ງານໂຄມໄຟນາໆຊາດອີກໜຶ່ງກິດຈະກຳໜ້າທ່ຽວ

  ໃນລະຫວ່າງວັນທີ 7-10 ມີນາ 2019, ຫາກໃຜຄິດຈະໄປທ່ຽວ ແຕ່ຍັງບໍ່ຮູ້ບ່ອນຈະໄປ ທີ່ຟາມພູຕາ ເວັນເປັນອີກໜຶ່ງສະຖານທີ່ ທີ່ໄດ້ ຈັດກິດຈະກຳງານເທສະການໂຄມ ໄຟນາໆຊາດຂຶ້ນເພື່ອເປັນບ່ອນສ້າງ ຄວາມເບີກບານມ່ວນຊື່ນຈາກການ ທ່ຽວຊົມສວນດອກໄມ້ນາໆພັນ, ຜະລິດຕະພັນທ້ອງຖິ່ນແລ້ວຍັງໄດ້ ຮຽນຮູ້ກ່ຽວກັບສິລະປະທາງວັດທະ ນະທຳກໍຄືໂຄມໄຟນາໆຊາດນັ້ນເອງ.ເທສະການງານໂຄມໄຟນາໆ ຊາດທີ່ຈະຈັດຂຶ້ນໃນຄັ້ງນີ້ ນັບວ່າເປັນ ຄັ້ງທຳອິດມີຈຸດປະສົງຫຼັກແມ່ນເພື່ອ ເປັນການສົ່ງເສີມ ແລະສ້າງວຽກ ເຮັດງານທຳໃຫ້ແກ່ຊຸມຊົນໃນໜູ່ ບ້ານໃກ້ຄຽງກັບຟາມພູຕາເວັນ, ທັງ ເປັນການເຊື່ອມໂຍງການທ່ອງທ່ຽວ ຕາມເສັ້ນທາງຍຸດທະສາດລະຫວ່າງ ກຸ່ມປະເທດອາຊຽນດ້ວຍກັນໃນອະ ນາຄົດ,  ເປັນການສົ່ງເສີມການທ່ອງ ທ່ຽວລາວກ້າວສູ່ຄວາມຍືນຍົງ  ແລະ ເພື່ອສົ່ງເສີມຜະລິດຕະພັນພາຍໃນ  ສປປ ລາວ ເຮົາໃຫ້ກ້າວສູ່ຕະຫຼາດ ສາກົນໃນຍຸກເອອີຊີ, ພ້ອມນັ້ນພາຍໃນງານແມ່ນຈະມີຫຼາກຫຼາຍກິດຈະ ກຳເຊັ່ນ:  ການສະແດງໂຄມໄຟນາໆ ຊາດຈາກບັນດາສິລະປິນ, ຈາກບັນ ດາປະເທດໃນອາຊຽນ, ຍັງມີຮ້ານ ຄ້າວາງສະແດງເປັນປະເພດອາຫານ ແລະສິນຄ້າທ້ອງຖິ່ນຈາກຜູ້ປະ ກອບການແມ່ຍິງ, ຜູ້ປະກອບການ ທີ່ມີຊາຍແດນຕິດກັບລາວເຮົາ, ມີ ເຄື່ອງຫຼິ້ນເດັກນ້ອຍ, ມີຊົມສວນ ດອກໄມ້,  ຊຶ່ງຄາດວ່າຈະມີຜູ້ປະກອບ ການເຂົ້າຮ່ວມວາງສະແດງປະມານ 50 ຮ້ານ, ງານໂຄມໄຟນີ້ຖືວ່າເປັນ ຄັ້ງປະຫວັດສາດເລີຍກໍ່ວ່າໄດ້ອັນຈະຊ່ວຍຊຸກຍູ້ການທ່ອງທ່ຽວເພື່ສົ່ງເສີມປີທ່ອງທ່ຽວລາວ ແລະສືບ ຕໍ່ສົ່ງເສີມການເປີດປີທ່ອງທ່ຽວ ລາວ-ຈີນ 2019 ນີ້, ການຈັດເທດ ສະການໂຄມໄຟກໍ່ຈະເປັນການໂຄ  ສະນາ, ດຶງດູດເອົານັກທ່ອງທ່ຽວທັງພາຍໃນ  ແລະຕ່າງປະເທດໃຫ້ມາ ຮູ້ຈັກ,  ເນື່ອງຈາກມີຕາງໜ້າອົງການ ຈັດຕັ້ງສາກົນຈາກ 5-6 ປະເທດທີ່ ສະແດງເຈດຈຳນົງມາຮ່ວມສະແດງ ໂຄມໄຟໃນງານຄັ້ງນີ້.ທ່ານ  ນາງ  ດາລູນີ  ດວງປະເສີດ ອຳນວຍການຟາມພູຕາເວັນກ່າວ ວ່າ: ງານຄັ້ງນີ້ແມ່ນພວກເຮົາໄດ້ມີການກະກຽມມາແຕ່ທ້າຍປີ 2018, ດັ່ງນັ້ນມາຮອດປະຈຸບັນພ້ອມແລ້ວ ຊຶ່ງຈະຈັດຂຶ້ນລະຫວ່າງວັນທີ 7-10  ມີນາ 2019 ນີ້, ງານນີ້ເປັນຄັ້ງທຳ ອິດທີ່ຈັດຂຶ້ນ  ແລະກໍໃຫຍ່ພໍສົມຄວນ, ໃນງານນອກຈາກນັກທ່ອງທ່ຽວ ຈະໄດ້ຊົມໂຄມໄຟຈາກບັນດາພາກ ສ່ວນຕ່າງ ແລະປະເທດຕ່າງໆທີ່ ເຂົ້າຮ່ວມສະແດງແລ້ວນັກທ່ອງ ທ່ຽວຍັງສາມາດຊົມ ແລະຊື້ສິນຄ້າ ຈາກບັນດາຜູ້ປະກອບການທ້ອງຖິ່ນ ແລະຮ້ານຄ້າຕ່າງໆທີ່ເປັນເຄື່ອງ ປະເພດຫັດຖະກຳ, ອາຫານ ແລະ ອື່ນໆ, ສໍາລັບປີ້ເຂົ້າໃນວັນທີ 7, 8,10, ແມ່ນປີ້ລະ 25 ພັນກີບ ສະ ເພາະມື້ວັນທີ 9 ເປັນມື້ເປີດຈະມີ ຄອນເສີດໃຫຍ່ມີນັກຮ້ອງຈາກພາຍ ໃນ ແລະປະເທດເພື່ອນບ້ານມາ ຮ່ວມໂຊປີ້ເຂົ້າຊົມແມ່ນລາຄາ 50 ພັນກີບຕໍ່ຄົນ (ຍົກເວັ້ນເດັກຕໍ່າກວ່າ 1,20  ແມັດ, ຜູ້ອາຍຸສູງ 60 ຂຶ້ນ ໄປ, ຜູ້ພິການ ແລະພະສົງ ບໍ່ເສຍຄ່າ) ໃນມື້ 4 ນີ້ປີ້ຄ່າຟາກລົດໃຫຍ່ ຄັນລະ 10 ພັນກີບ ແລະລົດຈັກ 5 ພັນກີບ, ແຕ່ເວລາ 9 ເຊົ້າຫາ 21 ໂມງ.

ນສພ ເສດຖະກິດ-ສັງຄົມ

แชร์