ນວ ກຳນົດເງື່ອນໄຂເຂົ້າ-ອອກ

   ເພື່ອປ້ອງກັນ, ຄວບຄຸມ ແລະແກ້ໄຂການລະບາດຂອງພະຍາດ COVID19 ໃນວັນທີ 24 ພຶດສະພາ 2021 ຄະນະສະເພະະກິດນະຄອນຫຼວງວຽງຈັນ ໄດ້ແຈ້ງໃຫ້ບຸກຄົນ, ນິຕິບຸກຄົນ, ການຈັດຕັ້ງພາຍໃນ ແລະຕ່າງປະເທດທີ່ເຄື່ອນໄຫວຢູ່ນະຄອນຫຼວງວຽງຈັນທີ່ມີຈຸດປະສົງຢາກເດີນທາງເຂົ້າ-ອອກ ນະຄອນຫຼວງວຽງຈັນຈະຕ້ອງມີເງື່ອນໄຂໃນການອະນຸຍາດໃຫ້ບຸກຄົນເດີນທາງເຂົ້າອອກນະຄອນຫຼວງວຽງຈັນຄົບຕາມທີ່ກຳນົດໄວ້ຈຶ່ງຈະເຂົ້າ-ອອກໄດ້.

  ສຳລັບພະນັກງານຂອງລັດພະນັກງານລັດຂັ້ນສູນກາງໃຫ້ນໍາໃຊ້ຂໍ້ຕົກລົງແຕ່ງຕັ້ງຂອງກະຊວງ-ອົງການຂອງຕົນໃຫ້ໄປປະຕິບັດໜ້າທີ່ຢູ່ຕ່າງແຂວງ (ບໍ່ຈໍາເປັນຂໍໃບອະນຸ ຍາດຈາກຄະນະສະເພາະກິດ); ກໍາລັງປກຊ-ປກສ: ໃຫ້ນໍາໃຊ້ຂໍ້ຕົກລົງແຕ່ງຕັ້ງຂອງກະຊວງ ປກຊ-ປກສ ໃຫ້ໄປປະຕິບັດໜ້າທີ່ຢູ່ຕ່າງແຂວງບໍ່ຈໍາເປັນຂໍໃບອະນຸຍາດຈາກຄະນະສະເພາະກິດ; ພະນັກງານລັດຂັ້ນທ້ອງຖິ່ນໃຫ້ມີໃບສະເໜີຈາກພະແນກການ,ອົງການຕົນເພື່ອຂໍໃບອະນຸມັດນໍາພະແນກສາທາລະນະສຸກ ຫຼືຄະນະສະເພາະກິດນະຄອນຫຼວງວຽງຈັນ; ພະນັກງານວິສາຫະກິດ: ໃຫ້ມີໃບສະເຫນີຈາກລັດວິສາຫະກິດຂອງຕົນເພື່ອຂໍໃບອະນຸມັດນໍາພະແນກສາທາລະນະສຸກ ຫຼື ຄະນະສະເພາະກິດນະຄອນຫຼວງວຽງຈັນ; ນັກບວດໃຫ້ມີໃບສະເໜີຈາກວັດ,ໂບດຂອງຕົນເພື່ອຂໍອະນຸມັດຈາກພະແນກສາທາລະນະສຸກ ຫຼືຄະນະສະເພາະກິດນະຄອນຫຼວງວຽງຈັນ; ປະຊາຊົນ: ໃຫ້ມີໃບສະເໜີຂອງຕົນໂດຍຜ່ານອົງການປົກຄອງບ້ານເພື່ອຂໍໃບອະນຸມັດນໍາພະແນກສາທາລະນະສຸກ ຫຼືຄະນະສະເພາະກິດນະຄອນຫຼວງວຽງຈັນ.

   ສ່ວນນັກການທູດ, ຊ່ຽວຊານ, ວິຊາການຈາກອົງການຈັດຕັ້ງສາກົນ: ໃຫ້ມີໃບສະເໜີຈາກສະຖານທູດ ຫຼືອົງການຂອງຕົນເພື່ອຂໍອະນຸມັດຈາກຄະນະສະເພາະກິດສູນກາງ ຫຼືຄະນະສະເພາະກິດນະຄອນຫຼວງວຽງຈັນ; ຄົນດ້າວ, ຊາວຕ່າງປະເທດໃຫ້ມີໃບສະເໜີຂອງຕົນເພື່ອຂໍໃບອະນຸມັດນໍາພະແນກສາທາລະນະສຸກ ຫຼື ຄະນະສະເພາະກິດນະຄອນຫຼວງວຽງຈັນ; ຂະບວນລົດຜູ້ນໍາ, ລົດສະຫຼາມ, ລົດສົ່ງຄົນເຈັບ, ລົດກູ້ໄພ, ລົດດັບເພີງ ແລະລົດຄະນະສະເພາະກິດ, ລົດຂົນສົ່ງສິນຄ້າ, ຂົນສົ່ງໂຄງການ ແລະເຄື່ອງຮັບໃຊ້ການຜະລິດສາມາດເຂົ້າອອກໄດ້ໂດຍບໍ່ຈໍາເປັນຂໍອະນຸຍາດຕາມແຈ້ງການຂອງຫ້ອງວ່າການສໍານັກງານນາຍົກລັດຖະມົນຕີສະບັບເລກທີ 528/ຫສນຍ, ລົງວັນທີ 20 ພຶດສະພາ 2021 ກໍານົດໄວ້.

   ທັງນີ້ແມ່ນບໍ່ອະນຸຍາດໃຫ້ເດີນທາງເຂົ້າ-ອອກ ນະຄອນຫຼວງວຽງຈັນເດັດຂາດ: ບຸກຄົນທີ່ຢູ່ບ້ານແດງ, ບຸກຄົນສໍາຜັດໃກ້ຊິດກັບຜູ້ຕິດເຊື້ອຈາກພະຍາດ COVID-19, ບຸກຄົນທີ່ຖືກຈໍາກັດບໍລິເວນ ແລະບຸກຄົນທີ່ປິ່ນປົວຫາຍດີທີ່ບໍ່ໄດ້ຈໍາກັດບໍລິເວນຄົບ 14 ມື້.

 ໂດຍເນື້ອໃນຕົ້ນຕໍຂອງໃບສະເຫນີຂໍອະນຸຍາດເຂົ້າ-ອອກ ນະຄອນຫຼວງວຽງຈັນ ຊື່ ແລະນາມສະກຸນ, ຈຸດປະສົງການເດີນທາງ (ເສຍຊີວິດ, ເຈັບເປັນ, ກັບພູມລໍາເນົາ, ປະຕິບັດຫນ້າທີ່ທາງການ, ໂຄງການ, ການຜະລິດ), ຈຸດຫມາຍປາຍທາງຂອງການເດີນທາງ (ບ້ານ, ເມືອງ, ແຂວງ), ພາຫະນະ (ຍີ່ຫໍ້ລົດ, ປະເພດລົດ, ສີລົດ, ເລກທະບຽນລົດ), ເອກະສານປະກອບທີ່ຈໍາເປັນເຊັ່ນ: ສໍາເນົາບັດປະຈໍາຕົວ ຫຼື ປື້ມສໍາມະໂນຄົວ ຫຼື ໃບຢັ້ງຢືນທີ່ຢູ່ ຫຼື PASSPORT ຫຼື ຂໍ້ຕົກລົງແຕ່ງຕັ້ງໄປວຽກທາງການ.

  ຊ່ອງທາງການຍື່ນເອກະສານແມ່ນໃຫ້ຍື່ນຜ່ານທາງ WhatsApp 020 9591 7490, 020 9285 3909 ຂອງພະແນກສາທາລະນະສຸກ ນະຄອນຫຼວງວຽງຈັນ (ບໍ່ຮັບເອກະສານໂດຍກົງ); ການອອກເອກະສານອະນຸມັດ: ວັນຈັນ-ວັນສຸກ, ເລີ່ມແຕ່ເວລາ 8:00-16:00 ໂມງ;-ໝາຍເລກໂທສອບຖາມ:

02092618918, 02096573058, 02058894533, 02098576462.

แชร์