ມັນຕົ້ນ ສິນຄ້າກະສິກຳລາວສົ່ງອອກຫຼາຍສຸດ 4 ເດືອນຕົ້ນປີ

  ເຖິງແມ່ນວ່າສະພາບການລະບາດຂອງພະຍາດໂຄວິດ-19 ຢູ່ປະເທດເຮົາໃນປີນີ້ຈະເພີ່ມທະວີການແຜ່ຢ່າງວ່ອງໄວໄປໃນວົງກວ້າງຫຼາຍຂຶ້ນພຽງໃດກໍ່ຕາມແຕ່ສີ່ງທີ່ເປັນປັດໄຈອັນພື້ນຖານຂອງການດຳລົງຊີວິດປະຊາຊົນປະກອບເຂົ້າໃນການຕໍ່ສູ້ກັບພະຍາດຮ້າຍນີ້ກໍ່ແມ່ນສະບຽງອາຫານຊຶ່ງບັນຫານີ້ພັກລັດແມ່ນໄດ້ຖືສຳຄັນພ້ອມມີການຊຸກຍູ້ສົ່ງເສີມຂະບວນຜະລິດສະບຽງອາຫານຕອບສະໜອງໄດ້ພຽງພໍກັບຄວາມຕ້ອງການບໍລິໂພກຂອງປະຊາຊົນໃນຍາມວິກິດທັງສາມາດຜະລິດເປັນສິນຄ້າສົ່ງອອກໄປ ຕ່າງປະເທດນຳອີກ.

 ການລະບາດຂອງພະຍາດໂຄວິດ-19 ຮ່ວມກັບທ່ານ ດຣ. ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່ທີ່ກະຊວງສາທາລະນະສຸກໃນວັນທີ 26 ພຶດສະພາ 2021 ບາງຕອນຮູ້ວ່າ: ໃນໄລຍະທີ່ປະຕິບັດມາດຕະການຕ້ານພະຍາດໂຄວິດ-19, ກະຊວງກະສິກໍາ ແລະ ປ່າໄມ້ໄດ້ເອົາໃຈໃສ່ຊຸກຍູ້ຂະບວນການຜະລິດສະ ບຽງອາຫານ ແລະການຜະລິດກະສິກໍາເປັນສິນຄ້າສົ່ງອອກ, ຊຶ່ງຜ່ານມາສາມາດສະໜອງສະບຽງອາຫານພາຍໃນໄດ້ຢ່າງພຽງພໍ ແລະສົ່ງອອກສິນຄ້າກະສິກໍາໄປຕ່າງປະເທດໄດ້ໃນລະດັບໜຶ່ງ.

   ແຕ່ການຈໍາໜ່າຍສິນຄ້າກະສິກຳພາຍໃນປະເທດໃນບາງແຂວງທີ່ມີການລະບາດຂອງພະຍາດແມ່ນມີຄວາມຫຍຸ້ງຍາກຫຼາຍໂດຍສະເພາະກຸ່ມຜະລິດພືດຜັກສະອາດ ແລະຜະລິດກະສິກໍາເປັນສິນຄ້າ,ນອກນັ້ນ,ໃນໄລຍະທີ່ປະຕິບັດຕາມມາດຕະການປ້ອງກັນພະຍາດໂຄວິດ-19 ນີ້ເຮັດໃຫ້ຊາວກະສິກອນ ແລະພໍ່ຄ້າຈຳນວນໜຶ່ງບໍ່ສາມາດອອກຈາກຂອບເຂດບ້ານເພື່ອມາຈຳໜ່າຍ, ຊື້-ຂາຍສິນຄ້າໄດ້ ແລະ ບາງແຂວງກໍ່ມີຜູ້ມາຊື້-ຂາຍ ຫຼຸດລົງເຮັດໃຫ້ສິນຄ້າກະສິກຳຂອງປະຊາຊົນອັ່ງອໍໃນບາງເຂດໂດຍສະ ເພາະຕະຫຼາດພືດຜັກສະອາດຢູ່ນະຄອນຫຼວງວຽງຈັນ ຍ້ອນວ່າຫຼາຍຕະຫຼາດໄດ້ປິດຊົ່ວຄາວເຮັດໃຫ້ຜົນຜະລິດເສຍຫາຍ ແລະລາຍຮັບຫຼຸດລົງເຖິງ 50% (ປະຈຸບັນເຖິງວ່າເປີດຕະຫຼາດສ່ວນໜຶ່ງຄືນແລ້ວແຕ່ການຈຳໜ່າຍສິນຄ້າກໍ່ຍັງມີລາຍຮັບຫຼຸດລົງເຖິງ 30%). 

  ສຳລັບການສະໜອງເຂົ້າ ແລະພືດສະບຽງອື່ນໆ ໂດຍລວມແມ່ນຍັງພຽງພໍຕໍ່ກັບຄວາມຕ້ອງການຂອງການບໍລິໂພກພາຍໃນປະເທດເປັນຕົ້ນ: ການຜະລິດເຂົ້ານາແຊງ ໃນລະດູການນີ້ສາມາດປັກດໍາໄດ້ 88,01 ພັນເຮັກຕາ ເທົ່າກັບ 96% ຂອງແຜນການຊຶ່ງມາຮອດປະຈຸບັນການເກັບກ່ຽວແມ່ນສໍາເລັດເກືອບທັງໝົດແລ້ວສ່ວນການຜະລິດພືດສະບຽງອາຫານ ແລະຜະລິດພືດສິນຄ້າອື່ນໆ ເພື່ອບໍລິໂພກພາຍໃນ, ປ້ອນໂຮງງານອຸດສາຫະກຳປຸງແຕ່ງ ແລະສົ່ງອອກຕ່າງປະເທດໃນລະດູແລ້ງນີ້ປະຕິບັດໄດ້ປະມານ 1,29 ແສນຮັກຕາ, ເທົ່າກັບ 85% ຂອງແຜນການຊຶ່ງຂະບວນການປູກແມ່ນຍັງສືບຕໍ່ໂດຍສະເພາະບັນດາພືດຜັກ, ມັນຕົ້ນ, ອ້ອຍ, ສາລີຫວານ, ຖົ່ວດິນ ແລະອື່ນໆ.

  ນອກຈາກພືດແລ້ວສາມາດສະໜອງຊີ້ນເພື່ອບໍລິໂພກພາຍໃນໄດ້ 4,65 ແສນໂຕນ ທຽບໃສ່ປີ 2019, ເພີ່ມຂຶ້ນ 5,96%), ປະຈຸບັນມີຝູງສັດລ້ຽງປະເພດຕ່າງໆໃນທົ່ວປະເທດເພື່ອສະໜອງທາດຊີ້ນໃຫ້ແກ່ການບໍລິໂພກພາຍໃນເຊັ່ນ: ງົວ, ຄວາຍ, ໝູ, ແກະ/ແບ້ ແລະ ສັດປີກໃນລະດັບສະເລ່ຍບໍລິໂພກ 65 ກິໂລຕໍ່ຄົນຕໍ່ປີແມ່ນພຽງພໍກັບຄວາມຕ້ອງການ.

  ສໍາລັບການສົ່ງອອກຜະລິດຕະພັນກະສິກໍາທ່ານຮອງລັດຖະມົນຕີກ່າວວ່າ: ນັບແຕ່ເດືອນມັງກອນ ຫາ ເດືອນເມສາ 2021 ມີການສົ່ງອອກພືດຜະລິດຕະພັນພືດຜ່ານດ່ານສາກົນຈຳນວນ 2 ລ້ານກວ່າໂຕນ, ມູນຄ່າ 440,5 ລ້ານກວ່າໂດລາ, ໃນນັ້ນ, ພືດທີ່ສົ່ງອອກຫຼາຍກວ່າໝູ່ແມ່ນມັນຕົ້ນມູນຄ່າ 138,3 ລ້ານໂດລາ, ໝາກກ້ວຍ ມູນຄ່າ 107,6 ລ້ານໂດລາ, ໝາກໂມ ມູນຄ່າ 25,9 ລ້ານໂດລາ, ອ້ອຍ ມູນຄ່າ 16,4 ລ້ານໂດລາ ຕະຫຼາດຫຼັກແມ່ນຈີນ, ໄທ ແລະຫວຽດນາມ.

  ນອກນັ້ນ, ກໍ່ໄດ້ສໍາເລັດການສົ່ງສັດໃຫຍ່ (ງົວ, ຄວາຍ) ໄປ ສປ ຈີນ ຈຳນວນ 2.013 ໂຕ ໃນນັ້ນງົວ 1,992 ໂຕ ແລະຄວາຍ 21 ໂຕມູນຄ່າປະມານ 4,8 ລ້ານໂດລາ.

แชร์