ພະນັກງານ JDB ສຳເລັດສັກວັກແຊງກັນໂຄວິດທັງ 2 ເຂັມ

  ດ້ວຍຄວາມປາຖະໜາອັນແຮງກ້າ ແລະຄວາມຕັດສິນໃຈສູງຂອງຜູ້ບໍລິຫານທະນາຄານຮ່ວມພັດທະນາ (JDB), ມີຈຸດປະສົງໃຫ້ພະນັກງານທຸກຄົນໃນທົ່ວລະບົບໄດ້ຮັບການສັກວັກແຊງເພື່ອເພີ່ມພູມຄຸ້ມກັນໃຫ້ກັບຮ່າງກາຍ ແລະເປັນການປ້ອງກັນພະຍາດໂຄວິດ-19 ນໍາອີກ.

   ໄລຍະຜ່ານມາ, ດ້ວຍຄວມເປັນຫວ່ງເປັນໄຍຂອງຜູ້ບໍລິຫານພວກເຮົາກໍ່ໄດ້ອອກແຈ້ງການເພື່ອໃຫ້ພະນັກງານທຸກຄົນເອົາໃຈໃສ່ປະຕິບັດຕາມຄຳແນະນຳຂອງຄະນະສະເພາະກິດໃນການສັກວັກແຊງເຂັມທີ 1 ຢ່າງເຄັ່ງຄັດມາຮອດປະຈຸບັນ, ສາມາດເວົ້າໄດ້ວ່າ: ພະນັກງານຂອງທະນາຄານຮ່ວມພັດທະນາ (JDB) ແມ່ນໄດ້ປະຕິບັດການສັກວັກແຊງຕາມວັນ ແລະເວລາຄົບກໍານົດແລ້ວ ແລະປະຕິບັດຕາມຄໍາແນະນໍາຂອງແພດໝໍກໍຄືຄະນະສະເພາະກິດລະດັບຊາດ.

  ຫຼ້າສຸດ, ວັນສຸກທີ 21 ພຶດສະພາ ຜ່ານມານີ້ທີ່ສໍານັກງານໃຫຍ່ທະນາຄານຮ່ວມພັດທະນາໄດ້ມີພິທີສັກວັກແຊງເຂັມທີ 2 ໃຫ້ກັບພະນັກງານດ້ວຍການເຊື້ອເຊີນເອົາແພດໝໍຜູ້ຊ່ຽວຊານເຂົ້າມາສັກໃຫ້, ເນື່ອງຈາກພະນັກງານສ່ວນໃຫຍ່ແມ່ນເຮັດວຽກກັບທີ່ບໍລິການລູກຄ້າສໍາລັບວັກແຊງທີ່ໄດ້ລົງທະບຽນກ່ອນໜ້ານັ້ນສ່ວນໃຫຍ່ແມ່ນວັກແຊງປະເພດ “ຊີໂນຟາມ”.

  ການສັກວັກແຊງດັ່ງກ່າວ, ໃຫ້ກຽດເຂົ້າຮ່ວມຂອງທ່ານ ວິໄລ ສີພະພອນ, ຜູ້ອໍານວຍການໃຫຍ່ທະນາຄານຮ່ວມພັດທະນາມີທ່ານ ປອ. ບົວວອນ ຈັນທະນີເລີດ, ຫົວ ໜ້າຫ້ອງການທະນາຄານຮ່ວມພັດທະນາພ້ອມດ້ວຍພະນັກງານຍິງ ແລະຊາຍເຂົ້າຮ່ວມທັງໝົດ 113 ຄົນ.

   ສໍາລັບພະນັກງານຢູ່ໜ່ວຍບໍລິການຕ່າງແຂວງໃນທົ່ວປະເທດກໍ່ລ້ວນແລ້ວແຕ່ໄດ້ຮັບການສັກວັກແຊງເຂັມທີ 1 ແລະເຂັມທີ 2 ຢູ່ແຕ່ລະໂຮງໝໍຂອງແຂວງເຊັ່ນກັນ.

    ທະນາຄານຮ່ວມພັດທະນາຂອງພວກເຮົາຍາມໃດກໍ່ໃຫ້ຄວາມສໍາຄັນກັບຊີວິດການເປັນຢູ່ ແລະສຸຂະພາບຂອງພະນັກງານດ້ວຍດີຕະຫຼອດມາ.

ຂ່າວ: ຄຳຕົ້ນ ວໍລະຈັກ 

แชร์