ທສກ ພາກໃຕ້ ຊຸກຍູ້ວຽກຕ້ານໂຄວິດໂຮງໝໍກອງພົນທີ 5

   ເພື່ອເປັນການຊຸກຍູ້ກໍາລັງໃຈໃຫ້ພະນັກງານແພດໝໍທີ່ປະຕິບັດໜ້າທີ່ວຽກງານຕ້ານສະກັດກັ້ນການແຜ່ລະບາດຂອງເຊື້ອພະຍາດໂຄວິດ-19 ຢູ່ກອງພົນ ທີ 5 ກໍ່ຄືສ້າງຂວັນກໍາລັງໃຈໃຫ້ພະນັກງານແພດໝໍທີ່ປະຕິບັດໜ້າທີ່ສັກຢາວັກແຊງຢູ່ໂຮງໝໍກອງພົນທີ 5 ໃຫ້ມີຄວາມບຸກບຶນຫ້າວຫັນຕື່ມຂຶ້ນດັ່ງນັ້ນໃນວັນທີ 25 ພຶດສະພາ 2021 ນີ້ທ່ານ ເພັດພູທອນ ພະຈັນສິດທິ ຮອງຫົວໜ້າສາຂາທະນາຄານສົ່ງເສີມກະສີກໍາພາກໃຕ້ພ້ອມຄະນະໄດ້ນໍາເອົາເຄື່ອງອຸປະໂພກ-ບໍລິໂພກມອບ ໃຫ້ແກ່ໂຮງໝໍກອງພົນທີ 5 ໂດຍການຕ້ອນຮັບຂອງທ່ານ ພັນໂທ ຈັນທະລາ ໄຊສົງຄາມ ຫົວໜ້າການເມືອງໂຮງໝໍກອງພົນທີ 5 ພ້ອມດ້ວຍພະນັກງານແພດໝໍໃຫ້ກຽດຕ້ອນຮັບຢ່າງອົບອຸ່ນ.

  ທັງນີ້ທ່ານ ພັນໂທ ຈັນທະລາ ໄຊສົງຄາມ ກໍໄດ້ຕາງໜ້າແພດໝໍກ່າວຂອບໃຈມາຍັງສາຂາທະນາຄານສົ່ງເສີມກະສີກໍາພາກໃຕ້ທີ່ໄດ້ໃຫ້ການຊຸກຍູ້ສະໜັບສະໜູນໃນຄັ້ງນີ້ ແລະຈະນຳໃຊ້ເຄື່ອງທີ່ໄດ້ຮັບປະກອບສ່ວນໜຶ່ງເຂົ້າໃນວຽກງານ ແລະໃຫ້ການສະກັດກັ້ນ ແລະຕ້ານພະຍາດໂຄວິດ-19 ບັນລຸຕາມວັດຖຸປະສົງທີ່ໄດ້ວາງເອົາໄວ້.

ຂ່າວ: ໂພທິລາດ 

แชร์