະບາງ ແລະສະຖານີວັງວຽງ, ມີເນື້ອທີ່ກໍ່ສ້າງທັງໝົດ 1498.7 ແມັດກະເລ້, ອອກແບບ 1 ຊານຊາລາ 3 ສາຍ, ຮອງຮັບຄົນໄດ້ສູງສຸດ 150 ຄົນ. ສະຖານີລົດໄຟກາສີແມ່ນນໍາເອົາແບບການກໍ່ສ້າງຊົງຈົວຕາມປະເພນີຂອງຈີນມາເປັນສັນຍາລັກຮູບແບບຫຼັກ, ແລະໄດ້ນໍາເອົາວັດທະນະທໍາ “ເຊືອກທັກມົງຄຸນຂອງຈີນ” ຊຶ່ງມີຄວາມໝາຍຂອງຄວາມຜາສຸກ ແລະການຢູ່ຄົບໜ້າຄົບຕາກັນມາເປັນປັດໄຈຊຶ່ງປະສົມປະສານກັບວັດທະນະທໍາການຕໍ່າຜ້າດ້ວຍມືທີ່ຕົບແຕ່ງຢ່າງມີເອກະລັກສະເພາະຂອງຊົນເຜົ່າລາວ, ຊຶ່ງມັນໄດ້ສະແດງເຖິງມິດຕະພາບທີ່ເລິກເຊິ່ງລະຫວ່າງສອງຊາດ ລາວ-ຈີນ ພາຍຫຼັງທີ່ສໍາເລັດການກໍ່ສ້າງດ້ານນອກແລ້ວອາຄານຈະມີສີສັນປະກາຍຂຶ້ນຕື່ມ, ມີຄວາມງົດງາມ ພ້ອມທັງມີຄວາມໝາຍທີ່ເປັນສີລິມຸງຄຸນ, ພ້ອມດຽວກັນນັ້ນຜົນຂອງການປະດັບປະດາຝາມ່ານເຮັດອອກມາໄດ້ດີ ແລະເປັນທີ່ພຶ່ງພໍໃຈຕາມເງື່ອນໄຂຄຸນນະພາບການກໍ່ສ້າງວິສະວະກໍາ.

 ໃນຂັ້ນຕອນການກໍ່ສ້າງ, ບໍ່ວ່າຈະປະເຊີນໜ້າກັບຝົນທີ່ຕົກໜັກ ແລະລະດູຝົນທີ່ມີໄລຍະເວລາທີ່ຍາວ, ອຸນຫະພູມສູງແລະອາກາດຮ້ອນ, ການຄົມມະນາຄົມບໍ່ສະດວກ, ວັດສະດຸກໍ່ສ້າງໃນທ້ອງຖິ່ນຂາດແຄນ, ສະພາບແວດລ້ອມການເປັນຢູ່ບໍ່ອໍານວຍ, ໃນຊ່ວງຂອງພະຍາດລະບາດເຊື້ອພະຍາດໂຄວິດ-19, ຂາດແຄນແຮງງານ,ການຂົນສົ່ງວັດສະດຸມີຄວາມລໍາບາກ, ແຕ່ທີມງານໂຄງການກໍ່ໄດ້ສ້າງແບບແຜນກໍ່ສ້າງພິເສດເພື່ອ ເນັ້ນໄປສູ່ຈຸດທີ່ສໍາຄັນ ແລະຈຸດທີ່ຫຍຸ້ງຍາກຂອງການກໍ່ສ້າງ, ພ້ອມທັງໃຊ້ຮູບແບບການນໍາໃຊ້ຊັບພະຍາກອນຈາກທ້ອງຖິ່ນລາວກັບ ສປ ຈີນ, ຊຶ່ງຮັບປະກັນເຖິງການຕອບສະໜອງດ້ານວັດສະດຸກໍ່ສ້າງພາກສະໜາມໄດ້ດີ ແລະໃນຊ່ວງເທສະການບຸນກຸດຈີນ ບຸກຄະລາກອນກໍ່ບໍ່ຢຸດເຮັດວຽກພ້ອມທັງປະຕິບັດຮູບແບບກໍ່ສ້າງ “ວຽກງານສອງກະ” ແລະ ນໍາເອົາການແຂ່ງຂັນດ້ານແຮງງານເປັນຈຸດກໍ່ໃຫ້ເກີດການເຟື່ອງຟູໃນການກໍ່ສ້າງພ້ອມທັງແຂ່ງຂັນກັບເວລາ ແລະ ກໍ່ໄດ້ສໍາເລັດວຽກງານປິດໂຄງສ້າງຫຼັກກ່ອນລ່ວງໜ້າ 15 ມື້ ຊຶ່ງເປັນຮາກຖານໃຫ້ແກ່ຮູບໂສມພາຍນອກຂອງອາຄານສະ ຖານີແຫ່ງນີ້.

แชร์